Yoohanee 16:5 - Anutuna Ufa

⁵ Maqee qini qikoofa qini diqiqamaqoonnai ooru firaridaqa innikiqari moo fannoo sia qini iraidanoo anee yai fee fidanee miqidanee.

Yoohanee 16:5 Referans Kwoze

Yoohanee 13:36

Yisufa miqi qimasoofanoo Simoona moo auqu Peetooroofa irammirinoo qinau, Oo Karaambaiqa anee yai fee finaqee maasa sia ani faqa fuanauree. Yisufa iriseenoo qinau, Qinee maqee fuanannai anee sia amana qini faqa finnaranoo, kasooqaqee anee qini faqa finnaranoo.

Yoohanee 7:33

Misa oonuroofanoo Yisufa maaqi qimasee faiqí anaasee qimannimimarinau. Qinee qusasaa inni faqa marianaura. Quqaseeqa qusasaa qini diqiqoofinnai fuanaura.

Yoohanee 16:28

Qinee qeeqa qikoofinaindari maqasaa qumuafanausa maridaqa doo maqasaa taikeeqa qeeqa qikoofinai ooru fuanaura.

Yoohanee 17:4

Qinee maa maqanasaaqaraasa doo ani afaaqa areenarana uqannifiqeeqa. Anee ainainirana qimiannana doo qinee taikaseeqa.

Yoohanee 16:10

Qinee qeeqa qikoofinai ooru firaridaqa maqasaaqaraasa sia kaifaa qini qiqafeefaranoo, minara fuka dadaaqirafa maqasaaqaraasa andeeqara oosanara aaqee mariafanoo fee qiannoo.

Heeburu 12:2

Oosana arooqooqari fifi inaqa maasa saqarikirafa Yisufa kai maridanoo minasaa kai nifu mundusee fua. Yisufa maa maqanasaa maridanoo aunirira saqarisaa arirara qufanoo sia rufiasee minnisanau. Sia uqanna minnisanau. Kasooqaqee kuqiranakiqari findifi innaarunai ququsaki Anutuna aaqa marianinnanara iriseenoo mi asasiranra iriseenoo aunirira saqarisaa kuqiranara asauriranara siamma irinau fifau ainainee qimasee kaqi finau. Doo minara maqee Anutufa mariqoo mina aaqa asaukuqannai ooqumarifi maridanoo.

Heeburu 1:3

Mifa narí akoona Anutunasaaqaraa areenarana firaaqoo rupannooidanoo mifa Anutuna oori afiri amudaani narí akoofara foora mina amanakai uqanna maridanoo, narí afeekufannai innaaruna faqa maqa faqa aiqama ainaina uqeera afeekaikamaqoofanoo maridanoo. Mifa Anutuna amaaku fannoo faiqí faiqi mandainaina maqasaa qumu anukama rukaseenoo narí akoona aaqa innaarunai aiqama ainaina uriqararana asauku uqannai ooru ooqumarinau.

Yoohanee 13:3

Anutufa aiqama afeeka innaaruna faqa maqa faqa Yisuna aramandunnai quqaqoofanoo marufanoo Yisufa mina irida marinau. Narí Anutufinaindari qumufa iridanoo marinau. Narí kaifaa Anutufinnai ooru firafa adeedi ranoo marufanoo minara faqa irida marinau.

Yoohanee 16:16

Yisufa narí faiqinamu kaqi qimannimidanoo qinau. Kaqikaaqoo innee sia qini qiqafeefaranoo kaqikaaqoo marikiqa kaifaa qini qiqafeefaranoo.

Yoohanee 14:28

Qinee maqee maaqooqari kafaa ooru fuanaura oorureeqa marikiqa oorurandee qumureeqa inni faqa marianaura. Sia qinee ooru fuannanara innee minara rufiaaqa. Innee kuqaa qiniara ridau qinee qeeqa qikoofinnai fuannanara susummaqimaqani. Qini qikoofa qini uriqararafa maridanoo minara susummaqimaqani.

Yoohanee 6:62

Qinee kafaa uqeeree qumuafannannai ooru fuanaqa innee mina qafamasee naqi fee ifaree. Mikari qini ufara kuqaa anoonee qimasee firaaqoo rufieefaranoo.

Yoohanee 17:13

Doo qinee anee ianannai ooru firaridaqa. Qinee maaqoo kaqi marunnaqoo ufa oosana oosana qimannimidaqa qimannimianaqa misa nimuqusakina asasirafa qumbiqanoo marianifeera qimannimidaqa.

Yoohanee 16:17

Yisuna faiqi namu mina irisee akaqausa maaqi qiqau. Maa ufana nanaree qidanoo fee. Mifa nariara kaqikaa qoo sia qini qiqafeefaranoo fee qidanoo. Kaifaa kaqikaaqoo marikiqa qini qiqafeefaranoo fee qidanoo. Kaifaa nariara qeeqa qikoofinai firaree qidaqee qidaqinoo.