Yoohanee 13:38 - Anutuna Ufa

³⁸ Yisufa mi ufana iriseenoo qimaminoo qinau, Kuqaa fee anee maqee qiniara kuqinnaree, qinee anoona ufa ani qimamidaqa fafaa eendaki kookooraana sia ufa qinnakamuqoo anee kuqiranara rufiaseenana qaaramoo kari qiniara sia qafaunausee qinanoo kookooraana ufa qiannoo.

Yoohanee 13:38 Referans Kwoze

Mataioo 26:34

Yisufa mi ufana iriseenoo qimaminau. Fafaa eendaki kookooraana sia ufa qinana anee qaaramookinana iraifana qiniara sia qinee mina qafaidee qinnaranoo. Miqi qinanoo kookooraana ufa qiannoo.

Aaquqira Ufa 16:18

Nári nifaaqa mara maree uri mariasa kuridiranaki ooqu fidaqa. Ramoo ramaa imariasa aqufi marianaki aqu fidaqa.

1 Koorinti 10:12

Faiqí moo fannoo nariara qeeqa afeekaikiranannai kikiqiqa maridee qinafa rufiaa, anee Isaraee maqannaasa naanna ramasee aqufinafaara.

Aaquqira Ufa 29:23

Narí auqu uqeeree marifa asauriranaki aqufuannoo. Narí mara maree qumi marifa uriqarara auqu maraannoo.

Aaquqira Ufa 28:26

Faiqí moo fannoo narí irirana mau fimarifa fufufarirafa maridanoo. Faiqi moo fannoo irirana faqaasa aatata fimarifa asooaranaki maridanoo.

Ruka 22:33

Oo karaambaiqa anee rumbaranaki fee kuqiranaki fee finaqa qinee faqa minaki fuanauree qufanoo Yisufa qimaminoo qinau Oo Peetooroo qinee anoonufa ani qimamidaqa fafaa eendamuqusai anee qaaramoo kari qiniara asaurusee sia qiniara Yisusara iridee qinanoo doo miqoo kai kookooraana ufa qiannoo.

Yoohanee 21:17

Miqi qimasee Yisufa qaaramookufanoo Peetooroona irammirinoo qinau, Simoona Yoohaneena amarana amaaku kuqaa fee anee qiniara aidinoo fee. Peetooroofa Yisufa qaaramoo kari iroonara aundura rapikufanoo maaqi qimasee qimaminau, Oo Karaambaiqa anee aiqama ainainara irimarianafa qinee aniara didimarinara anee irimariananoo. Yisufa iriseenoo qinau, anee qini ufa irimariasasaa naranara foora nimia.

Yoohanee 16:31

Yisufa mi ufana iriseenoo kafaa qimanniminau. Doo innee maqee fee iriqaraasidee.