Yoohanee 18:12 - Anutuna Ufa

¹² Yisufa miqi qimasoofaqa Roomma maqannaa sundiauqa faqa misa uriqararafa faqa Yuda maqannaa firisuaiqauqa faqa anireeqa Yisuna qumareeqa sandannai asauku rumbasee afiqeeqa.

Yoohanee 18:12 Referans Kwoze

Mataioo 26:57

Sandamafufaqa Yisuna qumaree marusa kaqi qumareeqa Kaiafasana maqusai maree fiqau. Kaiafasafa amaana maqasaa rakisirafa firaafa marunnai maree fiqau. Yuda maqannaasa faiqí firaasa misa faqa Kaiafasana maaqaki faasai suqimaruqoo miqoo maree fiqau.

Ruka 22:54

Miqi qimasoofaqa misa mina qumareeqa afiqa maree aanaiqikirausa uriqararana maaqaki quqaqau. Misa Yisuna maree fufanoo Peetooroofa rufiasee inaaqiana nifaamme nifaammee inoo fifiufanoo Yisuna quqoo maaqana naambeeqai faiqí akaqausa idarasee aani marufanoo mifa minaki oonuree aaninau.

Mareekoo 15:1

Iqaqoo kananaana aanaiqikirausa misa uriqararausa faqa Yuda maqannaasa faiqí firaasa faqa Mooseena sandufa akoofasauqa faqa aiqama uriqararausa faqa maasa asukunai qunnufafa sia anoonaikidanoo fee qimaseeqa iqaqoofaqa Yisuna kaqi kaqi ufa suquseeqa nariqa Yisuna arifandinna ufana kaifaa andeeqaseeqa. Misa ufa andeeqaseeqa Yisuna mara maree sainandannai rumbamareeqa afiqa mareeqa Roomma maqanna kiapana Piratoona amiqau.

Mareekoo 14:53

Misa Yisuna mara mareeqa aanaiqikirausa uriqararana maaqaki quqaqau. Mi maqanaki aanaiqikirausa uriqararausa faqa Mooseena sandufa akoofasauqa faqa Yuda maqannaa faiqí firaasa faqa minaki faasai eendaki suqiqa mariqau.

Mataioo 27:2

Arira ufa andeeqaseeqa unna qimasee fifau sainanda qumarasee Yisuna asauku rumbamaree Roomma maqannaa kiapafa Piratoofa marunnai afiqee fiqau. (Firaaqoo mandoosana maraidanoo uriaqee marufa marufaqara foora sainandannai rumbamaree afiqee kiapafinnai fiqau.)

Oosana 22:9

Miqanda Anutufa qimaqoo aaqannasaa ooru reeqa Abaraqaammafa ooniuqa mareeqee aaku aakummaseenoo ida mina amuaaqa quqaseenoo narí faiqi Isakeena ruumbaseenoo rafusu idasaa rusinau.

Idi Ufa 118:27

Yaaweefa mifa Anutufa maridanoo. Mifa maasa amiqimma qisee marinau. Innee aiqamausa suqufiqa saqari amanee raudasee uqirausa asasammamaree amaana maqaki keeqafi aidara fiqu fiqu iaqa.

Oosana 40:3

Qumaraseeqa sundiauqa uriqararana karabusa maqaki Yooseefaafa maru maqanaki quqanau.

Mataioo 27:27

Piratoona sundiauqa miqoo naambeeqai Yisuna ariiseeqa kafaa anirandee kiapana maaqaki munuseeqa aiqama sundiauqa niqoonausa naaroofaqa moodaaqoo anireeqa maridaqa Yisuna qamunna raipaqusee moo qamunna Roomma maqannaa sundia qamunna taatuqee qamunna afisuamaqasee saatunanda fooqaana maraseeqa saaeemma qumaree Roomma maqannaa rakisirana qafeera foora saaeemma qumaree Yisuna akiaqasaa aranaiqi afisu amaqoofanoo akiaqa tapooqaanifeera miqiqau. Afisu amaqaseeqa Roomma karaambaiqa qunaana fooqaana Yisuna asauku uqannai quqamaqaseeqa noorindari fataafimafufaqa ataasataasa qidaqa qiqau. Oo Yuda maqannaa karaambaiqa. Maasa uriqararafa.