Yoohanee 3:8 - Anutuna Ufa

⁸ Ufai oosana iria. Yaindari anidanoo fee. Yai fee fidanoo fee. Narí iriranamau fifana anee ufa kai irimariananoo. Anutuna maraqunannai faiqí moo fukasaa aanaaqi kirausa miqi kai idaqa. Anee sia mina oosana qafeennaranoo.

Yoohanee 3:8 Referans Kwoze

1 Koorinti 2:11

Faiqí naundurakinaa maraquna fannoo mi fasiqana aundurakinaa irirana aiqama iridanoo. Miqi kai inoo Anutuna maraquna fannoo Anutuna aundurakinaa ainainara aiqama iridanoo.

1 Yoohanee 2:29

Innee asauku mundiranara irimariafanoo mifa andeeqeemarifa maridanoo. Innee maanara faqa doo iriaqa, faiqí fee anaasee fee moo fannoo andeeqara oosana marainafa mifa faqa Anutuna faiqiara foora maridanoo.

1 Koorinti 12:11

Mi oosana oosana ainainna nimimarifa moodaa maraquna kai maridanoo. Mifa narí kai narí aidiramau raina raina mandaida aadu aadu dadaaqira akoofasaikirana nimidanoo.

Yoohanee 1:13

Anutuna faiqi miqimariasa kambiqafi mariasa sia maa maqa maaqanaki mariasakiqari kambiqaqau. Sia faiqí faiqi imariandeefau mafi kambiqaqau. Sia faiqí nári iriranannaifau Anutuna faiqi kammafi kambiqaqau. Anutuna iriranannai kai kambiqafufaqa mina faiqi namukiqau.

Idi Ufa 107:29

Yaaweefa amakauriranara qaoo qufanoo daimafinau. Firaa amakaura rirafa taikafufanoo reendeeninau.

Idi Ufa 107:25

Yaaweefa qufanoo ufai firaafa aniree uqufanoo nammari amakau rinoo aaqanara foora inau.

Idi Ufa 135:7

Mifa narí kai qifanoo asuru nannamu ira oonamu maqa dinni atindari uridanoo. Asukuna arira oonamuki Yaaweefa aakuasaa quqasaifanoo aaku namu faqa qumidanoo. Mifa narí afeedira maaqaki qariara foora ufaira qifanoo uqidanoo.

Yoohanee 3:7

Qinee aniara kafaa fukasaa aanaaqikinana kambiqaannee qunana sia anee minara irisee tautia.

Yoohanee 3:9

Nikoodeemusafa mi ufana iriseenoo Yisuna qimaminau. Naqimasee maa ainainnafa anee qianandee iannoo fee. Sia qinee minara iridaqa.