Yoohanee 14:28 - Anutuna Ufa

²⁸ Qinee maqee maaqooqari kafaa ooru fuanaura oorureeqa marikiqa oorurandee qumureeqa inni faqa marianaura. Sia qinee ooru fuannanara innee minara rufiaaqa. Innee kuqaa qiniara ridau qinee qeeqa qikoofinnai fuannanara susummaqimaqani. Qini qikoofa qini uriqararafa maridanoo minara susummaqimaqani.

Yoohanee 14:28 Referans Kwoze

Yoohanee 14:18

Qinee sia inni mininnisaanaura qinee oorureeqa Anutuna maraquna aqiqaananoo qumuree inni faqa marida dadaaqiannoo.

Yoohanee 20:17

Miqi qimasoofanoo Yisufa qinau, sia qeeqa qikoofinnai ooru fiqa minara anee sia qini qifaaqa qumaraa. Anee oonuree qini qikaqaafasaauqa qimannimia. Qinee qeeqa qikoofinnai faqa inni nikoofinnai faqa qeeqa Anutufinnai faqa inni Anutufinnai faqa ooru fidaqa.

Yoohanee 13:16

Qinee kuqaa anoona ufa inni qimannimidaqa. Ainainira fasiqa fannoo sia narí rakisirana uriqararafa maridanoo. Ufa maree fimari fasiqafa sia aqiqeemarina uraaqararafa maridanoo.

1 Peetooroo 1:8

Innee sia Yisuna qafoosa kaqi nimuqusi marifaqa minara ririaasa. Innee sia Yisuna qafoosa kaqi inneeqa irirafa minasaa rusimariasa mariafanoo mina ufamau fifiaasa. Miqimarianara innee firaaqoo kaaqa areenarana namufaqa asasimariafanoo. Mi asasiranara faiqí sia amana minara ufa qifaranoo uriqararafa maridanoo.

1 Koorinti 11:3

Qinee maa moodaa ainainnara kai inniara iriaqeera qimannimidaqa, aiqama fasiqa nári ninaaqmaaka urinaaqararausa maridaqa kafaa asauku mundirafa aiqama fasiqa urinaaqararafa maridanoo. Anutufa asauku mundirana uraaqararafa maridanoo. (Pauroofa narí maqannaa anaasee oosanara qimaqoofa sia maasaki maridanoo. Anaaseeuqa nariqa andeeqara oosana marasee narí nifaaqmaaka nimeemaanai oorudupi mambunara kooroo ianifeera qamunnannai nikiaqa rumbarausa amaana maqaki keeqee mariqau. Sia nikiaqa rumbasaidaqa keeqee marusa nisaurirana mara nimimariqau. Ummuari mari anaaseena paqurimasee asaurirana maraanifee qimasaida akiqa maqa namufaqa indufu aqimariqau.)

Yoohanee 16:7

Qinee anoona ufa qimannimidaqa qinee ooru fuanaqa innee amiqiranaki mariaqeera ooru fuanaura. Qinee sia ooru fuananoo fuka dadaaqirafa sia qumuree inni dadaaqiannoo. Qinee ooruree fuka dadaaqirana aqiqaananoo qumu inni faqa maridanoo dadaaqiannoo.

Yoohanee 14:12

Qinee anoona ufa qimannimidaqa faiqí anaasee moo fannoo qini saqarikinafa qinee ianandee iannoo. Qinee qeeqa qikoofinnai fuannanara qini saqarikinafa sia qini daanna kai raannoo qini saika uraaqaranoo mariannoo. Mina oosana maaqimminoo maridanoo.

Yoohanee 10:38

Innee qeeqaraa ufa qunnanara unna fee qimasaida qinee faiqí sia auqaaqaa ira ainainna auqaanaqa qafamasee qiniara kuqaa anoona fee qimasee kuqaa mina akoofa minaki marinara miqidanoo fee qiaqaana kaifaa mifa faqa nariki marinara miqidanoo fee qiaqaana.

Yoohanee 5:18

Yuda maqannaasa mi ufana iriseeqa doo kuqa ariraree qiqau. Misa Yisunara amaana faasaana sandufa rukiasaifaqee qimariqau. Sia minara kai mifa Anutunara narí akoo fee qunara minara faqa arirari mariqau. Mifa Anutunara qini qikoo fee qunara misa nanaree maqasaa fasiqa fannoo unna qidana Anutuna amanakai maridee qidanee qimasee arirariqau.

Mataioo 12:18

Mifa ooqai maaqi qimasee Yisunara akara rinau. Qafaa, qini dadaaqira faiqi, qinee mina utaaqamamaqaunafa. Qinee minara qimuqusidanoo qini daundura minara asasidanoo. Qini maraquna mina aakufuannoo. Mifa aanaamuru mariasa faqa kiapausara foora andeeqannisaannoo. Sia Isaraee maqannaa kai.

Uqafiqoo Ufafa 1:11

Mi ufafa maaqi qimasee qimaqiminau. Yoohanee maqee uqafiqaanna ainaina anee papiqaki akara rumasee dinni qisauku taikasee dinni ani qaara marasee maqusanaasa nári amaana maqakiaqa keeqee mariasa akara rumannimaqaa. Eefeesusa maqusa amaana maqaki keeqee mariasa faqa Samirana maqusa amaana maqaki keeqee mariasa faqa Peerakamumma maqusa amaana maqaki keeqee mariasa faqa Tiatira maqusa amaana maqaki keeqee mariasa faqa Firadeerafia maqusa amaana maqaki keeqee mariasa faqa Raoodiseea maqusa amaana maqaki keeqee mariasa faqa miqimasee amaana maqanamuara akara rumannimia.

Idi Ufa 68:18

Anutufa Sioona aaqanasaa ooru fidanoo rumbarausa aana muqunufaqa ooru fiqau. Mifa miqoo ooru marufaqa faiqí anaasee akaqa ainaina Yaaweena mini amiqau. Yaaweena ufa ooqai rukieeusa misa faqa akaqa ainaina amiqau. Mifa miqoo mariannoo.

Idi Ufa 68:9

Oo Anutu anee qunanoo aaku firaafa rufanoo ani maqa Isaraee maqa maaqa mandaikinoo marufa amiqinau.

Yoohanee 7:33

Misa oonuroofanoo Yisufa maaqi qimasee faiqí anaasee qimannimimarinau. Qinee qusasaa inni faqa marianaura. Quqaseeqa qusasaa qini diqiqoofinnai fuanaura.