Yoohanee 18:23 - Anutuna Ufa

^23-24 Miqi qimasoofanoo Yisufa qimaminoo qinau. Qinee aaqara ufa moo qianana maaqoo mariasa aiqama kooroomasee qimannimia. Qinee andeeqara ufa qunnanara nanaree qini daridanee. Miqi qimasoofanoo Annasafa qinau, innee maana kafaa rumbamaree Kaiafasafinnai afiqee fuaqa. Kaiafasafa amaana maqasaa Anutuna aanaiqikirafa marufaqa mifa maruqoo moo maaqaki minni Yisuna afiqee fiqau.

Yoohanee 18:23 Referans Kwoze

2 Koorinti 10:1

Qinee Pauroosa maa ufana reendeenamandee qimannimidaqa. Akaqausa qiniara nianai maridanoo aanoo ufa kai qimari fee inni faqa maridanoo reendeenidanoo fee qidaqa. Qinee miqi qianara maaqi qidaqa. Qinee asauku mundirana amiqi amiqirana faqa ireeda marira oosana faqa mina afusaa maridaqa reendeenamasee qimannimidaqa qinee innee iannai oonuraanaqa sia qini qirana fundakuaqa maasara maqasaaqaraa irirana irisee qimariaafoo qimariasa amana aanoomannimaqaanaura, sia sia amana mariannoo, amana mariannoo.

Mataioo 5:39

Mi ufafa miqimminoo maridanoo, qinee Yisusa minara maaqi qidaqa. Moo fannoo mandaikammamaqainana anee sia kaifaa quandafi narí mandaikammamaqaa. Moo fannoo ani aapaasa arinana sia aanoo ia, sia qaoo qia, dinni faqa kai quandasainanoo dinni faqa aruani.