Yoohanee 11:33 - Anutuna Ufa

³³ Yisufa Mariana ikiraqarana qafoofanoo amuqusufanoo Yeerusaree maqannaasa faqa ikiraqoona qafoofanoo amuqusinoo mina aunduraki mandaikinau.

Yoohanee 11:33 Referans Kwoze

Yoohanee 11:38

Yisufa narí kai misa miqi qu ufanara akooqoofanoo narí aunduraki mandaikufanoo mi ufanara aiaaee qimaseenoo madikai oonuranau. Rasarusana iri ooni aamaraki quqasee ooni firaatia qumaree ititaqoofanoo marinau.

Yoohanee 12:27

Yisufa Yeerusareenni oorufidanoo narí aaqa marusa qimanniminau. Maqee qini daundura fifau faafau inoo marifaqa nana ufee qianauree. Qinee naqimasee qeeqa qikoonara qiana qini kuqiranara qaoo qiannoo fee. Qinee firaa aupurarana marasee maa marunandee fuka kuquanauree qimasee qumuafanausa maridaqa doo qusasaa maridaqa naqimasee qaoo qiraree sia qaoo qianaura.

Mareekoo 3:5

Yisufa mina qafamasee raiqara oori maraseenoo faiqí anaasee aiqama munu ninda fee mini ninda fee maseenoo misa aaqarana afeeka irirana nindafa masoofanoo misara amuqusinau. Amuqusufanoo mi asauku sufira fasiqana qimaminoo qinau aneenna asauku ratutaa qufanoo asauku ratutasoofanoo mina asauku amiqinau.

Roomma 12:15

Faiqí anaasee akaqausa asasifaqa innee faqa dadaaqiqa asasiaqa. Faiqí anaasee akaqausa ummaara narinaqa ikiraqaifaqa innee faqa dadaaqiqa ikiraqaaqa.

Heeburu 4:15

Maasa aanaiqiki maria fasiqausa uriqararafa maasa daunduraki ummaararee marifaqa maasa kudoosaapee marunnana sia sia qafee marifa maridanoofau, qafee marifa maridanoo. Sadannafa aiqama ainaina amanamasaifanoo sia mina qumaraifa qafamaqaifa kai maridanoo, minara kai maasara qimudaoo qimasee amuqusidanoo.

Mareekoo 9:19

Yisufa iriseenoo aiqama faiqí anaasee qimanniminau. Inni firaaqoo uqanna sia irirana qinisaa rusimarifanoo qinee kisaaqasaa fee inni manda furufarira ummaara dadaaqiqa nuanauree. Mi kumaaraana afiqamaree mai aniaqa qufaqa misa mi kumaaraana afiqee munusoofanoo minakinaa afaanna fannoo Yisuna qafamaseenoo mi kumaaraana mareeqeenoo fuseenasana aaku amaqaseenoo maqasaa rutuku quqasoofanoo mi kumaaraafa maqasaa aqufinoo quanda qaandi marufanoo qaqaara ookiqari ururama teeqinau.

Yoohanee 13:21

Yisufa minara qimanniminsoofanoo narí aunduraki oonumafi irufanoo amuqusufanoo kafaa kooroomasee qimanniminau. Qinee anoona ufa qimannimidaqa innikiqari moo fannoo qiniara ueeqaannoo.

Yoohanee 11:19

Yeerusaree adeedi marunara moomoo mindaraasa qumuree Maratasa Mariasa dadaaqi ikifaafau qida rooípee mariqau. Nári nifasaafa Rasarusafa kuqunara ikiraqee mariqau.

Yoohanee 11:31

Mariafa raudamaki kaqi unnaqufanoo fufaqa Yuda maqannaasaa mina faqa mariusa mina qafamasee minara madikai ikiraqarara fidanoommifoo qimasee afaqee fiqau.

Yoohanee 11:34

Miqimasee Yisufa irammirinoo qinau. Innee yai fee Rasarusana akundee fee qufaqa misa qiqau Karaambaiqa doo mai aniree qafa.

Yoohanee 11:35

Miqi qufanoo Yisufa faqa ikiraqanau.