Yoohanee 2:23 - Anutuna Ufa

²³ Mi fasannai ainnaaqarara qoomaqa kamuqoo Yisufa Yeerusareenni marufaqa moomoosa mina sia faiqí amana auqeemaria ainaina qafamasee kuqaa Anutuna asauku mundira fee qimariqau. Maa fasiqafa Anutuna afeeka eeraarirana kooroo imarifa maridanoo fee qimariqau.

Yoohanee 2:23 Referans Kwoze

Ruka 8:13

Raisa qaqama ooni amuaaqa maqasaa aqufifa maaqimmidanoo, faiqí anaasee akaqausa Anutuna ufa irisee sia naundurai meemaqoo iriaraasidaqa aaqee kai irisee nimanamasee qafara aukuana kambiqafifaqa misa minnisaidaqa.

Yoohanee 6:14

Mi fasiqa anaaseesa mina qafoofanoo sia faiqí undeeufanoo naaquqanau. Naaquqamasoofaqa qiqau ooqai tamummaqara fasiqauqa moo tamummaqara fasiqa kambiqaaninnanara akara rumaqoofa doo maana narimma animaridanoo.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

Yoohanee 7:31

Faiqí anaasee moomoosa Yisuna kuqaa Anutuna asauku mundira fee qiqau. Misa maaqi qimasee narí qimami narí qimami qidaqa qiqau. Asauku mundirafa anireenoo naqi fee mandeenoo maa fasiqana uraaqarainanoo fee moomoo faiqí dadaaqimari firaa ainainna uqannifiqaannoo fee. Sia amana. Doo maana mifa uqanna maridanoo.

Yoohanee 3:2

Mi fasiqafa moo eenda asukunaki kukeeqakufanoo Yisufa maruqoo anireenoo qimaminoo qinau. Oo ufasaa rakisirafa anee Anutufinaindari anianafa ufasaa rakisirafa marianaqa maasa minara iridaqa. Sia fifau fasiqa narikai qinanoo faiqí teeroo ainaina aaqee taikaannoo, anee ianandee qiananoo taikaannoo. Anutufinaindari anianafa mariannanara mi afeeka ainaina auqimarianaqa maasa iridaqa. Anee nanufa fee maasa qimaqiminnaree.

Yoohanee 2:13

Isaraee maqannaasa mi ainnaaqarara qoomaqana suqarara deedaqufanoo Yisufa minni Yeerusaree maqusai ooru finau.

Yoohanee 2:11

Miqinoo Kariree maqa maaqaki Kannaana maqusai Yisufa narí saika oosana araseenoo faiqí sia auqoo ainaina amiqira oosana auqamasoofaqa faiqí anaasee qafaqau. Mifa mikari narí afeeka firaana uqannifiqoofaqa mina ufa irimaru fasiqausa Yisunara kuqaa Anutuna amiqira afeeka uqannifiqee mari fee qiqau.

Yoohanee 4:45

Yisufa Kariree maqa maaqai oonuroofaqa miqooqaraasa qafamaseeqa asasidaqamma minufa iriqau. Kariree maqannaasa akaqausa faqa Yeerusaree maqusai oorureeqa ainaaqarara qoomaqaki miqoo Yisuna qafamaqoosa faiqí sia auqaaqaa ira ainaina auqusoofaqa qafamaseeqa oorurandee qumu marufanoo Yisufa Kariree maqa maaqai qumuroofaqa asasamasee uru afiqee muquseeqa faiqí anaasee amiqimaseeqa minufa iriqau.

Yoohanee 5:36

Yoohaneefa nammari nimimaruna ufa anoona maru fanoo qinindi minaindi arusee uriqaranoo maridanoo. Qinee aniree faiqí sia amana auquaqaa ira ainaina qini qikoofa qimuna auqaqa fimarunna ainainna fannoo qini duqu firaaqoo uqeeraannoo. Uqeerainaqa qafamasee qiniara Anutufinaindari qumu fee qifaranoo.

Yoohanee 6:2

Faiqí anaasee Yisufa amiqi amiqiunara aurimarusa findifunara iriseeqa moomoosa uqanna afaqee fiqau.

Yoohanee 11:45

Yeerusaree maqusanaasa moomoosa Rasarusanara ikiraqeeusa misa Yisufa Rasarusana findifumasoona qafeeqa kuqaa Anutuna faiqi fee qimasee minasaa mundiqa mariqau.

1 Yoohanee 3:23

Anutufa maa naakaparufana maasa qimaqiminau. Innee qini qimaaku Yisuna qini qisauku mundiranara inneeqa irirana minasaa rusisee quandaki narí mina ufamau fiqa nariara nariara uriqarara ainainee qimasee nimuqusiaqee qinau.