Yoohanee 12:50 - Anutuna Ufa

⁵⁰ Qinee qeeqa qikoona ufa iridaqa mina ufa fannoo kai naaru naaru marirana nimidanoo. Qinee minara iridaqa qeeqa qikoona ufa kai qimannimidaqa.

Yoohanee 12:50 Referans Kwoze

Yoohanee 17:3

Naaru naaru marirafa maaqimminoo maridanoo. Maqasaa fasiqa anaasee misa ani moodaa kuqaa Anutunara irisee mi iriranamau firafa kafaa qini Yisusa ani asauku mundirausara anee diqiqoonausara miqikaimasee irisee mi iriranamau firafa, mifa kai naaru naaru marirafa maridanoo.

Yoohanee 6:68

Simoona moo auqu Peetooroofa mina iriseenoo Yisuna qimaminoo qinau. Oo karaambaiqa ani minnisee yanasaa fee atooqaanauree. Naaru marirana nimira ufa anee kai marananuananoo.

Yoohanee 6:63

Amaqiara qunnana amaqi fifau ainaina maridanoo sia mina naaqee qiqa maraquna fannoo kai anoona maridanoo mifa kaqi marirana nimidanoo. Qinee qeeqa dookinaa ufa qimannimimarunafa mifa maraquna maridanoo kaqi marirana anoona maridanoo.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.

1 Yoohanee 2:25

Marifanoo asauku mundirafa narí uqanna moo ainaina maa ainainna naaru marirana qimiraree qinau.

Yoohanee 20:31

Maa ainainnausara akara rumaseeqa inneeqa Yisunara kuqaa asauku mundira fee qimasee Anutuna amaaku fee qimasee mi iriranannai mina auqunnai innee naaru naaru marirana maraaqeera akara rumannimaqeeqa.

Yoohanee 5:19

Yisufa kafaa qimanniminau. Qinee kuqaa anoona ufa inni qimannimidaqa. Qinee sia moo ainaina qeeqaraa auqaidaqa qeeqa qikoona qafamasee mifa indeekai idaqa. Akoofa moo ainaina auqaifanoo amaaku miqikaimmidanoo.

Yoohanee 8:28

Kasooqaqee innee qini faiqí nimaaku uqeereeqee aunirira saqarisaa quqaqisaseeqa mikamuqoo qinee mariaafannanara irifaranoo. Qini qikoofa qimaqimiqoo ufana kai inni qimannimidaqa. Mikari innee minara faqa amiqimasee irifaranoo.