Yoohanee 16:33 - Anutuna Ufa

³³ Innee qinisaa atooaqa marifandinnanannai asooaranaki marifaranoo. Maa maqanasaaqaraa irirana mareemariasa aupurarana oosana oosana nimianinnanara maa ufana qimannimidaqa. Sia rufiaqa rufiaqiaqa doo qinee maa maqanasaaqarasa doo rafaaqafuseeqa, minara kaqi paasoosiaqa.

Yoohanee 16:33 Referans Kwoze

Yoohanee 14:27

Qinee naundura asooarana inni nimidaqa. Qinee qiniki mari naundura asooarana inni nimidaqa. Maa maqanasaa mariasa sia misa naanna ramasee inni nimidau. Amiqimandee qeeqa asooarana nimianaura. Sia inni naundura rapikiani sia rufiaqa rufiaqiaqa.

1 Yoohanee 5:4

Maasa Anutuna faiqi namu maa maqa maaqanasaaqaraa mandainaina amana maasa mina uraaqaraanaura. Maa ainainannai maasa maa maqa maaqanasaaqaraa mandainaina uraaqaraidaqa, Yisuna saqarikiranannai uraaqaraidaqa.

2 Teesaroonika 3:16

Karaambaiqa narí kai naundurai asooarana oosana marifa aiqama kari oosana oosana mariranaki inni faqa naundura asooarana nimiannoo. Karaambaiqa inni aiqamausa faqa mariani.

1 Yoohanee 4:4

Qini faiqi namu innee Anutuna faiqi namu mariafanoo. Unna qira tamummaqara fasiqauqa innee misa urinaaqaramafi mariasa, inniki mari maraqunafa uriqaranoo maridanoo maa maqa maaqanakinaasa maraquna Sadannanaindi ureeqanoo maridanoo.

Firipi 4:7

Innee miqifanoo Anutuna aundura asooarafa firaa ainaina tia maridanoo faiqí faiqi irirafa sia mina amana maridanoo, mi asooarafa inni nimuqusa faqa irirana faqa asauku mundirana Yisunakina mariafanoo miqoo inni rakisinnimaqaannoo.

1 Peetooroo 5:9

Aiqama maqa maaqaki inni niqoonausa Yisuna ufa irimariasa moodaa karammida aupuree mariafanoo. Minara irisee innee inneeqa Yisuna saqarikamma mapukusee maridaqa Sadannafa aninaqa ititaidaqa mariaqa.

Yoohanee 14:1

Yisufa miqi qimaseenoo aiqama qimanniminoo qinau. Innee sia nimukee marinaqa maparaaiaqa. Innee Anutuna saqariki mariafanoo doo qini faqa saqarikiaqa.

2 Timooti 3:12

Aiqama maqasaa qaraasa asauku mundiranasaa irirana rusiseeqa miqooqari Anutuna andeeqara oosana maraifaqa narirana aupurarana mareefaranoo.

Uqafiqoo Ufafa 3:21

Qinee maa maqanasaa mandainainakiqari uriqararausa maridaqa qeeqa qikoosandiri narí rakisira qaarisaa ooqufaaqee idaqa. Maa maqanasaa mandainainakiqari rakirara foora uriqarainafa mifa miqi kai inoo qinee rakisira qaarisaa innaaruna ququsaki qini faqa ooqufaaqee mariannoo.

Heeburu 11:25

Mifa Faraoona maaqaki mariasa nári oosana oosana adiafaaira irira ainainee qimarunara mandainainee qimasee minnisee Anutuna faiqi namu Isaraee maqannaasa faqa aupuraanauree qimasee misa faqa finau.

Uqafiqoo Ufafa 7:14

Sia qinee iridaqa anee qimaqimia qiafananoo mifa kooroo qimasee qimaqiminau. Maa fasiqa anaaseesa Anutuna ufamau fimarusa minasaara narirana maree marusa minakiqari amiqimasee ani marusa maridaqa. Misa nári ikairi aanaaqi qamunna sipsipa aanaaqi Yisuna fidikaki nári qamunna nammaruqusee eekara arufifaqa afisusee maridaqa.

1 Teesaroonika 3:7

Innee Yisuna saqarikirafa kaqi marinara maqee iriseeqa qifaaqa asasifanoo kadaapirirana faqa aupurarana faqa doo aufadeenoo.

Uqafiqoo Ufafa 12:11

Maasa qikaqaafasaauqa maqasaa fasiqauqa Anutuna sipsipa aanaaqi kuqu fidikanannai doo Sadannana uraaqareenoo nári Anutuna anoona ufara kuqunannai faqa mina uraaqareenoo misa mi ufanara narí mariranara sia anoonee qimasee kaqi kuqiraree qimariasa maridaqa.

Kooroosee 1:20

Anutufa qufanoo narí amaaku fannoo aiqama ainaina maqasaa qaraana faqa innaarunaindaraana faqa maramareenoo narí akoona aaqa munu moodaaqoo quqasoofanoo aqoondikamma nimaqanau. Narí amaaku asauku mundirafa narí fidika adioonannai asooarana quqasoofaqa moodaanaki kiqa maridaqa. Miqunara asauku mundirafa aiqama ainaina uriqararafa maridanoo.

2 Koorinti 1:3

Asauku mundirana innisaimbaqa karaambaiqa Yisuna akoofa Anutufa minara maasa aiqamausa dufi dufi qimamaqaaqa, innisaimbaqara amuqusimari qikoofa innisaimbaqa qifaueemarifa maridanoo, aiqama dadaaqirafa mifinnaindari qumimarifa maridanoo innisaimbaqa mina kai dufi dufi qimamaqaaqa.

2 Koorinti 13:11

Qini qikaqaafasaa doo maqee akara taikaanaura. Innee kaaqa andeeqaranara afeekaikamasee marararee qimariasa mariafanoo, qini ufa qunnana amiqimasee iriaqa, sia nariara nariara rairaiqiaqa, moodaanaki maridaqa asooaranaki mariaqa. Faiqí aanaaseera nimuqusirana nimimari Anutufa faqa naundura asooarana nimimari Anutufa faqa inni faqa mariani.

1 Teesaroonika 3:4

Maasa Teesaroonika maqusaki maridaqa inni qimannimiqa Yisuna ufa saara narirafa kambiqaannoo fee qiafannana doo mifa kambiqaidanoo innee minara faqa irimariafanoo.

Karatia 6:14

Qinee qeeqara qidaqa qinee maasa karaambaiqa, asauku mundirafa, Yisufa aunirira saqarisaa kuqunara minara kai qinee uqeerasee amooqianauranoo. Mi auniriranasaa kuqunannai maa maqa maaqanasaaqaraa ainaina kuqinoo mari ifoo qidaqa sia kasidanoo minannai faqa qinee faqa kuqiara foora qimarunausa marunanoo maa maqa maaqanakinaa mandainaina sia qini qumaraidanoo.

2 Koorinti 7:4

Qinee inniara kuqaa Yisuna ufa irimariasee qidaqa qinee inniara nimooqidaqa asasidaqa. Maasa oosana oosana ummaaraki maridaqa inniara iriseeqa paasoosidaqa asasirafa qumbiqeenoo rairaaidanoo. (Pauroofa Koorinti maqannaasa akara ruma Titusana amufanoo munu nimisee oonurandee Pauroofinai aninau. Pauroofa Koorinti maqannaara qini akarakinaa ufara nanee fee qiaafoo qimasee maa ufana akara rumannimaqanau.)

Idi Ufa 68:18

Anutufa Sioona aaqanasaa ooru fidanoo rumbarausa aana muqunufaqa ooru fiqau. Mifa miqoo ooru marufaqa faiqí anaasee akaqa ainaina Yaaweena mini amiqau. Yaaweena ufa ooqai rukieeusa misa faqa akaqa ainaina amiqau. Mifa miqoo mariannoo.

Karatia 1:4

Maasa qikoofa Anutufa qufanoo asauku mundirafa iriseenoo eedoo qimaseenoo mi mau finau maqee kamuqoo marunna mandainaina afeekaikiranakinaana maasa idukuaqeera narafaaqa maasa mandainaina akiaqara aunirira saqarisaa paasoosamasee quqanau.

Yoohanee 12:31

Doo maqee Anutufa maa maqa maaqanakinaasa qini darifandinnanara narí aanooqira ufa nimiannoo. Doo maqee maa maqa maaqanaki uriqararafa Sadannafa taikaannoo.

Ruka 2:14

Innaarunai sandaaqaindaraa Anutuna amooqirana amia, maqasaaqaraasakiqari Anutufa aidimarisaki naundura asooarafa misaki mariani.

Ruka 19:38

Karaambaiqa ufara animari uriqararana Anutufa amiqi amiqi iani. Innaarunai asooarafa mariani. Anutuna amooqirafa faqa mariani.

Heeburu 7:2

Qimasoofanoo Abarahaamafa rakiranaki maraqoo ainaina raineeqeenoo kaqikaana Anutuna amidee qimaseenoo mina aanaiqikirana Meerakiseedeekafa marufanoo aminau, Anutunara dufi dufi qida fee qimasee Meerakiseedeekana kaqikaana aminau. Meerakiseedeekana auqu oosana andeeqara karaambaiqee qiqau. Mina maqusa auqu Sareema maqusa mi auquna oosana asooara maqusafee qiqau. Minara mi fasiqafa andeeqarana faqa asooarana faqa karaambaiqa marinau.

Yoohanee 16:11

Maa maqanasaaqaraa rakisirana aakaaqaindaraa fasiqa doo Anutuna arira ufa doo mi manda fasiqanasaa maridanoo. Minara Anutuna narira ufa fannoo maa maqanasaaqaraa fasiqa aanaaseesaa faqa maridanoo minara faqa misa sia andeeqasee iridaqa aaqaidaqa.

Mataioo 9:2

Oonuroofaqa faiqí mi maqusanaindari moo auruna aiku asauku pipisaaqa usufufanoo maruna aindusu mareeqa Yisufuqoo maree aniqau. Misa irirafa Yisunaki marunara Yisufa mina qafamaseenoo quandafinoo aurira faiqi qimaminau. Sia rufiaqa rufiaqa ia. Afaaqa quqaa. Doo qinee ani mandainaina numoo minnaiseeqa.

2 Koorinti 2:14

Oo Anutunara dufi dufi qiaqa. Innisaimbaqa asauku mundirana faqa moodaanaki kamambi maridaqa minakiqari Anutufa narí narunakinaana Anutuna asumu firiara foora innisaimbaqa nifiqee asauku mundiranara kaanina mareeqa idireeqa maree maqusaira foora miniqaasa rakiranara foora uriqararausa maridaqa. Miqooqari innisaimbaqa Anutufa mareeqeenoo asauku mundirana ufa amiqira afundara foora nimifaqa aiqama aanaamurunni daraaniqa qimannimiqa nidaqa. (Ooqai Pauroona aukuana Roomma maqannaasa sundiauqa faqa misa karaambaiqauqa faqa namuqaa maqusai oonureeqa misa naruseeqa misa ainaina faqa faiqí kaakadi narirausa rumbamareeqa nariqa maqusai nifiqamaree fiqau. Nariqa maqusa adeedi oonureeqa padi mafufaqa nári indaaru fiqa rumbaqoosa ootupa ootupa rumbara rumbaseeqa nifiqee narirara maqusa qambaanai narirara nifiqee fiqau. Rumbarausa ninaaqiana afundi maru ainaina ida muquru mareeqa fimarufanoo mi afundafa misa qambaanamma afundi marinau. Mina anaaqiana sundia firaafa Karaambaiqa misa sufafaqa maree finau. Rumbaqoosa mi afundanara maasa kuqunna afundafa qidanoo fee qiqau. Sundiauqa faqa kaiqeesa faqa mi afundiranara amiqira afunda fee qiqau.)

2 Koorinti 4:7

Mi areenarana aufakiana firaa munnimma aqimari ainaina fara foora marifa maasaki fifau maqannai auqira qafeera foora maasaki quqaqaifaqa sia faiqí faiqi ainainimariana amanasaa ainainidaqa, fiqararafa marunara ainainidaqa. Anutufa mi fiqaramasee ainainirana narindikai marinara akooroo ianifeera narí areenara aufakiana maasaki fifau maqannai auqimaria ainainaki quqanau.

2 Koorinti 6:4

Maasa qeeqa aiqama ainainaki maasa Anutuna ainainira faiqi namu marunnanara kooroo iaqeera qimasee firaaqoo reendeenamandee ummaara faqa kadaapirirana faqa tooqaamu darirana faqa aupurarana oosana oosana maraidaqa.

1 Yoohanee 2:13

Innee faiqí firaasa indaaru Yisuna ufa irusa inni akara rumannimaqaidaqa. Innee Yisunara ooqai oosana arooqooqari marinara irimariasa mariafaqa minara inni akara rumannimaqaidaqa. Qinee inni kumaaraauqa faiqi namuara akara rumannimaqaidaqa. Innee aakaaqaindaraa fasiqa uraaqaramafuanara inni akara rumannimidaqa.