Yoohanee 10:7 - Anutuna Ufa

⁷ Minara iriseenoo kafaa kooroomasee qimanniminoo qinau. Qinee kuqaa anoona ufa qimannimidaqa qinee qeeqa kai sipsipa kooqi maridaqa.

Yoohanee 10:7 Referans Kwoze

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

Eefeesusa 2:18

Maasa aiqamaqara Yuda maqannaa faqa aanaamuru faqa asauku mundiranannai kai amana maasa moodaa maraqunaki anireeqa maasa qikoona Anutuna afusaa kikiqianaura.

Yoohanee 10:1

Yisufa kafaa miqooqaraasaa qimannimidanoo sipsipara qinoo faiqiara qinau. Qinee anoona ufa qimannimidaqa. Faiqí moo fannoo sia sipsipa ququsa kooqiki keeqeemarifa kaqinaindari ququsasaa akareemarifa mifa qummuarimari fasiqafa mariannoo.

Yoohanee 10:9

Qinee Anutuna ququsa kooqi maridaqa yafasiqa aanaaseefee kooqisaarafoo qinisaa keeqee marinafa Anutufa mi fasiqanaaseesa kuqiranakinaana marasee innaaruna asumu mariranaki quqaannoo. Mi fasiqanaaseesa Anutuna ququsaki sipsipara foora keeqee raudeeida narana neemarifaranoo.

Idi Ufa 79:13

Anee miqimmasainaqa maasa ani faiqi namu, ani sipsipara foora aniara naaru naaru dufi dufi qianaura. Naaru kambiqainausa faqa ani amooqirana amifaranoo.

Idi Ufa 100:3

Innee sia Yaaweenara aunuaqa, mifa kai Anutufa maridanoo. Mifa kai maasa auqinau, maasa minaindi maridaqa. Maasa mina faiqí anaasee mina sipsipara foora maridaqa.

Idi Ufa 95:7

Mifa maasa Anutufa maridanoo. Maasa mina sipsipara foora maridaqa. Maasa mina sipsipara foora mina rakisi nimaqaranaki maridaqa. Oo maqee uqanna mina ufa iriaqa.