Yoohanee 16:16 - Anutuna Ufa

¹⁶ Yisufa narí faiqinamu kaqi qimannimidanoo qinau. Kaqikaaqoo innee sia qini qiqafeefaranoo kaqikaaqoo marikiqa kaifaa qini qiqafeefaranoo.

Yoohanee 16:16 Referans Kwoze

Yoohanee 7:33

Misa oonuroofanoo Yisufa maaqi qimasee faiqí anaasee qimannimimarinau. Qinee qusasaa inni faqa marianaura. Quqaseeqa qusasaa qini diqiqoofinnai fuanaura.

Yoohanee 16:28

Qinee qeeqa qikoofinaindari maqasaa qumuafanausa maridaqa doo maqasaa taikeeqa qeeqa qikoofinai ooru fuanaura.

Yoohanee 16:22

Innee mina aanna reefaranoo. Maqee kamuqoo noori runusee marifaranoo. Kasooqaqee qini qiqafamasaifanoo miqoo inni nimuqusaki asasirafa firaaqoo qumbiqanoo mariannoo. Mi asasirana sia moo fannoo mareemaria asasirafa mariannoo. Afeeka asasirafa amiqirafa kaqi mariannoo.

Heeburu 12:2

Oosana arooqooqari fifi inaqa maasa saqarikirafa Yisufa kai maridanoo minasaa kai nifu mundusee fua. Yisufa maa maqanasaa maridanoo aunirira saqarisaa arirara qufanoo sia rufiasee minnisanau. Sia uqanna minnisanau. Kasooqaqee kuqiranakiqari findifi innaarunai ququsaki Anutuna aaqa marianinnanara iriseenoo mi asasiranra iriseenoo aunirira saqarisaa kuqiranara asauriranara siamma irinau fifau ainainee qimasee kaqi finau. Doo minara maqee Anutufa mariqoo mina aaqa asaukuqannai ooqumarifi maridanoo.

Yoohanee 13:3

Anutufa aiqama afeeka innaaruna faqa maqa faqa Yisuna aramandunnai quqaqoofanoo marufanoo Yisufa mina irida marinau. Narí Anutufinaindari qumufa iridanoo marinau. Narí kaifaa Anutufinnai ooru firafa adeedi ranoo marufanoo minara faqa irida marinau.

Yoohanee 16:5

Maqee qini qikoofa qini diqiqamaqoonnai ooru firaridaqa innikiqari moo fannoo sia qini iraidanoo anee yai fee fidanee miqidanee.

Yoohanee 13:33

Qini faiqi namu sia kisaaqasaa inniki marianaura. Yuda maqannaa qimannimiafannandee kai inni qimannimidaqa. Innee qiniara randee sia paqurifaranoo. Qinee fuannaqoo sia innee amana fifaranaoo.

Yoohanee 12:35

Miqi qimasoofanoo Yisufa mina iriseenoo qinau. Kaaqa qarafa inniki qusasaa mariannoo. Kaaqa qarafa mariqoo mi kaaqa qaranasaa kai mariaqa. Miqimmasee marifanoo asukuna fannoo sia rafaaqafuannoo. Asukunaki nimarifa sia aana qafaidanoo kaqimbidanoo.

Mareekoo 16:19

Yisufa narí faiqi namu faqa ufa qiqisoofanoo Anutufa mina uqeereeqeenoo innaarunai narí aaqa asauku uqannai quqasoofanoo miqoo ooqu marinau.

Yoohanee 17:13

Doo qinee anee ianannai ooru firaridaqa. Qinee maaqoo kaqi marunnaqoo ufa oosana oosana qimannimidaqa qimannimianaqa misa nimuqusakina asasirafa qumbiqanoo marianifeera qimannimidaqa.

Yoohanee 17:5

Oo qipoo qini mareeqeenana aneenna marianaqoo mara quqaqisee qifaaqa areenarana qimia. Ooqai oosana aroo aukuanna maa maqa maaqafa sia marunaki qifaaqa areenarana qimunnana mina kai kafaa qimia.

Yoohanee 16:10

Qinee qeeqa qikoofinai ooru firaridaqa maqasaaqaraasa sia kaifaa qini qiqafeefaranoo, minara fuka dadaaqirafa maqasaaqaraasa andeeqara oosanara aaqee mariafanoo fee qiannoo.