Yoohanee 14:11 - Anutuna Ufa

¹¹ Innee maa ufana irisee anoonee qiaqa. Qinee qeeqa qikoonaki maridaqa mifa qiniki faqa maridanoo. Innee qini ufara sia fee qimasee qinee auqaannainaina faiqí sia auqaaqaa ira ainaina nifunnoo qafamasee Anutufa mina faqa maridanoo fee qiaqa.

Yoohanee 14:11 Referans Kwoze

Yoohanee 10:38

Innee qeeqaraa ufa qunnanara unna fee qimasaida qinee faiqí sia auqaaqaa ira ainainna auqaanaqa qafamasee qiniara kuqaa anoona fee qimasee kuqaa mina akoofa minaki marinara miqidanoo fee qiaqaana kaifaa mifa faqa nariki marinara miqidanoo fee qiaqaana.

Yoohanee 5:36

Yoohaneefa nammari nimimaruna ufa anoona maru fanoo qinindi minaindi arusee uriqaranoo maridanoo. Qinee aniree faiqí sia amana auquaqaa ira ainaina qini qikoofa qimuna auqaqa fimarunna ainainna fannoo qini duqu firaaqoo uqeeraannoo. Uqeerainaqa qafamasee qiniara Anutufinaindari qumu fee qifaranoo.

Yoohanee 10:25

Yisufa maaqi qimasee qimanniminau. Doo qimannimuna siamma irimariafanoo. Qinee moomoo qeeqa qikoofinaindaraa ainaina auquseeqa minannoo inni uqannifiqaunausa maridaqa.

Yoohanee 14:10

Firipi anee sia fee qini ufara anoonee qidanee. Qinee qipaqeenaki faqa maridaqa mifa qiniki faqa maridanoo sia fee anee mi ufana iridanee. Yisufa kafaa narí faiqi namu aiqama qimanniminoo qinau. Qinee inni ufa qimannimimarunafa sia qeeqa daundurakinaana qimannimidaqa. Qini qikoofa qiniki marifa narí irirana iriseenoo qifaqa narí qimau kai fidaqa qimannimidaqa.

Heeburu 2:4

Maasa sia misa ufa kai irisee kuqaa fee qidaqa Anutufa misa ufa dadaaqammasoofaqa faiqí sia amana auqaaqaa ira ainainna firaa ainaina oosana oosana faiqí anaasee dadaaqimaru ainainna auqusoofaqa maasa mina qafeeqa kuqaa fee qidaqa. Anutufa narí iriranannai kai narí maraqunannai kai oosana oosana fasiqa anaasee dadaaqira akoofasaikirana faiqí anaasee niminau. Miqunnannai faqa maasa innaarunaindaraa asumu marirana qimianinnanara kuqaa fee qidaqa.

Yoohanee 10:32

Qinee moomoo amiqira ainaina auqaidaqa qini qikoofa qimu ainaina auqaidaqa innee nana amiqira ainainara irisee fee minasaara oonisamu qini darirara qidee.

Yoohanee 14:20

Qinee qeeqa qikoonaki maridaqa kafaa innee qiniki mariafanoo qinee inniki maridaqa. Anutuna maraquna qumuaninna faasaana mi faasaanna mi ufana oosana amiqimandee irifaranoo.