Yoohanee 4:15 - Anutuna Ufa

¹⁵ Mi anaaseefa mi ufana iriseenoo Yisuna qimaminoo qinau. Maa fasiqa maqee kai mi nammarina qimina namasaananoo taikafinaqa sia maqee maqee qumu nammari saka, ireeda maria.

Yoohanee 4:15 Referans Kwoze

Yoohanee 6:34

Mi fasiqa anaaseesa iriseeqa qiqau mi feemuna naaru naaru maasa qiminaqa naa.

Roomma 8:5

Faiqí faiqi naundurakinaa manda iriranamau fimariasa nári naundurakinaa irirafa nariqa rafaaqafunnisaifaqa mi mau fidaqa. Anutuna maraquna ufamau fimariasa maraquna aidimari ainainafa misa nitikuraki keeqafi rakisi qumaraifaqa mi mau fidaqa.

Roomma 6:23

Dinni manda oosana fannoo narí ainainimariasa naarama quqaseenoo narí ainainirana akiaqara feefauru nimidanoo mi feefaurufa kuqirafa kai maridanoo. Kafaa mina dinni Anutuna kaqi nimira ainaina innaarunai naaru marirafa sia ainainirana akiaqara maridanoo, mina asauku mundirafa maasa karaambaiqa Yisufa mina faqa moodaanaki kiqa maridaqa mina namufaqa innaarunai naaru marirana kaqi nimirafa mariannoo.

Yoohanee 6:26

Yisufa iriseenoo quandaki qimanniminoo qinau. Qinee kuqaa anoona ufa inni qimannimidaqa. Qinee qeeqa afeeka uqannifiqaunnanara innee sia minara kai irisee qiniara randaidaqa. Innee feemu namasaafanoo nimuaquinoo maqee qumiqaraaninna ainainara innee minara kai qiniara randee mariafanoo. Yisufa kaifaa quandafufanoo qimanniminoo qinau.

Idi Ufa 4:6

Moomoosa maaqi qimasee innaaru qidaqa. Oo Yaawee moomoo amiqi amiqirana maasa qimia. Maasa qiqafamasee qimudaoo qimasee qimia.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.

Yameesa 4:3

Innee Anutunara iraifanoo inni manda iriranara iridammunoo qimaseenoo sia nimidanoo. Innee inneeqa nifaaqaroo qira nidirafa marifaqa mi nidiranasaa taikaanifeera Anutunara ireemariafanoo sia nimidanoo.

1 Koorinti 2:14

Anutuna maraquna siai fasiqa anaaseesa sia amana Anutuna maraquna faiqí anaasee dadaaqimari afeekana nimimarina sia amana mareefaranoo. Misa mi ainainna qafamaseeqa sia minara iridaqa furufara ainainee qidaqa. Sia mina oosana iridaqa maraquna maree mariasa kai amana mina oosana aiquqummaseeqa irifaranoo.

Yoohanee 4:16

Yisufa mi ufana iriseenoo maaqi qimasee mi anaaseena qimaminau. Anee ooru aneenna afaaqi afiqee qumua.

Yoohanee 6:35

Yisufa kaifaa qimanniminau. Qinee kaqi marira nimira narana marunausa maridaqa. Faiqí moo fannoo qinee marunannai anireenoo qini saqarikinafa mifa sia kafaa naranara foora aararaannoo sia kafaa nammariara foora aidiannoo.