Yoohanee 2:19 - Anutuna Ufa

¹⁹ Yisufa mi ufana iriseenoo qinau. Amana, innee maa amaana maqana rapeemasaifaqa qinee qaaramoo faasaana kafaa uqeera kuradaanaura.

Yoohanee 2:19 Referans Kwoze

Mareekoo 15:29

Yisufa aunirira saqarisaa dirinoo marufaqa faiqí anaasee moomoosa fiqaree aiqaree idaqa qufoonaridaqa ataasa ataasa qimasee manda ufa qida qiqau, anee maasa firaa amaana maqa rapeemasee qaaramoo faasaana kafaa usakeennaree.

Mataioo 27:40

Anee kuqaa fee Anutuna amaaku maridanee. Mina amaaku maridana aneenna kai tatuakinana quminaqa maasa aniara kuqaa Anutuna amaaku fee qianaura.

Mataioo 12:40

Yoonaafa firaa noodaanna aranandaki qaaramoo faasaana faqa eendaki faqa marinau. Miqi kai iqa qinee faiqí nimaaku qaaramoo faasaana faqa qaaramoo eendaki faqa maqa aundurai madikaki marianaura.

Roomma 8:11

Anutuna maraquna fannoo Yisufa kuqiranakinaana marafindifinau. Yisuna mara findifu maraqunafa kai inni faiqí nifaaqa kuqiqa marifanoo kasooqaqee mi kuqirana uqeereeqeenoo kaqi marirana nimiannoo, narí maraquna inniki marinnanannai miqiannoo.

1 Peetooroo 3:18

Asauku mundirafa narí uqanna inniara kuqinau. Moodaa suanisaa moodaa kari kai aiqamausa mandoosanara kuqinau. Inni nisauku qumareeqeenoo Anutufinnai quqaaneera amiqirafa maasa manda fasiqa anaaseera kuqunnimaqanau.

Roomma 6:4

Maasa nammari maraafannanannai maasa Yisuna namufaqa qikundeera foora iqa narí kuqirana naida qimidanoora foora qinoo, mina akoofa narí kaaqa areenara afeekannai narí asauku mundirana kuqiranakinaana mara findifuna, maasa miqi kai masee maasa fuka mariranaki mariaqeera qinoo maasa kuqiranakiqariara foora findifumaqisanau. Maasa Yisuna faqa kuqiqa moodaanaki kammidaqa miqikaimasee mina faqa findi fiqa mina moodaa kaqi mariranaki marianaura.

Yoohanee 11:25

Yisufa qimaminau, kuqiranakiqari mara findifirafa qiniki maridanoo. Kaqi marirana marirafa qiniki maridanoo. Yafasiqa anaasee fee qini saqarikinoo kuqinoo kaqi mariannoo kuqiranakiqari findifirafa qiniki marinara kaqi mariannoo.

Mareekoo 8:31

Miqi quqooqari narí kuquaninnanara oosana arasee narí faiqi namu qimannimidanoo maaqi qinau. Qinee faiqí nimaaku firaa aupurarana maraanaura. Faiqí firaasa aanaiqikirausa uriqararausa faqa Mooseena sandufa akoofasauqa faqa misa qini minniqisee nikooqaannoo. Misa qini kuqa darusaifanoo qaaramoo faasaana aiqarainanoo Anutufa mara qini findifumaqisaannoo.

Kooroosee 2:12

Qinee Pauroosa minara inni Kooroosee maqannaasara maaqi qidaqa Yisufa aunirira saqarisaa kuqufufaqa inneeqa nifaaqa namufaqa kuqirana ameeraameeriqa Yisufa kuqiranakiqari findifufaqa innee faqa kuqirana ameeraa meeriranaki qari findifiqa fuka marirana mara maree findifi mariafanoo. Inni irirafa Yisunasaa mundunara mi ainainna kambiqafi maridanoo.

1 Koorinti 15:12

Maasa asauku mundirafa kuqiranakiqari findifunara maasa qimannimiafanaqa innikiqari akaqausa naqimasee kuqirausara sia findififaranoo fee qida fee.

Yoohanee 5:19

Yisufa kafaa qimanniminau. Qinee kuqaa anoona ufa inni qimannimidaqa. Qinee sia moo ainaina qeeqaraa auqaidaqa qeeqa qikoona qafamasee mifa indeekai idaqa. Akoofa moo ainaina auqaifanoo amaaku miqikaimmidanoo.

Mataioo 27:63

Oo amiqirafa mi unna fasiqafa kaqi maridanoo qaaramoo faasaana mariqa findifuaqee qinoo.

Mataioo 16:21

Mikari oosanarasee miqooqari narí kuquaninnanara qimannimi maree finau. Mifa Yeerusareenni ooru firanara faqa qimanniminau. Faiqí firaasa faqa amaana maqasaa rakisimarusa faqa Mooseena sandufa uqannifiqee marusa faqa misa firaa dinee miqoo narí Yisuna amiranara qimanniminau. Kuqariranara faqa qaaramoo faasaana findi fuaninnanara faqa qimanniminau.