Yoohanee 19:18 - Anutuna Ufa

¹⁸ Fifiufanoo Eeburu ufakiqari faiqí nikiaqa amudaani fee qimaru amuaqunamusaa Koorookata amuaqunamusaa ooruree aunirira saqari maqai rumasee minasaa Yisuna mara airisee firimmannai Yisuna narí aunirira saqarisaa aruqapiriqau. Aruseeqa faiqí qaaraqanda mandainaina maraqanuqanda miqanda faqa nári aunirira saqarisaa dinni dinni naruaqapiriqau. Naruseeqa uqeereeqeeqa maqa aamara auquqoonaki rakiqaqau. Qaaraqanda dinni dinni Yisuna qambaanai rakiqaqau.

Yoohanee 19:18 Referans Kwoze

Karatia 3:13

Asauku mundirafa Mooseena sandufamau fimariasa Anutuna niqurararufa ameemaanai rumbaqa marunara iriseenoo asauku mundirafa narí kai Anutuna niqurara ufaikamambinoo maasa daaqa qumureenoo minaki rumbaqa marusa idukuqisanau. Tamummaqara fasiqauqa akara minara maaqimminoo maridanoo. Saqarisaa dirifi kuqimariasa aiqamausa Anutuna niqurararufa ameemaanai mariasa maridaqee qidanoo.

Yoohanee 18:32

Indaaru Yisufa narí kuqiranara narí faiqi namu qimannimuna mina anoona maqee kambiqeenoo.

Mataioo 27:44

Qumuari maru fasiqaqanda dinni dinni nári aunirira saqarisaa maruqanda miqi kai qimaseeqa Yisuna ataasa ataasa qimamaqee mariqau.

Idi Ufa 22:16

Manda oosana maree mariasa aanoo qimaria fainisara foora qini fiqu fiqu iqa maridaqa. Misa qini qiku qisauku aakumaree rakee iraridaqa.

Heeburu 12:2

Oosana arooqooqari fifi inaqa maasa saqarikirafa Yisufa kai maridanoo minasaa kai nifu mundusee fua. Yisufa maa maqanasaa maridanoo aunirira saqarisaa arirara qufanoo sia rufiasee minnisanau. Sia uqanna minnisanau. Kasooqaqee kuqiranakiqari findifi innaarunai ququsaki Anutuna aaqa marianinnanara iriseenoo mi asasiranra iriseenoo aunirira saqarisaa kuqiranara asauriranara siamma irinau fifau ainainee qimasee kaqi finau. Doo minara maqee Anutufa mariqoo mina aaqa asaukuqannai ooqumarifi maridanoo.

Yoohanee 19:32

Piratoofa eedoo qufaqa sundiauqa oonureeqa Yisuna aaqa dinni marunna aiku itairisee moo dinni maruna Yisuna faqa kuquna aiku itairisaqau.