Yoohanee 18:8 - Anutuna Ufa

⁸ Miqi qufanoo Yisufa kafaa qinau doo qinee kooroo iqa maana misa maridaqa. Innee qiniara kai randeeaafanoo, maa qini faiqi namu mariasa minnisaifaqa fuaqa.

Yoohanee 18:8 Referans Kwoze

1 Peetooroo 5:7

Mifa Anutufa inniara amuqusimarifanoo rakisidanoo. Minara inniqa aiqama ainainara naundurakinaa ummaara rufiarana nimukee marina naindiri ree mariana minauqa moodaanaki uqeereeqee Yisuna minasaa kai aqusaifanoo dadaaqiannoo.

Eefeesusa 5:25

Faiqí inni faqa qimannimidaqa innee aanaaseeuqa nifaaqmaaka inni qimannimidaqa, innee faqa asauku mundirana aanna raaqa, Yisufa narí ufara suqimariasa narí aanaaqara foora misara kaaqa amuqusufanoo misa naaru mariaqeera qimasee narí marirana misara kuqiranaki paasoosamandee quqanau. Innee inneeqa ninaaqmakara miqi kai iqa uriqarara ainainee qimasee nimuqusinaqa ruaqa.

2 Koorinti 12:9

Qinee Pauroosa mina iriseeqa maaqi qidaqa qinee qeeqa kudoosaapee marunnanara asasammasee amooqidaqa. Asauku mundirana afeeka fannoo qini rafaaqa fuanifeera qeeqa ummooqukiannanara amooqidaqa.

1 Koorinti 10:13

Aiqama nimanirafa innisaa aqufinafa aiqama maqannaaki maqee maqee kambiqee mari ainainafa maridanoo. Anutufa minara iridanoo narí dadaaqira ufara kai iriannoo. Iridanoo firaa nimanirafa anireenoo inni urinaaqareenoo rafaaqafinafa anirainanoo Anutufa afeeka niminaqa innee amana mi nimariranaki mari inaqa mina uriaaqaree faranoo. Anutufa ititaseenoo fimariaana uqafiqainana fi ruiqakinana finnaranoo.

Yoohanee 16:32

Doo moo aukuana adeedi ranoo maridanoo misa kai inni mara furufaramma nimaqeefaranoo. Innee inneeqa maaqa maaqa daraanimambifaqa qinee qeeqakai marianaura. Sia qinee kaaqa qeeqaraa maridaqa. Qini qikoofa qini faqa maridanoo.

Yoohanee 13:36

Yisufa miqi qimasoofanoo Simoona moo auqu Peetooroofa irammirinoo qinau, Oo Karaambaiqa anee yai fee finaqee maasa sia ani faqa fuanauree. Yisufa iriseenoo qinau, Qinee maqee fuanannai anee sia amana qini faqa finnaranoo, kasooqaqee anee qini faqa finnaranoo.

Yoohanee 13:1

Anutuna ainnaaqarara qoomaqa adeedi ramafufanoo Yisufa maa maqana quqasee doo narí akoofinai firafa adeedi reemarufanoo minara Yisufa irimarinau. Maa maqa maaqanakinaasa narisaa atooqeemariasara amuqusufanoo ridanoo kaqi misara aidimarufanoo fidanoo kasaaqai munu kuqinau.

Yoohanee 10:28

Qinee naaru naaru marirana nimidaqa sia kuqifaranoo. Sia amana moo fannoo qini qisaukukinaana rafieefaranoo.

Mataioo 26:56

Misa mi oosana oosana ainainna Yisunara amisoofanoo ooqeenaa Anutuna tamummaqara fasiqauqa ufa anoona kambiqanau. Yudasina faqa anusa Yisuna qumaroofaqa mina faiqi namu aiqama mina qafamasee quqasee daraaniqa sandaqau.

Yoohanee 18:7

Yisufa kafaa irammirinoo qinau, innee yanaree randaidee qufaqa misa qiqau Yisuna Nasareetee maqannaanara randaidaqa.

Yoohanee 18:9

Yisufa narí innaaru qimaru ufafa anoona kambiqaanifeera mi ufana qimanniminau. Mifa maaqi qimasee faasasaa innaaru qinau. Oo qipoo aiqamausa anee qimimarinausa sia misakiqari moo fannoo furufarianifeera. Faasasaa mi innaarunna qinau doo maqee mina anoona kambiqaina misa minnisee qini kai maraaqee qinau.