Yoohanee 12:13 - Anutuna Ufa

¹³ Ooqu afiqarara ooqu fidaqa koopeena amanee fooqaana moomoo ateekamaree ooqu fiqau. (Misa nariqa qimiriqa Yisunara maaqi qiqau. Ooqai Anutuna asauku mundirafa kambiqanoo marifa uridanoo. Mifa maasa qiqa karaambaiqaikirara uridanoo.) Misa ooqu fidaqa maaqi qimasee firaa kari faaqariqau. Anutuna amooqia mina auqu uqeeraa. Anutufa qufanoo kambiqarafa uridanoo, Anutufa mina amiqi amiqiani, Anutufa Isaraee maqannaa Karaambaiqa amiqi amiqiani.

Yoohanee 12:13 Referans Kwoze

Uqafiqoo Ufafa 15:3

Anutuna ainainira faiqi Mooseena faqa sipsipa aanaaqi kuqufa faqa miqanda idi ree mariqau. Maaqi qimasee idi raqau. Oo Karaambaiqa aiqama afeekafaqaa Anutufa, Anee aiqamausa rakisi marianna oosanafa faqa anee imarianna oosana faqa idaaqirafa firaafa maridanoo. Anee aiqama maqusanaasa Karaambaiqa marianafa, Anee niniunafa andeeqarafa kuqaa marunafa marianafa.

Uqafiqoo Ufafa 7:9

Qinee Yoohaneesa mina qafamaseeqa quandaki qafaafana moo suqirafa marinau faiqí anaasee firaaqoo qusimariqau. Sia faiqí moo fannoo nisaanarirana amana moomoo uqanna mariqau. Misa aiqama firaa maqannaasakiqari faqa kaqikaa maqannaasakiqari faqa aiqama fasiqa anaaseekiqari faqa aiqama ufakiqari faqa Anutuna qaari oorinni sipsipa aanaaqi oorisaa aiqama ufa qimarusa kikiqammafiqau. Misa qamunna eekara afisirausa aufaqaa saqari asaana uqirausa Anutuna oorisaa kikiqiqau.

Yoohanee 1:49

Natanaeerafa iriseenoo tautumakufanoo qinau. Ufasaa rakisirafa anee Anutuna amaaku marianafa. Anee Isaraee maqannaa karaambaiqa marianafa mariananoo.

Mataioo 23:39

Innee qini ufa iriaqa. Doo sia kafaa qini qiqafeefaranoo. Innee naaru kasooqaqee qiniara, Oo amiqirafa Anutunakinaafa maasaki qumidanoo fee qifaranoo. Mi aukuanna kai kafaa innee qini qiqafeefaranoo.

Yoohanee 19:15

Misa irisee faaqa quqasee kuqariraree kai qiqau. Aunirira saqarisaa firimmannai ariraree qiqau. Piratoofa mina iriseenoo Yisuna ariraree qusa qimanniminoo qinau. Innee kuqaa inneeqa karaambaiqa aunirira saqarisaa pirimmannai ariraree fee qidee. Miqi qufaqa amaana maqasaa Anutuna aanaiqikirausa uriqararausa Piratoona ufa irisee faaqa quqasee qiqau, maa fasiqafa sia maasa karaambaiqa maridanoo. Maasa karaambaiqa Roomma maqannaa karaambaiqa moodaa maridanoo mina auqu Sisaafa.

Uqafiqoo Ufafa 19:16

Mina qamunnasaa faqa mina aikusaa faqa mina auqu moo maaqi qimasee akara rirafa Karaambaiquaqa karaambaiqa uriqararausa uriqararafa maridanoo.

Yoohanee 12:15

Yeerusaree maqusa moo auqu Sioona maqusee qimarinau. Minara ooqeenaa tamummaqara fasiqafa maaqi qimasee akara rinau. Innee Sioona maqusanaasa sia rufiaaqa. Inni karaambaiqa innee iannai uridanoommi, doonkisaa ooqu marifi uridanoo.

Mataioo 27:42

Maafa faiqí anaasee mareeqee Anutuna asumu mariranaki mara quqannisaannee qimarifa nariara sia amanaikinoo. Kuqaa fee anee Isaraee maqannaa karaambaiqee maridanee. Kuqaa miqinana anee karaambaiqa maridana maqee maqasaa tatuaki aqufinaqa maasa aniara kuqaa karaambaiqee qianaura.

Yoohanee 12:14

Yisufa doonki moo maqee innooqee marunnasaa paqurimasee minasaa akaramafi ooqumari finoo Yeerusareenni ooru finau. Miqiuna ooqai tamummaqara fasiqa akara rumaqoomau ooru finau.