Yoohanee 4:18 - Anutuna Ufa

¹⁸ Miqi qufanoo Yisufa kafaa qimaminoo qinau. Oo doo anee ooqai moodannai qisauku fasiqa maroonafa mariananoo. Maqee maraqaanna fasiqafa sia ani afaaqifau maridanoo moona afaaqi maridanoo. Anee kuqaa anoona ufa kai qimaqimiananoo.

Yoohanee 4:18 Referans Kwoze

Mareekoo 10:12

Miqi kai inoo anaasee moo fannoo narí afaaqi minnisee moo fasiqa marainafa ummuarirana mareenoo miqiannoo.

Roomma 7:3

Mi anaaseena afaaqi kaqi marinanoo quandaki moo fasiqa marainnanara qummuarimari anaasee fee qifaranoo. Mina afaaqi kuqufinanoo sandufasaaqaraafa doo idukinoo maridanoo, quandakinoo moo fasiqa marainnanara sia minara ummuarimari anaasee fee qifaranoo.

Oosana 34:31

Yakooboofa miqi qufaqa miqanda narí qimamiqa qiqau. Maasa sia qeeqa qisookina quqaqaanaqa aanasaa aanaaseera foora kaqi maraqa nifaranoo.

Oosana 34:2

Seekeemmafa Amoorana amaaku Qifina aiku asaukukinaafa mi maqa maaqanakinaasa uriqararafa Dinnaa nammarina aanai paqurimaseenoo rarisanau.

Oosana 20:3

Miqoo marufanoo Anutufa Abimeereekana qaina saa kooroo qimasee qimaminau. Anee kuqinnaranoo maa anaaseena anee maraannana moo fasiqa anaaqa maridanoo.

Heeburu 13:4

Innee aiqamausa faiqí anaasee nimundaranara uriqarara ainainee qiaqa. Faiqí aneesee aqumummasainafa sia moonaindi quandaki qumaraa. Aiqamausa inneeqa nammari kai neeqa andeeqasee mariaqa. Faiqí anaasee dapi narí maree narí maree qiqa nuasa faqa qummuariqa nuasa faqa Anutufa ufa iriseenoo naruannoo.

Yoohanee 4:17

Miqi qufanoo mi anaaseefa qinau, qinee faiqí siaisa maridaqa.

Yoohanee 4:19

Mi anaaseefa mi ufana iriseenoo tautumaseenoo qinau Boo anee Anutuna tamummaqara fasiqa mariananoo qinee qafaidaqa.

Yoohanee 4:16

Yisufa mi ufana iriseenoo maaqi qimasee mi anaaseena qimaminau. Anee ooru aneenna afaaqi afiqee qumua.