Yoohanee 14:27 - Anutuna Ufa

²⁷ Qinee naundura asooarana inni nimidaqa. Qinee qiniki mari naundura asooarana inni nimidaqa. Maa maqanasaa mariasa sia misa naanna ramasee inni nimidau. Amiqimandee qeeqa asooarana nimianaura. Sia inni naundura rapikiani sia rufiaqa rufiaqiaqa.

Yoohanee 14:27 Referans Kwoze

Firipi 4:7

Innee miqifanoo Anutuna aundura asooarafa firaa ainaina tia maridanoo faiqí faiqi irirafa sia mina amana maridanoo, mi asooarafa inni nimuqusa faqa irirana faqa asauku mundirana Yisunakina mariafanoo miqoo inni rakisinnimaqaannoo.

Yoohanee 16:33

Innee qinisaa atooaqa marifandinnanannai asooaranaki marifaranoo. Maa maqanasaaqaraa irirana mareemariasa aupurarana oosana oosana nimianinnanara maa ufana qimannimidaqa. Sia rufiaqa rufiaqiaqa doo qinee maa maqanasaaqarasa doo rafaaqafuseeqa, minara kaqi paasoosiaqa.

2 Teesaroonika 3:16

Karaambaiqa narí kai naundurai asooarana oosana marifa aiqama kari oosana oosana mariranaki inni faqa naundura asooarana nimiannoo. Karaambaiqa inni aiqamausa faqa mariani.

Kooroosee 3:15

Innee asauku mundiranaki mariasa moodaara foora marianara nariara nariara farafara qirana minnisee asauku mundirana asooarafa inni naundurai rakisimarinaqa moodaanaki kiqa mariaqa. Innee miqiaqee qimaseenoo Anutufa inni rusandeesamumasee mareeqee asauku mundiranaki quqanau. Doo Anutunara faqa maqee maqee dufi dufi qiaqa.

2 Timooti 1:7

Anutuna maraquna maasa qimufa sia maparaairana rufiarana qimidanoo, mina maraquna fannoo afeekaikirana faqa faiqí aanaaseera amuqusirana faqa qeeqa daundurai qimanasaa andeeqasee rakisirana faqa maasa qimidanoo.

Roomma 15:13

Anutufa maasa innaarunaira afeesirana oosanafaqaafa maridanoo, mifa kai innee mina saqarikiranannai aiqama asasirana faqa asooarana faqa innikina qumbiqannimaqaannoo, Anutuna naaquqara andeeqara maraquna afeeka fannoo inni dadaaqinanoo innaarunaira asasammasee afeesirafa mi asasirafa qumbiqeenoo teeqiannoo.

Roomma 8:6

Faiqí faiqi nidimari manda ainainafa ani atikuraki rakisinana kuqirannai ubeekanoo maridanoo kafaa mina dinni Anutuna maraquna fannoo narí aidirafa ani atikuraki rakisinana mifa ani mareeqeenoo kaqi mariranaki faqa asooaranaki faqa ubeekama amaqaannoo.

Karatia 1:3

Maasa aiqamausa qikoofa Anutufa faqa mina asauku mundirafa Yisufa maasa Karaambaiqa faqa Anutuna idaaqira amiqi amiqirana faqa naundura asooarana faqa inni nimiani.

Karatia 5:22

Anutuna maraquna fannoo sia miqi maria mandoosanakina uqannifiqaidanoo. Innee mina ufamau fifanoo inni mareeqee amiqira saqari qaqammara foora ireefaranoo. Maa amiqira oosanausa ireefaranoo, nariara nariara uriqarara ainaina maridee qimasee nariara nariara rirana faqa Anutunara asasirana faqa naunduraki asooarana faqa faiqí aanaaseera reendeenira irirana faqa amiqimandee dadaaqi mariana faqa afaarirana faqa amiqira ainaina afaarirana faqa sia minnisee firafa miqookai marida auqainna ainaina auqaida marirana faqa fisoofisoommasee ufa qirana faqa narí mandoosanara akooqamasee andeeqasee fimarina faqa Anutuna maraquna fannoo mi ainainausa kai uqannifiqaidanoo, sia moo sandufa fannoo mi amiqira ainainausara qaoo qiannoo.

Idi Ufa 29:11

Yaaweefa narí aiku asauku afeeka nimidanoo. Amiqi amiqimma nimaqasee asooaranaki quqannisaidanoo.

Roomma 5:1

Maasa qeeqa irirana Anutunasaa rusiseeqa marianara doo maqee sia Anutuna aranaqaranaki aanoo iranaki maridaqa Anutufa narí andeeqaranaki quqaqisoofaqa minara doo maqee mina asooaranaki amiqiranaki maridaqa. Anutuna asauku mundirana maasa karaambaiqa Yisufa minannai kai mi asooaranaki maridaqa.

Yoohanee 14:1

Yisufa miqi qimaseenoo aiqama qimanniminoo qinau. Innee sia nimukee marinaqa maparaaiaqa. Innee Anutuna saqariki mariafanoo doo qini faqa saqarikiaqa.

Idi Ufa 112:7

Mi andeeqara fasiqafa manda ufauqaindi irinoo sia rufiannoo. Mifa Yaaweena saqarikirafa afeekaikinoo marinara sia rufiaannoo.

Roomma 5:10

Maasa Anutuna namuqaa marufanoo mifa narí amaaku maasa mandainaina arirana maroonara iriseenoo mina kuqiranannai aqoondi kamma quqaqisaifaqa maridaqa. Asauku mundirafa kuqunannai Anutuna aqoondi kamambi maridaqa kafaa Yisuna kaqi mariranannai mifa taikara aukuana Anutuna aranaqaranakinaana kuqaa uqanna maasa mina aqoondiuqa mareeqee asumu mariranaki quqaqisaannoo.

Idi Ufa 56:11

Qinee mi Anutunasaa kai qeeqa irirana rusidaqa. Faiqí faiqi nana mandaikee maqimaqaifaqa sia qinee rufiaanaura.

Idi Ufa 91:5

Anee miqina maridana eendaki rufiee maria ainainausara sia rufieennaranoo. Faasaana tautummasee ani mandaikamma amaqara ainainnara faqa sia rufieennaranoo.

Kooroosee 1:20

Anutufa qufanoo narí amaaku fannoo aiqama ainaina maqasaa qaraana faqa innaarunaindaraana faqa maramareenoo narí akoona aaqa munu moodaaqoo quqasoofanoo aqoondikamma nimaqanau. Narí amaaku asauku mundirafa narí fidika adioonannai asooarana quqasoofaqa moodaanaki kiqa maridaqa. Miqunara asauku mundirafa aiqama ainaina uriqararafa maridanoo.

Roomma 1:7

Anutufa inni Roomma maqannaasa faqa naarameeqeenoo qini qiku qisauku kiaqeera qimaqoosa mariafaqa. Qinee Pauroosa minara iriseeqa inni akara rumannimaqaunafa maridanoo. Anutufa maasa qikoofa faqa narí asauku mundirana Yisuna maasa karaambaiqa faqa narí amiqi amiqira oosana faqa narí aundura asooarana faqa inni nimiani.

Idi Ufa 85:10

Miqimmafinanoo Anutufa maasara aidirafa faqa maqasaa qaraa fasiiqa mapukusee marira oosana faqa moodaanaki kifaranoo. Yaaweena andeeqara oosana faqa maqasaaqaraasa asooarafa faqa narí difaa difaa narí difaa difaa ifaranoo.

1 Koorinti 1:3

Maasa qikoofa Anutufa faqa maasa karaambaiqa asauku mundirafa Yisufa faqa miqanda kaqi afaarirana faqa naundura asooarana faqa inni Koorinti maqannaasa nimiani.

Idi Ufa 56:3

Qinee rufiaunna kari Oo Yaawee, qinee ani kai saqarikidaqa.

Yoohanee 20:19

Mi faasaanna mi eendanaki Yisuna faiqi namu maasa moo maaqaki keeqafufaqa Yuda maqannaasa doo Yisuna ariqa maasa faqa darifoo qimasee maasa misara rufiasee kooqi amiqimasee ititasee marufanoo Yisufa tautumannimaqeenoo maasa qambaanai kooroomafinoo qimanniminoo qinau. Sia rufiaaqa asooarafa inniki mariani.

2 Teesaroonika 1:2

Innaarunai nikoona Anutuna faqa Anutuna asauku mundirana karaambaiqa Yisuna miqanda kaqi nári afaarirana faqa nári naundura asooarana faqa inni nimiani.

Ruka 2:14

Innaarunai sandaaqaindaraa Anutuna amooqirana amia, maqasaaqaraasakiqari Anutufa aidimarisaki naundura asooarafa misaki mariani.

Heeburu 13:20

Naaru naaru moodaanaki kirana Yisufa asauku mundirafa kuqiranannai mina fidikannai doo mapukuseenoo maridanoo. Anutufa mina kuqiranakinaana uqeereeqeenoo faiqí anaasee rakisirana firaanaikamaqaifanoo maridanoo. Narí kuqiranannai faiqí aanaaseesaa rakisirafa maridanoo.

Mataioo 10:26

Minara sia misara rufiaaqa. Aiqama ainaina maqee rafaaqafinoo marifa kasooqaqee Anutufa innaarunai aiqama kooroo iannoo. Aiqama kukeeqara ainaina faqa kasooqaqee Anutufa aiqamausa nifusaa kooroo iannoo. Minara sia maqee faiqí anaasee inniara mandufa qifandinnanara rufiaaqa.

Idi Ufa 27:1

Yaaweefa qini qoomara foora maridanoo qini asumu maree marifa marinara qinee yanaree moonara rufiaanauree. Qini marirana nirana afeeka Yaaweefa kai marinara qinee yanaree maparaa ianauree.

Uqafiqoo Ufafa 2:10

Qini ufasaara kaqikaa qoo innee aupurarana mareefaranoo innee sia minara rufiaaqa. Innee iriaqa Sadannafa inni nimanamasee qafaaneera karabusaki akaqausa quqaannoo. Inni nidafirafa maa maqanasaa qusasaa mariannoo. Innee kaqi maraqa fifi inaqa kuqirana paqurinna aukuana qinee naaru marira qafee afisunnimaqaanaura.

Uqafiqoo Ufafa 1:4

Asia maqa maaqaki mariasa amaana maqa qisauku dinni taikasee dinni ani qaara mararanaki keeqee mariasa qinee Yoohaneesa akara rumannimaqaidaqa. Anutufa ooqai marufa maqee faqa kaqi marifa kasooqaqee naaru faqa marianinafa narí afaarirana faqa narí asooarana faqa inni nimidanoo. Anutuna ufa irira qaari oorinni Anutuna maraquna namu qisauku dinni taikasee dinni qaara marasee mariasa miqi kai mandee Anutuna afaarirana faqa asooarana faqa inni nimidaqa.

Heeburu 7:2

Qimasoofanoo Abarahaamafa rakiranaki maraqoo ainaina raineeqeenoo kaqikaana Anutuna amidee qimaseenoo mina aanaiqikirana Meerakiseedeekafa marufanoo aminau, Anutunara dufi dufi qida fee qimasee Meerakiseedeekana kaqikaana aminau. Meerakiseedeekana auqu oosana andeeqara karaambaiqee qiqau. Mina maqusa auqu Sareema maqusa mi auquna oosana asooara maqusafee qiqau. Minara mi fasiqafa andeeqarana faqa asooarana faqa karaambaiqa marinau.

Yoohanee 20:26

Mi amaanafa aiqaroofanoo moo amaana eendaki maasa Yisuna faiqi namu faqa Toomasina faqa maaqaki keeqafi kooqi mundusee ititasee Yuda maqannaasa maasa dari maqi qimasee mariqiafana. Marufanoo Yisufa kafaa maasaki kambiqanau. Anireenoo qinau, sia rufiaaqa asooarafa inniki mariani.

Idi Ufa 28:3

Oo Yaawee anee sia manda oosana maree mariasa faqa aaqee mariasa faqa amiqira adiafaa ira ufa qimaria fanoo misa nimuqusaki manda irirafa umbiqarausa namufaqa qini rafaaqafu qimaqaa.

Aaquqira Ufa 3:25

Manda oosana maree mariasasaa tautummasee kambiqara ummaara firaafa firaa aaku oonnamuara foora kambiqoondee iranara sia rufieennaranoo.

Uqafiqoo Ufafa 21:8

Maparaa imariasa faqa ueeqee mariasa faqa kaaqa ufa rukiee mariasa faqa faiqí anaasee kuqa narimariasa faqa kaaqa faiqí aanaaseera rimariasa faqa aukainaina maraqa nuasa faqa tumunnai faiqí nimana auqusaida minara rufiasaida innaaru qimariasa faqa aiqama oosana oosana unna ufa qimariasa faqa mi mandoosanna maraqa nuasa misa maqusai ida farumaki marifaranoo. Miqoo ida firaafa fasafasainoo mandundi marifa mariannoo. Mi idana auqu inaaqiannaa kuqirafa maridanoo.

Karatia 6:16

Innee mi iriranamau fimariasa qimannimianaura Anutufa naundurai asooarana faqa Anutufa aidira nifauarana inniki faqa aiqama Anutuna faiqí anaasee maqasaa mariasaki faqa mariani.

Ruka 10:5

Asooaranara rimari fasiqafa minaki marinana ani afaaqooqa qirana minasaa mariani, sia asooaranara rimari fasiqafa minaki marinana anee afaaqooqa qira ufa qimamiannana kafaa maraa.

Idi Ufa 72:7

Mi karaambaiqafa marianinna aukuana faiqí anaasee andeeqara oosana kai maraaqa. Quqoona kaqi qeemarinanoo reemindeemirirafa kai mariannoo.

Ruka 12:4

Qini qiqoondiuqa inni qimannimidaqa inni nipata kai kuqa narusee miqooqari moo mandainaina sia amana niminausara misara sia innee rufiaaqa.

Idi Ufa 11:1

Qinee Yaaweena saqarikiananoo mifa qini ititaqimaqaannoo. Anee nana furufaree inanee qiniara ufiniara foora qaqamaree aaqanai ooru fuannee qidanee.

Idi Ufa 72:2

Mifa andeeqaranannai ani Anutuna faiqí anaasee ufa andeeqannisaani. Narí maqannaa nuqu siai fasiqa anaaseesa faqa amana amana kai andeeqasee ufa raina nimaqaani.