Yoohanee 17:14 - Anutuna Ufa

¹⁴ Qinee ani aufakiana qeeqa faiqi namu qimannimunaqa qimannimiafaqa maa maqanasaaqaraasa akaqausa sia qini ufa irimariasa misa iriseeqa qini faiqi namu fidiaqaamma nimaqaidaqa. Qini faiqi namu ani ufa irisee maqasaaqaraasakinaa iriranara nikooqaidanoo innaarunaindaraa irirana marasaafaqa maqasaaqaraasa minara misa fidiaqaamma nimaqaidanoo. Misa qini daanna raidaqa sia maaqooqaraasau maridau.

Yoohanee 17:14 Referans Kwoze

Yoohanee 17:16

Qinee sia maa maqanasaaqaraasaindi maridaqa, misa faqa qini daanna reeqa sia maa maqanasaa qaraasaindiara foora maridaqa.

Yoohanee 8:23

Yisufa iriseenoo qimanniminau. Innee maindaraasa mariafanoo qinee mirindaraasa maridaqa. Innee maa maqanasaaqaraasa mariafanoo qinee sia maa maqanasaaqaraasau maridau.

Aaquqira Ufa 29:27

Andeeqarausa manda oosana maree mariasara fidiaqaa midaqa. Manda oosana maree mariasa andeeqarausara fidiaqaa midaqa.

1 Yoohanee 3:12

Maasa sia Kaina aanna raa, mifa Sadannana faiqi maridanoo narí akaqa arinau. Kainafa nanaree narí akaqa arinoo fee inau. Narí auqoo ainaina mandaikufanoo, mina marirafa nirafa eendaandinoo marunara narí akaqa nirafa marirafa andeeqanoo marunara minasaara aanoomaseenoo arinau.

Oosana 3:15

Qinee qianaqa maa anaaseefa faqa anee faqa nariara nariara fidiaqaa ifaranoo. Inniqara faiqinamu naaruara namuqaa marifaranoo. Mi anaaseena asumu kiqari moodaa fannoo ani akiiqa radamuannoo. Anee mina asumu kinaana aiku ataa ukaqa aminnaranoo.

Yoohanee 17:8

Anee qimunna ufana qimannimunaqa irisee doo mareea. Qinee anikiqari qumuafannanara faqa misa kuqaa fee qidaqa. Anee qini diqiqoonnanara faqa anoonee qidaqa.

1 Yoohanee 3:13

Qini qikaqaafasaauqa maa maqa maaqanakinaasa inniara fidiaqaaifaqa siamma innee minara tautiaqa. Kaina oosana maraifaqa misa inniara fidiaqaammifaranoo.

Mareekoo 10:39

Yisufa qinau Inneeqara kuqaa qini manda kuqira nammari neefaranoo, qini kuqira nammari rumaqimaqee fandinnana inneeqara faqa rifaranoo.