Yoohanee 5:3 - Anutuna Ufa

³ Mi qaindairana ameemaanai auqaanai aurirana oosana oosana maree marusa misa mina ameemaanai ooqumari maree mi farummana afaiqara fiqummambi mariqau. [

Yoohanee 5:3 Referans Kwoze

Ruka 7:22

Inneeqara Yoohaneefinnai anirandee oonuree maqee maaqoo qafaida maria ainaina qinee Yisusa auqaunnanara qimamiaqa, nifu dimbarausa maqanniseeqa niku eendirausa andeeqannisaunaqa nidaqa karoora narimarisa rukanniseeqa naaqoo aunirausa ruiqanniseeqa kuqirausa findifumanniseeqa, kudi fasiqa anaaseeuqa amiqira fasaasa ufa innaarunaira qimannimiqa mi ainainausara oonuree aiqama Yoohaneena qimamifanoo mifa qiniara iriannoo, ooqai aniraree qimaqoosa doo misamma ani maridaqa.

Mataioo 15:30

Faiqí anaasee qafamasee moomoosa mina afaqee ooru fiqau. Misa niku arirutimarusa faqa misa nifu qimbarausa faqa niku eendirausa faqa sia ufa qusa faqa oosana oosana teeroomaree marusa faqa maree oorureeqa Yisuna aikusaqa quqasoofanoo mifa aiqama misa aurirana andeeqa taikannisanau.

Yameesa 5:7

Oo qini qikaqaafasaa Yisuna ufa irimariasa, karaambaiqa kafaa qumiranara ubiqafi kasoomambi marida afeesara mariaqa. Ququsa akoofa narana ummaqusee sia munari minari idanoo ubiqafi maridanoo moomoo narana ummaquqaina kambiqaranara ubiqafi afeesida maridanoo mifa aaku afeesara maridanoo aaku maqasaa quminanoo narana kambiqaannoo.

Roomma 8:25

Maasa sia qafaa ainaina kambiqaannoommifoo qidaqa ubiqafi reendeenamandee asasamasee afeesidaqa.

Aaquqira Ufa 8:34

Qini ufa irimariasa asasifaranoo. Qini kooqiki aiqama kari mariasa faqa eeqá maaqai fimarunna aanna afainni maridaqa qiniara rakisi mariasa asasifaranoo.

Mataioo 4:24

Miqi marufanoo mina auqu aiqamai daraaninau. Siria maqannaasa faqa aiqama iriqau. Iriseeqa amiqi marusa misa aiqama oosana oosana aurirana maree marusa faqa kaaqa nidafi marusa faqa faiqí fueena naundurai keeqeemarusa faqa fuseenasana nári marusa faqa niku nisauku aadanusi marusa faqa aiqama Yisufinnai maraida munu quqee marufanoo Yisufa andeeqannisee marinau.

Yoohanee 5:2

Yeerusaree maqusa faandaamura kooqi sipsipa kooqi fee qimarufa marinau. Mi kooqina aaqa nammari farumma firaafa marinau. Mi farummana afainni aana fiqu imarunnai qaindaira moodaanai qisauku qaindaira marinau. Mi farummana auqu Beetasata farummee qimariqau.

Yoohanee 5:4

Karaambaiqa qangiroo moo fannoo inaarunaindari narí kai iriseenoo moodaa kari moodaa kari aqufufanoo mi nammarina auqeesoofanoo indaaru mi nammarinaki keeqoofa mifa keeqafufanoo narí aurirana taikasee fimarinau. Miqi marunara misa aurimarusa moomoosa Beetasata nammari afainni rakisida mariqau.]