Yoohanee 14:31 - Anutuna Ufa

³¹ Maa maqanasaaqaraasa qinee qeeqa qikoonara rimarunnana minara iriaqeera mina ufamau andeeqasee fidaqa qinee qeeqa kai irisee Sadanna asauku ameemaanai oonuree kuquanaura. Miqi qimaseenoo Yisufa narí faiqi namuara doo uqeeraifaqa maaqooqari moosaa fuanee qimasee uqeereenoo moosaa finau.

Yoohanee 14:31 Referans Kwoze

Yoohanee 10:18

Sia moo fannoo narí afeekannai qini marirana maraannoo. Qinee qeeqakai qeeqaraa irisee qeeqa marirana kuqiranaki quqaanaura. Qini qikoofa qinaqa qeeqa marirana kuqiranaki quqararee qimasee quqaanaura. Quqasee kafaa marararee qimasee maraanauranoo. Qini qikoofa miqi qimasee ufa qimaqimifaqa iridaqa.

Firipi 2:8

Mifa reendeenirafa marinoo Anutuna ufara eedoo qimammaree finoo doo kuqiranara faqa eedoo qimasee kuqinau, manda kuqirana aunirira saqarisaa kuqinau.

Yoohanee 12:49

Qinee sia qeeqa iriranannai ufa qimannimidaqa qini diqiqamaqoona qini qikoona uqaqifiqoo ainaina kai qimannimidaqa uqannifiqaidaqa.

Ruka 12:50

Qinee kuqira manda nammariara foora marasee naanaura, mina afeesara marunanoo qifaaqa rumbanoo maridanoo.

Yoohanee 15:9

Qini qikoofa qiniara firaaqoo ridanoo qinee faqa miqikai iqa inniara firaa qoo ridaqa doo sia innee moo fannoo minakiqari aiaki fuaqa. Kaqi kai qini didiranaki mariaqa.

Idi Ufa 40:8

Oo qini Anutu, ani aidirana mau firara firaaqoo dididanoo. Ani sanda ufa qini qimuqusaki maridanoo.

Yoohanee 18:11

Yisufa mina qafeenoo Peetooroona qimaminoo qinau. Saa, aneenna paipana narí aanaamuki upeekaa. Qini qikoofa manda nammari naannee qimaqoosa anee qiniara sia naannee fee qidanee. Qinee naanaura.

Yoohanee 12:27

Yisufa Yeerusareenni oorufidanoo narí aaqa marusa qimanniminau. Maqee qini daundura fifau faafau inoo marifaqa nana ufee qianauree. Qinee naqimasee qeeqa qikoonara qiana qini kuqiranara qaoo qiannoo fee. Qinee firaa aupurarana marasee maa marunandee fuka kuquanauree qimasee qumuafanausa maridaqa doo qusasaa maridaqa naqimasee qaoo qiraree sia qaoo qianaura.

Mataioo 26:39

Miqi qimaseenoo mifa kaqikaa qoo nariara oonu oorindari mi saqamanaki maqasaa aqufufanoo innaaru qinoo qinau. Oo qini qikoofa amanee anee sia qini minniqisainaqee sia kuquanauree. Sia qeeqa didiranara iridaqa ani aidiranara dididanoo, anee qinaqa kuquanaura.

Mataioo 26:46

Doo findifi qafaaqa. Qini ueeqee mari fasiqafa doo ani maridanoo.

Yoohanee 13:1

Anutuna ainnaaqarara qoomaqa adeedi ramafufanoo Yisufa maa maqana quqasee doo narí akoofinai firafa adeedi reemarufanoo minara Yisufa irimarinau. Maa maqa maaqanakinaasa narisaa atooqeemariasara amuqusufanoo ridanoo kaqi misara aidimarufanoo fidanoo kasaaqai munu kuqinau.