Yoohanee 19:11 - Anutuna Ufa

¹¹ Yisufa mina iriseenoo maaqi qimasee Piratoona qimaminau. Anee qiniara aanoo iannana sia aneennafau, Anutufa qinara kai maqee ani ufa ameemaanai quqaqisaifaqa maridaqa. Qinee minara maaqi qidaqa, qini qumare̱eqee ani asaukuki quqeemariasa misa numoo firaafa maridanoo anindi kaqikaafa.

Yoohanee 19:11 Referans Kwoze

Roomma 13:1

Aiqama kaamanauqa faqa uriqararausa faqa Anutufa kai quqaidanoo. Sia moo fannoo narí kambiqaidanoo, Anutufa eedoo qinara kai kambiqafi maridaqa. Minara irisee innee aiqamausa misa ufamau kai fuaqa.

Yoohanee 3:27

Yoohaneefa mina iriseenoo maaqi qimasee qimanniminau. Sia moo fannoo kaqi iannoo. Anutufa aminafa kai miqiannoo.

Yoohanee 7:30

Yuda maqannaa uriqararausa mi ufana irisee qumarararee qimasoosa minnisaqau. Yisuna kuqira aukuana sia adeedi roofanoo Anutufa qumee misa ititannisoonara minnisaqau.

Mataioo 6:13

Sia anee maasa rarisameeqeenana afeeka nimaniraqoo quqaqisaa. Manda fasiqa asaukuki marunnana anee Anutufa uqeereeqee kaqinni amiqiraqoo quqaqisaa.

Yameesa 4:17

Doo qinee maqee andeeqara aana uqannifiqeeqa sia mi mau fiqa aaqeefaranoo.

Roomma 11:36

Naqimasee moo fannoo Anutuna moo ainaina amiannoo fee narí kai aiqama ainaina auqufa minaindi kai maridanoo. Aiqama ainaina minasaa qaraafa kai afeekaikinoo maridanoo. Aiqama areenarafa naaru naaru Anutunaindi kai mariannoo. Kuqaa.

Mataioo 27:2

Arira ufa andeeqaseeqa unna qimasee fifau sainanda qumarasee Yisuna asauku rumbamaree Roomma maqannaa kiapafa Piratoofa marunnai afiqee fiqau. (Firaaqoo mandoosana maraidanoo uriaqee marufa marufaqara foora sainandannai rumbamaree afiqee kiapafinnai fiqau.)

Idi Ufa 62:11

Moomoo kari Anutufa maaqi qifaqa iriqa. Qinee Anutusa firaa afeeka faqaasa maridaqee qinoo.

Mareekoo 14:44

Faasai Yudasifa qimanniminau, asukunaki innee aaqee foora qinee oonureeqa mi fasiqana amooqaanamma qafaaqa, mee innee randeemaria fasiqana amooqaanaura. Innee mina rumbamaree amiqimandee rakisisee maree fuaqa.

Yoohanee 9:41

Yisufa qinau. Inni nifu dimbanoo marinaqau inni numoo sia marini innee unna qimasee maasa qifu kaqi marifaqee qimarianara inni numoo kaqi maridanoo nifu dimbarausara foora mariafanoo.

Mataioo 26:65

Amaana maqasaa rakisimarusa firaafa Yisufa miqi qufanoo irufanoo niranaqee marusa oosana maraseenoo narí qamunna parara qinoo anaqi aquseenoo aiqama suqiqa marusa darara qimasee qimanniminoo qinau. Doo innee aiqamausa mina manda ufa iridee. Nariara Anutuna amaaku fee qinoo iridee. Sia maasa kafaa arira ufara randaanaura. Doo aneenna qimannimianaqa innee minara nanee fee qidaqee. Misa aiqamausa doo kuquanifee ufa kai qima afeekaikiqau.

Idi Ufa 39:9

Anee kai maa aupurarana qimi marianafa mariannanara qinee doo qummunimmasee qireeda kai maridaqa sia ufa qianaura.

Yoohanee 18:13

Kaiafasana maaqaki quqaqau. Kaiafasafa mi aukuannai amaana maqasaa Anutuna aanaiqiki marusa uriqararafa marinau. Annasafa Kaiafasana airaamaku mina maaqaki marunaki munu minaki quqasoofanoo Annasafa ufa indaaru irinau.

Yoohanee 19:10

Piratoofa mina qafamasee Yisuna kaifaa qimaminoo qinau. Anee sia fee qini qimaqiminnaree. Firimmannai aunirira saqarisaa arira aanoo qinindi maridanoo. Ani idukira aanoo irafa qinindi maridanoo. Anee sia fee minara iridanee.