Yoohanee 21:15 - Anutuna Ufa

¹⁵ Maasa miqoo namasaafananoo Yisufa Simoona moo auqu Peetooroona qimaminoo qinau, Simoona, Yoohaneena amarana amaaku, anee qiniara aneenna amuqusakiqari fee aididanoo fee qini faiqi namu qiniara nidimarina ani qiniara aidirafa urinnaaqaranoo fee maridanoo fee. Peetooroofa iriseenoo maaqi qimasee qimaminoo qinau, eeoo Karaambaiqa qinee aniara dididanoo anee minara irimarinanoo. Yisufa iriseenoo kaifaa qimaminoo qinau, anee qini faiqi namusaa asumu aandaura foora naranara foora nimia.

Yoohanee 21:15 Referans Kwoze

Roomma 15:1

Maasa Yisuna saqarikiranaki afeekaiki mariasa quandaki ureeqarausa qumaara dinni ati dadaaqi akumaraa, sia maasa qeeqa didiranamau kai fua.

1 Yoohanee 4:19

Anutufa indaaru maasara amuqusunara maasa minara irisee kuqaa fee qimasee quandaki Anutunara faqa nariara nariara faqa uriqarara ainainee qimasee ridaqa nimuqusidaqa.

1 Peetooroo 1:8

Innee sia Yisuna qafoosa kaqi nimuqusi marifaqa minara ririaasa. Innee sia Yisuna qafoosa kaqi inneeqa irirafa minasaa rusimariasa mariafanoo mina ufamau fifiaasa. Miqimarianara innee firaaqoo kaaqa areenarana namufaqa asasimariafanoo. Mi asasiranara faiqí sia amana minara ufa qifaranoo uriqararafa maridanoo.

Eefeesusa 6:24

Innee aiqamausa maasa karaambaiqa asauku mundirana Yisunara sia taikee maria rirana rimariasa, Anutuna afaarirafa inni faqa mariani.

1 Yoohanee 5:1

Yafa yafee Yisunara Anutuna asauku mundira fee qinafa mifa Anutuna faiqi mariannoo. Moo fannoo akoonara rinafa mifa mi fasiqana faiqiara faqa ruannoo.

Yoohanee 16:27

Qini qikoofa narí kai inniara aidimarifanoo iraifandinna ainaina eedoo qimasee nimmiannoo. Innee qiniara nidimarinaqa Anutuna faiqi fee qifanoo inniara faqa Anutufa aididanoo iraifandinna ainaina nimiannoo.

1 Peetooroo 2:25

Innee sipsipa aandaura foora furufariqa auiaqa nuafanoo doo maqee Anutufa inni nimanasaa rakisimari finnai inni aandaura foora rakisimari finnai quqasaifaqa mina afaqee fimariafanoo.

Heeburu 4:13

Sia Anutuna afusaa moo ainaina kukeeqarana amana, sia amana miqiannoo. Aiqama ainaina faiqí anaasee Anutufa auquqoo ainainausa kai marinara narí afusaa akoosaqa akooqoo uqanna maridanoo. Maasa mi Anutuna afusaa qeeqa marunnanara andeeqaranara faqa aaqaranara faqa ufa qianaura.

Ruka 22:32

Oo Simoona qinee aniara innaaru qimaseeqa anee qini saqarikirafa sia taikaani. Anee kaqirunna oonureenana oonu quandakinana aneenna akaqaafasaauqa pooduamannisaa, qufanoo Peetooroofa qinau.

Heeburu 13:20

Naaru naaru moodaanaki kirana Yisufa asauku mundirafa kuqiranannai mina fidikannai doo mapukuseenoo maridanoo. Anutufa mina kuqiranakinaana uqeereeqeenoo faiqí anaasee rakisirana firaanaikamaqaifanoo maridanoo. Narí kuqiranannai faiqí aanaaseesaa rakisirafa maridanoo.

Roomma 14:1

Qinee Pauroosa Roomma maqusanaasa Yisuna ufa irimariasa qimannimidaqa. Innikina oosana oosana fasiqa anaasee mariafanoo. Akaqausa afeekaikamasee Yisuna mandaaqaqa maridaqa irirana minasaa kai mundusee fimariasa maridaqa, akaqausa irirafa sia Yisunasaa mapukimariasa mi fasiqausa irirafa oorudupirausa maridaqa. Innee sia amiqira irirana faqaasa kai mara maree inni suqiranaki quqaaqa irirana oorudupirausa faqa mareeqee kaqi moodaanaki quqaaqa. Sia misa moo iriranara rairaiqiaqeera mareeqee quqaaqa. Misa faqa Yisuna ufa irimariasa mariafaqa kaqi quqannisaaqa. (Ooqai Pauroofa maru aukuanna aandau aruseeqa unna Anutunara tumunnai auqira afaannara dufi dufi qimaseeqa makeetimariqau. Yisuna ufa irimarusa namasaifanoo unna Anutuna maraquna kafaa daakuandoo qimasee rufieemariqau.)

Mataioo 16:17

Yisufa iriseenoo narí qimaminau. Oo Simoona Yoonaana amarana amaaku, maqasaa fasiqa sia miqi qimasee ani qimamiaqini. Innaarunai qini qikoofa mifa kai ani aaqoosaa rinoo. Minara anee asasimarianafa mariananoo ani qimaminoo.

Uqafiqoo Ufafa 2:23

Qinee mi anaaseena ufa irimariasa faqa kuqa narusaanaqa amaana maqaki keeqee mariasa qini oosana irifaranoo. Misa qiniara kukeeqara ainainara irimari fee qiaqeera naruanauranoo. Qinee aiqamausa nári nisaukunnai auqainnana akiaqara kai nimianaura.

1 Peetooroo 2:2

Fuka faiqi anaaqiara foora naamma anoona kai naidanoo innee faqa miqikai iqa fuka faiqi aanaaqiara foora Anutuna andeeqara ufa naamma anoonara fooqaana minara kai kaaqa ruaqa. Mina naqa fifi iqa innooqeera foora iqa asumu mariranaki oonuree marifaranoo.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

Yoohanee 21:12

Yisufa maasa narí faiqi namu naaranau, doo aniree narana naaqa. Maasa minara yafee qianneerusia. Doo karaambaiqa akooqoo maridanoo qimasee sia iraqau, kaqimbiqiafana.

Yoohanee 21:7

Yisuna afaaqasaa aqoondi qinee Yoohaneesa Peetooroona qimamiqa qiqiafana Karaambaiqa muqufa maasa qimaqimifa maridanoo. Simoona moo auqu Peetooroofa mina iriseenoo narí qamunna quqaqoona qumareenoo aranandauqanna rumbamareenoo nammariki ooqurama aqufufanoo immapamamaree Yisufunnai finau.

Mataioo 18:10

Innee aufariaqa. Sia uqanna faiqi aanaaqi moo fannoo maaqirafa akoo uqannaqaani. Innee mi oosannara eerairiaqa. Minara qimannimianaura. Innaaruna maqusai qangiroouqa maqasaaqaraa faiqi aanaaqi misa naadu naadu rakisinnimaqara qangiroouqa qini innaarunaindaraa qikoona oorisaa kikiqidaqa nári faiqi aanaaqi maa maqanasaaqaraasa rakisinnimaqaranara Anutuna qimamidaqa mina oorisaa maridaqa.

Eefeesusa 4:14

Mikari maasa sia faiqi aanaaqiara foora aiqama oosana oosana amaana ufa iriseeqa munari minari ianaura unna ufa qimaria fasiqausa nári nikaruqira finnai akaqausa aaqaranaki rarisama quqaidaqa maasa misa ufa iriseeqa sia ufaira foora aiqama saqari udammi udammianaura.

1 Koorinti 8:11

Oorudupimasee iri mari fasiqafa afaanna naranara rufiee mari fasiqafa maridanoo. Mi fasiqafa afaanna narana mana mana mamaree neemaria fasiqausa oosana qafamaseenoo narí faqa namaseenoo minasaa arufarindamaki kuridiranaki aqufidanoo. Fifau kuridiranaki aqufuannoo asauku mundirafa minara faqa kuqufammi.

Yoohanee 8:42

Yisufa misa ufa iriseenoo maaqi qimasee qimanniminau. Anutufa inni nikoofa marinaqau kuqaa innee qiniara rini. Qinee Anutufinaindari maaqoo qumumaridaqa. Qinee sia qeeqafau qumiqau mifa diqiqoofaqa qumiqiafana.

Mareekoo 14:29

Peetooroofa Yisuna ufa iriseenoo qinau, Qinee sia uqanna ani minnisaanaura. Aiqamausa ani minnisaifaqa qinee sia minnisaanauree qufanoo Yisufa narí qimaminoo qinau. Oo Peetooroo anee iria, Fafaa eendaki iraifana anee qaaramoo kari qiniara siamma iri fee qinnaranoo. Miqi mandainanoo kookooraana qaara kari ufa qiannoo.

Ruka 12:32

Oo innee qini faiqi namu, innee qini aandau aanaaqi firimariasara foora mariafanoo sia rufiaaqa inni innaarunai nikoofa asasamasee innaaruna ququsa inni nimiraree qidanoo.

Oosana 33:13

Qufanoo Yakooboofa qinau. Oo qini uriqararafa anee iria, qini faiqi namu ummooqukiqa mariafaqa qinee sipsipa faqa misa aanaaqiuqara faqa iridaqa. Misa moodaa faasaana rarisaqa fimarianaqa aiqama aandauqa kuqifaranoo.

Mataioo 10:37

Yafa yafee mina anoona akoonara firaaqoo aididanoo fee qiniara ooreeqara fee qidanoo fee, mifa sia qini qimanasaa, sia amana qini faqa fifaranoo. Yafa yafee mina amaaku faqa araamuna faqa firaaqoo aididanoo fee qiniara ooreeqara fee, mifa faqa sia qini qimanasaa sia amana qini faqa fifaranoo.

Yoohanee 13:37

Simoona moo auqu Peetooroofa iriseenoo qimaminau, Karaambaiqa anee naqi naqee qinee sia ani faqa fuanauree. Qinee aniara kuquanauranoo.

Yoohanee 1:42

Oonuroofanoo Yisufa Simoona aiquqummaseenoo qinau. Anee Yoohaneena amaaku Simoonafa mariananoo. Qinee aniara Keefasanee qianauree qinau. Mi auqu oosanna ooni fee qinoo maridanoo.

Mataioo 26:35

Peetooroofa minara iriseenoo qinau. Qaoo, sia qinee aniara sia qafaidee qianaura ani faqa kuquanaura. Yisuna faiqi namufaqa misa aiqama miqi kai qiqau.

Mataioo 26:33

Yisufa innee quqasee furufarifandia maqi qimaqoona Peetooroofa minara iriseenoo qinau. Qinee sia sandaanaura. Misa aiqama quqasee sandaifaqa qinee sia sandaanaura, ani faqa apamma fuanaura.