Yoohanee 19:20 - Anutuna Ufa

²⁰ Yisuna aru maqa maaqafa Yeerusaree aaqa adeedi marufaqa faiqí anaasee moomoo mina akara qafaida asaana rimariqau. Mi akarafa Yuda maqannaasa ufa moo auqu Eeburu ufakiqari faqa Roomma maqannaasa ufa moo auqu Ratinna ufakiqari faqa Kirisa maqannaasa ufakiqari faqa akara rinoo marufaqa asaana rimariqau.

Yoohanee 19:20 Referans Kwoze

Uqafiqoo Ufafa 16:16

Yisufa miqi qimaqimisoofanoo mi taka namusa aiqama karaambaiqa faqa nári sundia namufaqa nifieeqeenoo Isaraee maqasaa quqasanau. Mi maqa maaqana auqu Heeburu ufakiqari moo auqu Isaraee maqannaasa ufakiqari Aramakeedoona maqa maaqee qimariqau.

Yoohanee 19:13

Piratoofa misa ufa iriseenoo Yisuna afiqee madaanai ufa irimaru qaindanasaa ooqumarifinoo ufa irimaru qaindana aaqa ooni ausirirafa moomoo maruqoo qumu ooqumarifi ufa irimarinau. Yuda maqannaasa minara Kabatee qimariqau. Maasa ufakiqari ooni padiranee qidaqa.

Yoohanee 5:2

Yeerusaree maqusa faandaamura kooqi sipsipa kooqi fee qimarufa marinau. Mi kooqina aaqa nammari farumma firaafa marinau. Mi farummana afainni aana fiqu imarunnai qaindaira moodaanai qisauku qaindaira marinau. Mi farummana auqu Beetasata farummee qimariqau.

Uqafiqoo Ufafa 9:11

Misa saideenna uriqararafa maqa ameemaanai madika rakisirafa uriqararafa maridanoo. Yuda maqannaasa ufakiqari moo nuqu Heeburu ufakiqari mina auqu Abadoonnee qimariqau. Kirisa ufakiqari Apoorioonee qimariqau. Mi auquna oosana aiqama ainaina kuridi marinee qimariqau.

Heeburu 13:12

Mina amanakai Yisufa Yeerusaree maqusa naambeeqai kuqinau. Narí fidikannai faiqí anaasee mandainaina findaukama nisaanifeera miqinau.

Ruka 23:38

Yisuna aunirira saqarisaa akiaqai akara moo akara rinoo marinau, maaqi qimasee akara rinoo marinau, maa fasiqafa Yuda maqannaa karaambaiqa maridanoo.

Yoohanee 19:42

Mi saqamanaki ooni aamara fuka marunaki sia moo akundoonaki. Mi ooni aamarafa adeedi marufaqa duna maasa Yuda maqannaasa sabata naaquqarafa mariannoo qimasee kaqi kaqi ufaqa Yisuna iri ooni aamaraki munu akundaqau.