Yoohanee 12:35 - Anutuna Ufa

³⁵ Miqi qimasoofanoo Yisufa mina iriseenoo qinau. Kaaqa qarafa inniki qusasaa mariannoo. Kaaqa qarafa mariqoo mi kaaqa qaranasaa kai mariaqa. Miqimmasee marifanoo asukuna fannoo sia rafaaqafuannoo. Asukunaki nimarifa sia aana qafaidanoo kaqimbidanoo.

Yoohanee 12:35 Referans Kwoze

Yoohanee 12:46

Qinee kaaqa qarausa maa maqa maaqanaki animaridaqa. Qiniki mariasa sia asukunaki mariaqeera animaridaqa.

Yoohanee 16:16

Yisufa narí faiqinamu kaqi qimannimidanoo qinau. Kaqikaaqoo innee sia qini qiqafeefaranoo kaqikaaqoo marikiqa kaifaa qini qiqafeefaranoo.

Eefeesusa 5:8

Ooqai innee Eefeesusa maqusanaasa faqa asukunaki mariusa mariafanoo doo maqee karaambaiqa Anutuna faiqí anaasee aiku asauku kamambi mariafanoo kaaqa qarana fooqaasa mariafanoo, doo minara iriseeqa kaaqa qaranaki mariasara foora ida mariaqa.

Yoohanee 8:12

Moo kari Yisufa Yeerusaree amaana maqaki faiqí anaasee maaqi qimasee qimanniminau. Qinee maqasaaqaraasa qooma maridaqa. Yafasiqa aanaaseesa qini faqa finausa misa kaqi marira qooma mareefaranoo sia uqanna asukunaki fifaranoo.

Yoohanee 11:10

Faiqí moo fannoo asukunai nidanoo oonisaa aikuamaki saamuridanoo, sia kaaqa qarafa minaki marinara miqidanoo Anutufa qi faasaana ooru fiqa sia saamuruanaura kaaqa qeemarina ooru fuanaura.

Yoohanee 12:36

Kaaqa qarafa mariqoo innee minara riqa anoonee qimasee mi mau fuaqa miqiqa innee kaaqa qaranafaqaasa mariaqa. Miqi qinoo qimannimiseenoo naríara moosaa finau. Miqoo oonu kukeeqanau.

Yoohanee 7:33

Misa oonuroofanoo Yisufa maaqi qimasee faiqí anaasee qimannimimarinau. Qinee qusasaa inni faqa marianaura. Quqaseeqa qusasaa qini diqiqoofinnai fuanaura.

2 Koorinti 3:14

Mi aukuanna Isaraee maqannaa irirafa doo ititanoo marufaqa sia Anutuna ufa oosana iriqau. Mi kamuqooqari ani ani ufaqa maqee kamuqoo kaqi mi qamunnafara foora misa irirafa ititanoo marifaqa ooqeenaa moodaanaki kira ufa asaana ridaqa sia mina oosana iridaqa. Faiqí asauku mundiranasaa atooqafinanoo kai miqoo kai mi qamunnana fooqaana rafaqaa iannoo.

Aaquqira Ufa 4:19

Manda oosana maree mariasa aana asukuna miqirafa maridanoo. Misa nanasee fee niku amaki saamrida fee, sia qafaidaqa.

Yoohanee 11:9

Yisufa iriseenoo qinau, iqaqaifanoo kai suani urureenoo kaaqa qaidanoo. Faiqí miqi mariqoo nidaqa sia saamuridaqa. Misa maa maqanasaa kaaqa qarafa marifaqa qafaida sia saamuridaqa.

Karatia 6:10

Minara irisee maana qimannimidaqa maasa aiqamausa amiqira dadaaqirana dadaaqiaqa sia moodaakari kai, maqee maqee dadaaqirafa kambiqafinana dadaaqiaqa. Aiqamausa dadaaqidana niqoonausa Yisuna saqariki mariasa firaaqoo dadaaqiaqa.

Ruka 18:37

Yisufa Nasareetee maqusaindaraafa doo aiqaraidanoommifoo qufanoo mi fasiqafa iriseenoo faaqa rumasee qinau.