Yoohanee 11:51 - Anutuna Ufa

^51-52 Kaiafasafa sia narí kaifau mi ufana qimanniminau. Anutufa qimamunara kai mi ufana qimanniminau. Kaiafasafa Yisunara Yuda maqannaasa nikiaqara kuquannoo Anutuna faiqi namu mina ufa irimarinausara faqa moodaa iriranasaa mariaqeera kuquannoo fee qinau.]

Yoohanee 11:51 Referans Kwoze

2 Koorinti 5:21

Anutufa narí andeeqarana innisaimbaqa naida qimianifeera narí amaaku qimamiseenoo maasa mandainaina aiqama qumareeqeenoo minasaa quqasoofanoo mina akiaqara kuqinoo taikannimaqanau. Asauku mundirafa mandoosana siaifa miqinau.

Rafudoo Akarafa 28:30

Amuqusaa ititara qamunna raqandaamasee uqara foora akunusai mariani. Mi uqanaki ooni qaaraqanda miqanda nuqu Urimma faqa Tumimma faqa Aaroonafa mi uqanaki uqarumasee qini uiqaana maqaki aniani. Miqiraree qimaseenoo aiqama kari nimuqusa saa diri maria qamunnana rufu maree anireenoo mifa qini irirana iriseenoo Isaraee maqannaasa qimannimiannoo.

Karatia 3:13

Asauku mundirafa Mooseena sandufamau fimariasa Anutuna niqurararufa ameemaanai rumbaqa marunara iriseenoo asauku mundirafa narí kai Anutuna niqurara ufaikamambinoo maasa daaqa qumureenoo minaki rumbaqa marusa idukuqisanau. Tamummaqara fasiqauqa akara minara maaqimminoo maridanoo. Saqarisaa dirifi kuqimariasa aiqamausa Anutuna niqurararufa ameemaanai mariasa maridaqee qidanoo.

1 Koorinti 13:2

Anutuna maraquna fannoo oosana oosana afeeka qiminaqa qinee qeeqa kai Anutuna ufa amiqimasee qimannimianaqee qinee aiqama ainainara irisee aiqama kukeeqara ainainara irisee fee, qinee qeeqa Yisuna saqarikirafa afeeka marinaqee aaqana moo mafi moosaa quqaanauree, mi aiqama ainaina afeekafa qiqa daundurai afeekaikifanoo faiqí aanaaseera uriqarara ainainee qimasee misara qimuqusirafa sia marifaqa qinee sia maridara foora maridaqa.

Yoohanee 10:15

Miqi kai iqa qeeqa sipsipara iridaqa misa faqa qiniara faqa iridaqa. Qinee qeeqa sipsipasaara amana kuquanauree qidaqa.

Mataioo 20:28

Innee qini daanna raaqa innee qini qiqafaaqa. Qinee faiqí nimaaku firaasa maridaqa, sia faiqí anaasee qini ainainamma qisaaqeerau qumidau. Qinee inni ureeqarausa inni ainainamma nimaqararee qimasee qumiqa. Qeeqa kuqiranannai moomoosa aaqarana akiaqara idukiraree qimasee minara faqa qumiqa. Minara innee narinni narinni qini daanna raaqa.

1 Peetooroo 3:18

Asauku mundirafa narí uqanna inniara kuqinau. Moodaa suanisaa moodaa kari kai aiqamausa mandoosanara kuqinau. Inni nisauku qumareeqeenoo Anutufinnai quqaaneera amiqirafa maasa manda fasiqa anaaseera kuqunnimaqanau.

1 Peetooroo 2:24

Asauku mundirafa narí kai maasa mandainaina aaqarana narí apatasaa mara quqaseenoo doo aunirira saqarisaa kuqirana maree finau. Maasa kuqirausara foora sia mandoosana maraaqeera kuqinau, amiqira oosana kuqiara foora iqa marida maraaqeera kuqinau. Mina afaaqa ateekaqoonannai maasa daundura uninoo maridanoo.

Yoohanee 11:49

Misakina uriqararana auqu Kaiafasafa mifa qimanniminoo qinau. Inniki moo fannoo sia irirana faisa mariafanoo.

Yoohanee 18:13

Kaiafasana maaqaki quqaqau. Kaiafasafa mi aukuannai amaana maqasaa Anutuna aanaiqiki marusa uriqararafa marinau. Annasafa Kaiafasana airaamaku mina maaqaki marunaki munu minaki quqasoofanoo Annasafa ufa indaaru irinau.

1 Yoohanee 2:2

Anutuna asauku mundirafa mifa kai aandau tatufirafara foora maridanoo. Minannai maqasaa fasiqa anaasee mandainaina akiaqara taikanniseenoo doo maasa Anutufinnai mafi qisaidanoo. Sia maasaindi kai aiqama anaamurundi minannai kai taikannisaaninafa maridanoo.