Yoohanee 12:44 - Anutuna Ufa

⁴⁴ Yisufa kafaa moo kari faiqí anaasee qimanniminoo qinau. Yafasiqa anaasee qini saqarikidanoo fee. Mifa sia qini kai, qini diqiqamaqoona mina faqa saqarikidanoo.

Yoohanee 12:44 Referans Kwoze

Mataioo 10:40

Faiqí anaasee yafee moo fannoo inni dadaaqinafa mifa qini faqa qiqoondikidanoo. Qini dadaaqinafa qini qikoona qini diqiqoona mina faqa aqoondikidanoo.

Yoohanee 13:20

Qinee anoona ufa kuqaa qimannimidaqa. Faiqí anaasee moo fannoo qinee inni niqiqamaqaanausa niqoondikinafa qini faqa qiqoondikidanoo. Faiqí anaasee moo fannoo qini qiqoondikamma qimaqainafa qini diqiqamaqoona faqa kai aqoondikidanoo.

Yoohanee 5:24

Yisufa Yuda maqannaa rakisirausa kaqi qimannimidanoo qinau. Qinee kuqaa anoona ufa inni qimannimidaqa faiqí moo fannoo qini ufa irisee qini diqiqamaqoona saqarikinafa mifa doo naaru mariranaki maridanoo. Miqinna fasiqafa sia Anutuna arirufaki mariannoo. Anutuna narirana doo maa maqee aiqaaqareenoo kaqi mariranaki doo keeqanoo maridanoo.

Mareekoo 9:37

Faiqí anaasee moo fannoo maaqira kaqikaa faiqi qini ufara irisee oonu asasamasee aqoondikinafa sia irirainni qini Yisusa faqa qiqoondikidanoo. Yafee moo fannoo qini oonu qifiqainafa sia qini kai qifiqaannoo qini diqiqoona faqa oonu afiqaidanoo.

1 Peetooroo 1:21

Anutufa mina kuqiranakinaana uqeereeqeenoo areenaranaki quqanau. Innee minannai Yisunannai Anutunasaa mundiqa mariafanoo kafaa minannai kai inneeqa irirana minasaa rusirana faqa naaru innaarunai kambiqaaninna ainainara nidirana faqa minasaa ootupanoo maridanoo.

Yoohanee 7:28

Yisufa firaa amaana maqaki faiqí anaasee qimannimidanoo mi ufana iriseenoo maaqi qimasee firaaqoo qimanniminau. Kuqaa fee innee qiniara iridee. Qinee yaindaraasee marunaqee innee kuqaa qiniara irida fee. Sia qinee qeeqa kai animaridaqa qini diqiqaifa mifa kuqaa anoona maridanoo. Innee kuqaa minara sia irimariafanoo.

Yoohanee 11:43

Yisufa miqi qimaseenoo innaaru qimaseenoo firaa kari kuqirana aareenoo qinau. Rasarusa minakiqari rauda.

Aaquqira Ufa 8:1

Iriaqa, amiqira irirafa irirana faqaa aanaaseera foora nammeera qidanoo. Oonumafi irirafa dadaaqinoo firaaqoo naaraidanoo.

Aaquqira Ufa 1:20

Iriaqa, amiqira irirafa irirana faqaa anaas eera foora aana kindooraki faqa faiqí suqi mariaqoo maridanoo nammeera qidanoo.

Mareekoo 9:23

Yisufa iriseenoo qinau sia qiniara amanaikiannee qia aneenna kai qinisaa irirana rusiranara kai iria. Faiqí Anutunasaa irirana rusimarifa aiqama ainaina amanaikammiannoo.