Yoohanee 18:28 - Anutuna Ufa

²⁸ Kananaana iqaqoofanoo saarisufa namufaqa misa Yisuna Kaiafasana maaqakinaana afiqee Roomma maqannaa kiapana maaqaki munu quqaqau. Yuda maqannaasaa sia kiapana maaqaki keeqaqau. Duna iqaqainaqa maasa Anutuna qangiroo ainnaaqarara qoomaqa naannaqoo fee qimasee kiapafa moo maqannaafa marufaqa afaaqasaaqaraa aisoora maasa qifaaqasaa aqufinaqa qifaaqa mandaikinaqa sia naannoo qimasee rufiee sia mina maaqaki keeqaqau, kaqi naambeeqai madaanai kai mariqau.

Yoohanee 18:28 Referans Kwoze

Yoohanee 19:9

Mifa kaifaa Yisuna afiqeenoo narí maaqaki oorureenoo irammirinau. Anee yaindari anuna fee qimaseenoo iroofanoo Yisufa sia ufa qimaminau.

Yoohanee 18:33

Piratoofa misa ufa iriseenoo narí koota maqaki kaifaa keeqeenoo Yisunara mai uruannee qimasoofanoo Yisufa Piratoona koota maqaki keeqafufanoo Piratoofa Yisuna irammirinau. Kuqaa fee anee Yuda maqannaasa Karaambaiqee maridanee.

Yoohanee 19:14

Duna Anutuna qangiroo ainnaaqarara qoomaqa suqarafa mariannoo. Maqee suani qambaana marufanoo Piratoofa ufa irira qaindasaa ooqumarifi Yuda maqannaa qimanniminau. Doo maafa inni karaambaiqa maaqoo maridanoo.

Mataioo 27:27

Piratoona sundiauqa miqoo naambeeqai Yisuna ariiseeqa kafaa anirandee kiapana maaqaki munuseeqa aiqama sundiauqa niqoonausa naaroofaqa moodaaqoo anireeqa maridaqa Yisuna qamunna raipaqusee moo qamunna Roomma maqannaa sundia qamunna taatuqee qamunna afisuamaqasee saatunanda fooqaana maraseeqa saaeemma qumaree Roomma maqannaa rakisirana qafeera foora saaeemma qumaree Yisuna akiaqasaa aranaiqi afisu amaqoofanoo akiaqa tapooqaanifeera miqiqau. Afisu amaqaseeqa Roomma karaambaiqa qunaana fooqaana Yisuna asauku uqannai quqamaqaseeqa noorindari fataafimafufaqa ataasataasa qidaqa qiqau. Oo Yuda maqannaa karaambaiqa. Maasa uriqararafa.

Yoohanee 11:55

Yisufa Eefaraimma maqa maaqaki marufanoo Yuda maqannaa qoomaqa firaa qoomaqa ainnaaqarara qoomaqa adeedi ranau. Aukuana aukuana Yuda maqannaa oosana ainnaaqarara qoomaqa adeedi ramafufaqa faiqí anaasee aiqama suqumaree miqoo Yeerusaree maqusai ooruraidaqa nári mandainaina findaukee mariqau. Aukuana aukuana miqimariqau.

Yoohanee 18:39

Piratoofa kaqi qimannimidanoo qinau. Aukuana aukuana Anutuna qangiroo ainnaaqarara qoomaqa faasaana qini rumbaranaki mariasa aukuana aukuana moodaakai moodaakai karabusakinaana iduku nimimarunausa maridaqa. Maa aukuanna Yuda maqannaa karaambaiqa idukunnimianauree qufaqa firaa kari faaqarumasee qimamiqa qiqau, sia maana idukua. Barabasina kai idukua. Barabasifa faiqí narinoo rakinoo imarifa karabusaki maridanoo. Mina kai idukua. (Roomma maqannaasa faiqí narirana oosana maaqimminoo marinau. Sanda moomoo saamu atisaa qusi iqoona marufanoo mi sandana atinni arooqa aandau amudaani rukamirana raiqaranauqa qususee rumbaqoosamuna mi samunannai aiqamausa rumboosa narimaruna. Misamuna naaree Yisuna ari isoofanoo inaaqianna Piratoofa narí maaqaki mara quqasee mina ufara iranau.)

Ruka 22:66

Iqaqoo kananaana Yuda maqannaasa uriqararausa faqa aanaiqikirausa uriqararausa faqa Mooseena sandufa akoofasauqa faqa moodaanaki suqufufaqa Yisuna mareeqee misa suqiranaki quqaseeqa irammiriqa qiqau, anee maasa qimaqimia, kuqaa anee Anutuna asauku mundira fee maridanee qufanoo mifa qinau qinee qimannimianaqa sia innee qini ufa irifara qinee faqa moo ufara inni iraanaqa sia qimaqimifaranoo.

Mareekoo 15:16

Piratoofa miqi qimasoofaqa sundiauqa iriseeqa Yisuna afiqamareeqa koota maqakiqari rafudamakufaqa miqoo Piratoona firaa amiqira maqa naambeeqai raitasaa qainna rumbeeqoo samuna Yisuna ataufakaaqa aru umooqukamaseeqa ataasa ataasa naaree qimasee fafaa aunirira saqarisaa aruanauree qimasee kiapana firaa maaqa naambeeqai munusee aiqama sundiauqa naaramasoofaqa anireeqa qamunna moo maara fasiqa misa qamunna taatuqee arirana afisuamaqasee amuka faqaa sanda saatunanda fooqaana mara maree karaambaiqa qafee fee qimasee Yisuna akiaqa aranaiqi afisuamaqasee nisauku niqinaaqa quqasee kiapana amandee mariandee mandee amandamasee qimamiqau, Oo Yuda maqannaa karaambaiqa sia dauni kuqinnaranoo kisaaqasaa marinnaranoo.

Aaquqira Ufa 4:16

Mandoosana maree mariasa akaqausa mareeqee sia nári mandoosanaki uqaseeqa sia maqasaa faiqeefaranoo. Misa akaqausa rarisameeqee minaki uqaseeqa maqasaa faiqeefaranoo.

Aaquqira Ufa 1:16

Misa mandainaina auqarara sia anuqidaqa. Misa aiqama kari fidika ruiqaranara deedaqiqa maridaqa.

Idi Ufa 35:16

Qinee qiku qisauku mandaikirausara foora marunaqa misa qiniara uteeti qidaqa. Misa qiniara fidiaqaa imarifaqa qini qiqafaidaqa.

Yoohanee 18:13

Kaiafasana maaqaki quqaqau. Kaiafasafa mi aukuannai amaana maqasaa Anutuna aanaiqiki marusa uriqararafa marinau. Annasafa Kaiafasana airaamaku mina maaqaki marunaki munu minaki quqasoofanoo Annasafa ufa indaaru irinau.

Yoohanee 18:15

Misa Yisuna rumbamaree fufanoo Simoona moo auqu Peetooroofa faqa Yisuna faiqi namukiqari faiqí moo fannoo faqa misa ninaaqiana nifaqee fiqau.

Yoohanee 19:11

Yisufa mina iriseenoo maaqi qimasee Piratoona qimaminau. Anee qiniara aanoo iannana sia aneennafau, Anutufa qinara kai maqee ani ufa ameemaanai quqaqisaifaqa maridaqa. Qinee minara maaqi qidaqa, qini qumare̱eqee ani asaukuki quqeemariasa misa numoo firaafa maridanoo anindi kaqikaafa.