Yoohanee 21:16 - Anutuna Ufa

¹⁶ Miqi qimaseenoo Yisufa kaifaa Simoona moo auqu Peetooroona qimaminoo qinau. Simoona Yoohaneena amarana amaaku, kuqaa fee anee qiniara aneenna amuqusakiqari fee aididanoo fee. Simoona moo auqu Peetooroofa qinau, Eeoo Karaambaiqa aniara didimarifana anee minara irimariananoo. Miqi qimasoofanoo Yisufa qinau, anee qini ufa irimariasa sipsipara foora rakisinnimaqaa.

Yoohanee 21:16 Referans Kwoze

1 Peetooroo 5:2

Innee amaana maqasaa rakisirausa faqa amiqira asumu aandau rakisidara foora mariaqa Anutufa innee faiqí aanaaseera asumu aandaura foora rakisiaqee qidanoo. Sia nikoo nikaamasee rakisinnimaqaaqa Anutuna iriranamau kai asasammasee rakisinnimaqaaqa. Sia feefauruara kai irisee mi rakisira saikana maraaqa naundurakinaana dadaaqianee qimasee maraaqa.

1 Peetooroo 2:25

Innee sipsipa aandaura foora furufariqa auiaqa nuafanoo doo maqee Anutufa inni nimanasaa rakisimari finnai inni aandaura foora rakisimari finnai quqasaifaqa mina afaqee fimariafanoo.

Idi Ufa 100:3

Innee sia Yaaweenara aunuaqa, mifa kai Anutufa maridanoo. Mifa kai maasa auqinau, maasa minaindi maridaqa. Maasa mina faiqí anaasee mina sipsipara foora maridaqa.

Idi Ufa 95:7

Mifa maasa Anutufa maridanoo. Maasa mina sipsipara foora maridaqa. Maasa mina sipsipara foora mina rakisi nimaqaranaki maridaqa. Oo maqee uqanna mina ufa iriaqa.

Heeburu 13:20

Naaru naaru moodaanaki kirana Yisufa asauku mundirafa kuqiranannai mina fidikannai doo mapukuseenoo maridanoo. Anutufa mina kuqiranakinaana uqeereeqeenoo faiqí anaasee rakisirana firaanaikamaqaifanoo maridanoo. Narí kuqiranannai faiqí aanaaseesaa rakisirafa maridanoo.

Yoohanee 18:25

Peetooroofa naambeeqai kaqi ida qaanimarufanoo faiqí moo fannoo mina iramirinau. Anee Yisuna faiqi namukiqari marianafee kuqaa fee. Miqi qufanoo Peetooroofa sia fee qinau.

Yoohanee 18:17

Maqusa kooqisaa rakisiu manaaqafa Peetooroona qafamaseenoo irammirinoo qinau. Anee Yisuna aqoondi fee qufanoo Peetooroofa qaoo qimasee sia fee qinau.

Ruka 19:10

Qinee faiqí nimaaku miqiqa auiqaqa nuasara randasee nifiqa quqasee asumu marirana nimiraree qimasee qumu maridaqa.

Mataioo 26:72

Peetooroofa mi ufana iriseenoo kaukaata qimasee qaoo qinoo qinau. Sia qinee mi fasiqanara iridaqa.

Mataioo 25:32

Qinee ooqumari fuanaqa maqusa maqusa aiqama suqeeqee qeeqa doorisaa quqasee nindafeeqa qeeqa iriranannai inni rainannimaqaanaura. Qinee sipsipasaa rakisirausa fooqaasa marida. Misa sipsipa raineeqee aaduma quqaidaqa mimmi raineeqee aaduma quqaidaqa. Qinee qumuanna aukuanna qinee miqianaura.

Mataioo 2:6

Inni Yuda maqannaaki kaqikaa maqusa auqu Beetareeqeemma maridanoo kasooqaqee auqu firaa maqusa uriqarara maqusa mariannoo. Mi kaqikaa maqusanakiqari karaambaiqa firaafa kambiqafinoo mariannoo. Mifa qini Anutuna faiqí anaasee Isaraee maqannaasa rakisinnimaqaannoo. Mi ufana Anutuna tamummaqara fasiqa qimaseenoo akara rinau.

Uqafiqoo Ufafa 7:17

Sipsipa aanaaqi rakisira qaari qambaanai marifa mifa misa rakisirafa marinoo misa nifiqee munusainaqa kaqi marira nammari maqakiqari radiqisee ururee mariqoo neefaranoo. Anutufa misa naukunu rukasaina misa ikiraqarafa taikaannoo.

Yoohanee 21:17

Miqi qimasee Yisufa qaaramookufanoo Peetooroona irammirinoo qinau, Simoona Yoohaneena amarana amaaku kuqaa fee anee qiniara aidinoo fee. Peetooroofa Yisufa qaaramoo kari iroonara aundura rapikufanoo maaqi qimasee qimaminau, Oo Karaambaiqa anee aiqama ainainara irimarianafa qinee aniara didimarinara anee irimariananoo. Yisufa iriseenoo qinau, anee qini ufa irimariasasaa naranara foora nimia.