Yoohanee 4:48 - Anutuna Ufa

⁴⁸ Yisufa mina iriseenoo maaqi qimaseenoo narí qimaminau. Inniki sia moo fannoo qiniara kaqi kuqaa fee qimasee qinikina irifaranoo. Innee firaa ainaina faiqí sia amana auqaaqaa ira ainaina auqamasaanaqa qafeeqa kai qinikina irifaranoo.

Yoohanee 4:48 Referans Kwoze

Yoohanee 20:29

Yisufa kafaa Toomasina qimaminoo qinau. Anee qini qiqafamaseenana kai qiniara kuqaa fee qidanee. Akaqausa sia qini qiqafaidaqa qini ufara kuqaa fee qifanoo Anutuna asasirafa misasaa mariannoo.

Heeburu 2:4

Maasa sia misa ufa kai irisee kuqaa fee qidaqa Anutufa misa ufa dadaaqammasoofaqa faiqí sia amana auqaaqaa ira ainainna firaa ainaina oosana oosana faiqí anaasee dadaaqimaru ainainna auqusoofaqa maasa mina qafeeqa kuqaa fee qidaqa. Anutufa narí iriranannai kai narí maraqunannai kai oosana oosana fasiqa anaasee dadaaqira akoofasaikirana faiqí anaasee niminau. Miqunnannai faqa maasa innaarunaindaraa asumu marirana qimianinnanara kuqaa fee qidaqa.

1 Koorinti 1:22

Yuda maqannaasa faiqí sia amana auqaaqaa ira ainaina uqaqifiqasainaqa ani ufara kuqaa fee qiraree qimariasa. Anaamuru Kirisa maqannaasa firaa iriranakinaa irirana qimaqimifaqa kuqaa fee qianauranoo.

Yoohanee 12:37

Yisufa oosana oosana firaa ainaina faiqí anaasee nifusaa auqeemarinau. Sia misa minara oonumafi iriqau.

2 Koorinti 12:12

Qinee kuqaa Yisufa diqiqoo fasiqausa maridaqa aiqama ainaina kooroomannimaqee mariafanaqa qafee mariqau. Innee sia irufaqa qinee kaqi reendeenamandee uqannifiqee mariqiafana. Faiqí sia amana auqaaqaaira ainaina faqa naaquqee maru ainaina faqa Anutunara faqa kooroomannimaqee maru ainainna faqa reendeenamandee uqannifiqaafannana. Minannai kai qinee niqiqaafanna fasiqausa marunnanara kooroomma nimaqaqiafana.

Mareekoo 13:22

Unnaqimaria asauku mundirausa faqa unnaqi maria tamummaqara fasiqausa faqa miqira aukuana moomoo kambiqeefaranoo. Misa Anutuna rusandeesamumandee maraqoo fasiqa anaaseesa nikaru qiani qimaseenoo naaquqara ainaina faqa sia faiqí amanaikimari ainaina faqa auqusaifanoo kambiqaannoo. Mi ainainannai nikaruqiani qimasaifanoo sia amanaikiannoo.

Mataioo 24:24

Mi aukuanna unna nisauku mundirausa faqa unnaqi maria tamummaqira fasiqausa faqa moomoo kambiqeefaranoo. Misauqaindi aninna aukuana misa qaini qainiqira ainaina mookira ainaina naaquqara ainaina auqamasee uqannifiqasainaqa Anutuna qutaaqamasee mina ufamau fimariasa nikaru qimasaana qinindi kiaqeera miqifaranoo.

Yoohanee 2:18

Yisufa aandauqa amaana maqa naambeeqaindaraana niqiqamasoofaqa Yuda maqannaa uriqararausa quandafi Yisuna aqidaqa qiqau. Anee kuqaa karaambaiqa maridana faiqí sia amana auqeemaria ainaina firaa ainaina moo uqaqifiqainaqa maasa kuqaa aniara karaambaiqammifoo qianaura.

Ruka 16:31

Abarahaamafa qinau, ani akaqaafasaauqa Mooseena faqa tamummaqara fasiqauqa ufa faqa sia iriqa kuqiranakiqari findi finna fasiqana ufa faqa sia irifaranoo.

2 Teesaroonika 2:9

Mi manda oosana maree mari fasiqana oosana maaqimminoo mariannoo, mifa Sadannana firaa afeeka namufaqa anireenoo oosana oosana ainainna faiqí sia auqaaqaa ira ainaina faqa unna qimasee narí auqu uqeeree mari ainaina faqa naaquqara ainaina faqa uqeerasee anoonara foora uqannifiqaannoo.

Yoohanee 15:24

Qinee misa nifusaa faiqí sia auqaaqaa ira ainaina auqaafannana sia maqasaa fasiqa moo fannoo mi ainainna auqoofanoo anoona kambiqanau. Qinee sia miqimaseeqa mi ainainna auqaananoofau misa numoo sia mariqini. Qinee oosana oosana ainaina auqaunaqa misa sia amiqimasee maaqanda qisakoosara irirai maaqandara fidiaqaamma qimaqaidaqa.

Mataioo 27:42

Maafa faiqí anaasee mareeqee Anutuna asumu mariranaki mara quqannisaannee qimarifa nariara sia amanaikinoo. Kuqaa fee anee Isaraee maqannaa karaambaiqee maridanee. Kuqaa miqinana anee karaambaiqa maridana maqee maqasaa tatuaki aqufinaqa maasa aniara kuqaa karaambaiqee qianaura.

Mataioo 16:1

Farisai amaana ufa qimarusa faqa Sadikai amaana ufa irimarusa faqa misa Yisunara kuqaa Anutuna amaaku fee maridanoo fee qianeera uneemaana qimasee amanammasee qafaaneera qiqau. Firaa ainaina mookira ainaina innaarunaindaraa ainaina uqaqifiqasainaqa qafamasee kuqaa aniara Anutuna faiqi fee qianauranoo.

Yoohanee 4:49

Mi uriqarara fasiqafa minara iriseenoo qinau. Oo qini karaambaiqa qini faiqi kuqirarammidanoo doo qini faqa ania.