Yoohanee 19:19 - Anutuna Ufa

¹⁹ Piratoofa moo raufiqira saqarisaa ufa akara rumeeqeenoo narí rakira fasiqa moo amufanoo oorureenoo Yisuna akiaqa aunirira saqarisaa pirimmannai arinau. Mina akara oosana maaqimminoo marinau. Maa fasiqafa Yisufa Nasareeteendaraafa Yuda maqannaasa karaambaiqa maridanoo.

Yoohanee 19:19 Referans Kwoze

Mataioo 27:37

Misa Yisuna arira ufa raufiqira saqarisaa akara rumaseeqa Yisuna akiaqai aunirira saqarisaa quqaseeqa pirimmannai ariqau. Maaqi qimasee akara riqau. Maa fasiqafa Yuda maqannaa karaambaiqa maridanoo fee qinau.

Ruka 23:38

Yisuna aunirira saqarisaa akiaqai akara moo akara rinoo marinau, maaqi qimasee akara rinoo marinau, maa fasiqafa Yuda maqannaa karaambaiqa maridanoo.

Mareekoo 15:26

Yisuna arira oosana raufiqira saqarisaa akara rumasee aunirira saqari akiaqai aiqama qafaaqeera atukaraqau. Maaqi masee akara rinau. Maa fasiqafa Yuda maqannaasa karaambaiqa maridanoommi qimasee akararinau.

Yoohanee 19:14

Duna Anutuna qangiroo ainnaaqarara qoomaqa suqarafa mariannoo. Maqee suani qambaana marufanoo Piratoofa ufa irira qaindasaa ooqumarifi Yuda maqannaa qimanniminau. Doo maafa inni karaambaiqa maaqoo maridanoo.

Yoohanee 19:21

Yuda maqannaa amaana maqasaa Anutuna aanaiqikirausa uriqararausa mi akarana asaana rumasee Piratoona maqusai oorureeqa maaqi qimasee aaqara ufa qimamiqau, saa sia Yuda maqannaa karaambaiqa fee qimasee akara rua. Kaqi narí kai Yuda maqannaasa karaambaiqee qimari fee qimasee akara ruaqaana.

Yoohanee 19:12

Piratoofa Yisuna ufa iriseenoo firaaqoo mina aunduraki Yisuna idukiraree qimasee irinau. Yuda maqannaasa mina iriseeqa firaaqoo faaqarumasee qiqau. Anee maa fasiqana idukinaqa maasa aniara Roomma maqannaa karaambaiqinnai oonureeqa qimamianaura. Faiqí moo fannoo naríara karaambaiqee qimarifa Roomma maqannaa karaambaiqa namuqaa mariannoo.

Yoohanee 19:3

Sundiauqa nariqa sundia qamunna afisuamaqaseeqa anireeqa ataasa ataasa qimamaqee maaqi qiqau. Yuda maqannaa karaambaiqa afeeka anee mariana sia dauni kuqua miqidaqa ataasa ataasa qimariqau. Miqi qimasee misa nisaukusamu oori ariqau.

Yoohanee 18:33

Piratoofa misa ufa iriseenoo narí koota maqaki kaifaa keeqeenoo Yisunara mai uruannee qimasoofanoo Yisufa Piratoona koota maqaki keeqafufanoo Piratoofa Yisuna irammirinau. Kuqaa fee anee Yuda maqannaasa Karaambaiqee maridanee.

Yoohanee 1:49

Natanaeerafa iriseenoo tautumakufanoo qinau. Ufasaa rakisirafa anee Anutuna amaaku marianafa. Anee Isaraee maqannaa karaambaiqa marianafa mariananoo.

Mataioo 2:23

Miqoo kaqikaa maqusai Nasareeteenni naaruara marinau. Miqi qunara Anutuna ooqai maru tamummaqara fasiqauqa misa ufa kambiqanau. Yisufa sia kambiqoo kamuqoo ooqai maaqi qimasee minara akara riqau. Misa minara Nasareetee fasiqa fee qifaranoo fee qiqau.

Ruka 18:37

Yisufa Nasareetee maqusaindaraafa doo aiqaraidanoommifoo qufanoo mi fasiqafa iriseenoo faaqa rumasee qinau.