Yoohanee 14:9 - Anutuna Ufa

⁹ Yisufa mina iriseenoo akooqoofanoo raiqaseenoo qinau. Firipi qinee kisaaqasaa inni faqa mariafanausa marunana anee sia irirana irimariananoo. Yafasiqa anaasee fee qini qiqafainafa doo qini qikoona qafaidanoo. Anee nanaree qiniara aneenna akoona uqaqifiqaannee q inanee.

Yoohanee 14:9 Referans Kwoze

Kooroosee 1:15

Anutufa kukeeqarafa marifanoo asauku mundirafa mina amaaku mina amammana ususeenoo maridanoo narí akoona oori afiri marasee mina nirana mina marirana mina maraquna maasaki doo andeeqasee narí akoonara kooroo idanoo. Mi asauku mundirafa aiqama ainaina Anutufa auquqoona urinaaqararafa maridanoo.

Yoohanee 12:45

Yafasiqa anaasee fee qini qiqafaidanoo fee mifa qini diqiqamaqoona mina faqa qafaidanoo.

Yoohanee 14:7

Innee qiniara irifau qini qikoonara faqa irini. Maqee mariaqooqari qini qikoonara iriqa qini qikoona qafee mariafanoo.

Heeburu 1:3

Mifa narí akoona Anutunasaaqaraa areenarana firaaqoo rupannooidanoo mifa Anutuna oori afiri amudaani narí akoofara foora mina amanakai uqanna maridanoo, narí afeekufannai innaaruna faqa maqa faqa aiqama ainaina uqeera afeekaikamaqoofanoo maridanoo. Mifa Anutuna amaaku fannoo faiqí faiqi mandainaina maqasaa qumu anukama rukaseenoo narí akoona aaqa innaarunai aiqama ainaina uriqararana asauku uqannai ooru ooqumarinau.

Yoohanee 10:30

Qini qikoofa faqa qinee faqa moodaa marunnanara sia amana rafieefaranoo.

Yoohanee 1:14

Mi ufafa Anutuna anoona ufa Yisufa faiqí faiqi kamambinoo maasaki qumu marinau. Qumumarufaqa mina afeeka eeraarirana maasa mina faiqi namu kuqaa qafaqau. Mifa narí akoona amaaku moodaa marunara narí akoonasaaqaraa afeeka eeraarirana faqa kaqi afaarirana faqa kuqaa anoona ufa qirana faqa maraseenoo qumbiqanoo maruna qafaqau.

Firipi 2:6

Mifa ooqaindari Anutufara foora marufa maridanoo. Sia narí afeekannai rakirara maqi mandee Anutuna amana ooru fuanauree qinau.

Yoohanee 14:20

Qinee qeeqa qikoonaki maridaqa kafaa innee qiniki mariafanoo qinee inniki maridaqa. Anutuna maraquna qumuaninna faasaana mi faasaanna mi ufana oosana amiqimandee irifaranoo.

Mareekoo 9:19

Yisufa iriseenoo aiqama faiqí anaasee qimanniminau. Inni firaaqoo uqanna sia irirana qinisaa rusimarifanoo qinee kisaaqasaa fee inni manda furufarira ummaara dadaaqiqa nuanauree. Mi kumaaraana afiqamaree mai aniaqa qufaqa misa mi kumaaraana afiqee munusoofanoo minakinaa afaanna fannoo Yisuna qafamaseenoo mi kumaaraana mareeqeenoo fuseenasana aaku amaqaseenoo maqasaa rutuku quqasoofanoo mi kumaaraafa maqasaa aqufinoo quanda qaandi marufanoo qaqaara ookiqari ururama teeqinau.

Ruka 12:56

Innee mandaikirausa qaara irirana maree mariasa, innee innaaruna faqa maqa faqa qafamasee andeeqasee kambiqaaninna ainainara andeeqasee iri mariafanoo, maqee qinee qumimarunna kamuqoora nanaree sia iridee qida fee.

1 Koorinti 15:12

Maasa asauku mundirafa kuqiranakiqari findifunara maasa qimannimiafanaqa innikiqari akaqausa naqimasee kuqirausara sia findififaranoo fee qida fee.

Idi Ufa 11:1

Qinee Yaaweena saqarikiananoo mifa qini ititaqimaqaannoo. Anee nana furufaree inanee qiniara ufiniara foora qaqamaree aaqanai ooru fuannee qidanee.

Oosana 26:9

Qafamaseenoo Abimeereekafa Isakeena aaramaseenoo qinau. Maa anaaseefa ani anaaqa uqanna maridanoo. Anee nanaree qini qisooki fee qinanee. Isakeefa qinau. Qini qinaaqa fee qianaqa darifoora miqi qiqa.

Yoohanee 8:19

Miqi qimasoofaqa Farisai amaana ufa qimarusa maaqi qimasee irammiriqau. Ani akoofa yai fee maridanoo ani dadaaqidanoo fee qufanoo Yisufa qinau. Innee qiniara faqa qini qikoonara faqa sia irimariafanoo. Innee qiniara irifau qini qikoonara faqa irini. Innee sia maaqandara irimariafanoo.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.