Yoohanee 19:4 - Anutuna Ufa

⁴ Misa miqi isoofanoo Piratoofa raudamakufanoo narí naambeeqai Yuda maqannaa moomoo marunnai qumureenoo qinau. Qinee Yisuna mareeqee inni nifusaa quqaanaura. Kuqira ainaina sia moo minaki marifaqa qinee qafaidaqa.

Yoohanee 19:4 Referans Kwoze

Yoohanee 19:6

Amaana maqasaa Anutuna aanaiqikirausa uriqararausa faqa misa poorisauqa faqa Yisuna qafamasee firaakari faaqariqa qiqau, aunirira saqarisaa pirimma aruaqee qidaqa moomoo kari qimariqau. Piratoofa mina iriseenoo maaqi qimasee qimanniminau. Doo inneeqa kai mara maree aunirira saqarisaa pirimmannai aruaqa. Qinee mina qafaunanoo sia moo numoo minaki marifaqa qafaidaqa.

Yoohanee 18:38

Piratoofa mina iriseenoo maaqi qinau, kuqaa anoona ufa qirafa mifa nanee maridanoo. Miqi qimaseenoo Piraatoofa raudamakufanoo Yuda maqannaasa naaramasee maaqi qimasee qimanniminau. Maa fasiqanaki sia arira ainaina moo marifaqa iridaqa.

Ruka 23:4

Piratoofa mina iriseenoo kafaa aanaiqikirausa misa uriqararausa faqa faiqí anaasee moomoosa faqa qimanniminoo qinau. Qinee maa fasiqanaki qafauna sia mina ummaara marifaqa iridaqa.

Ruka 23:47

Sundiauqa rakisirafa miqoo maridanoo mi aiqama ainaina qafamaseenoo Anutuna amooqidanoo qinau, Oo maa fasiqafa amiqira fasiqa mariifa kuqinoo.

1 Yoohanee 3:5

Asauku mundirafa sia fifau koorooinau, maasa aaqee marunnana mara aquaneera koorooinau, minaki sia aaqarafa maridanoo innee minara irimariafanoo.

1 Peetooroo 3:18

Asauku mundirafa narí uqanna inniara kuqinau. Moodaa suanisaa moodaa kari kai aiqamausa mandoosanara kuqinau. Inni nisauku qumareeqeenoo Anutufinnai quqaaneera amiqirafa maasa manda fasiqa anaaseera kuqunnimaqanau.

1 Peetooroo 2:22

Mifa sia moo mandoosana maranau. Sia moo unna ufa mina afaurusaa marinau.

1 Peetooroo 1:19

Inni idukirana akiaqara feefauru firaafa fiqararafa asauku mundirana fidika maridanoo. Sia teeroo namuana faina kaaqa amiqirana Anutuna aandau tatufimaruna fooqaana amiqirana mina kuqiranannai maasa idukinau. Maasa nikeeku nikaaku mandiriranakinaana idukinau.

2 Koorinti 5:21

Anutufa narí andeeqarana innisaimbaqa naida qimianifeera narí amaaku qimamiseenoo maasa mandainaina aiqama qumareeqeenoo minasaa quqasoofanoo mina akiaqara kuqinoo taikannimaqanau. Asauku mundirafa mandoosana siaifa miqinau.

Mataioo 27:54

Maara maaqanu fasiqausa Yisunasaa rakisidaqa ooqumari fufaqa rakisiusa asukuna qoofaqa maqa kasufaqa qafamasoofaqa nimuqusufaqa kaaqa rufiaqau. Rufieemarufaqa qiqau. Oo kuqaa uqanna maafa Anutuna amaaku uqanna mariifa kuqinoo.

Mataioo 27:24

Misa ufa firaaqoo qidaqa tutuqimarufanoo Piratoofa misa sia qini ufa iriafaqammu qimaseenoo qafee maraseenoo nammari saka uqeera mareenoo misa nifusaa quqaseenoo asauku nammari uqinoo qinau. Maa fasiqana aruannanara doo qisauku nammari uqiqa. Mina fidika sia qini qisakadiki mariani. Doo innikina mariannoo doo.

Mataioo 27:19

Piratoofa ufa irira maqaki ooqumarifi marufanoo narí anaaqa fannoo narí maaqakiqari pasa akara rumaseenoo moo fasiqasaa quqasoofanoo minisoofanoo Piratoofa asaana rumaseenoo qafanau. Narí anaaqa fannoo qinoo. Sia Yisuna arua. Asauku raqandaamasee ireeda maria. Qaina daaquqara qaina qini qifunnareenoo. Mi andeeqara fasiqanara qainammaqaunanoo daunduraki mandaiki marifaqa. Sia anee mina aruanee qimasee akara rinau.

Mataioo 27:4

Oo qinee furufaramaseeqa. Andeeqara fasiqara asakadiki sia ikairi marinara kuquanifeera qinee dapikamandeeqa oosana araunnanara. Minara qinee kafaa inni munnimma nimidaqa. Miqi qufaqa misa qiqau. Anee kai qianaqa maasa amiqa, aneenna kai minara iria.

Heeburu 7:26

Yisufa mifa maasa aanaiqikira uriqararafa maridanoo. Maasa mandainaina oosana oosana manda ainaina akiaqara amana kai Yisufa maridanoo. Mifa andeeqarana naaquqarafa maridanoo. Minaki sia moo aaqarafa mandaikirafa maridanoo. Mina manda maqasaa mariasakinaana aadumasaa Anutufa quqararee qimaseenoo mareeqeenoo innaarunai uqeera uriqararanaki quqaqaifanoo maridanoo.

Yoohanee 18:33

Piratoofa misa ufa iriseenoo narí koota maqaki kaifaa keeqeenoo Yisunara mai uruannee qimasoofanoo Yisufa Piratoona koota maqaki keeqafufanoo Piratoofa Yisuna irammirinau. Kuqaa fee anee Yuda maqannaasa Karaambaiqee maridanee.