Yoohanee 10:4 - Anutuna Ufa

⁴ Sipsipauqa nári rakisimarina ufa iriqa raudee qumuraifanoo mifa indaaru fifaqa misa mina aanaaqianna fidaqa.

Yoohanee 10:4 Referans Kwoze

Yoohanee 10:16

Sia maaqooqaraasa kai qini ququsaki mariaqeera. Qini ququsa fannoo moomoo maqusanaasaki faqa maridanoo. Minakinaasauqa faqa nifiqa quqaanaura. Misa faqa qini ufa irisee eedoo qifaranoo. Miqoo moodaanaki marifaranoo moodaa rakisirafa misasaa mariannoo.

Yoohanee 12:26

Innee Kirisa maqannaasa qimannimia. Yafasiqa anaasee fee qini ainainira faiqikiraree qimaseenoo aufadeemarifa mifa narí maaqoo marirana quqasee qini faqa finafa qinee fuannannai mifa faqa miqoo oonu marida qini dadaaqiannoo. Yafasiqa anaasee fee qini duqu uqeeraannoo mina auqu faqa qini qikoofa uqeeraannoo.

Yoohanee 18:37

Piratoofa mina iriseenoo kafaa Yisuna irammirinoo qinau, Kuqaa fee anee karaambaiqa moo maridanee. Yisufa mina irisee maaqi qinau. Anee qianandee kuqaa qinee Karaambaiqa maridaqa. Kuqaa anoona ufa kai qimannimirara qinee maa maqanasaa kambiqafi maridaqa. Kuqaa anoona ufara randeemaria fasiqa anaaseesa misa qini ufa iridaqa.

1 Peetooroo 5:3

Innee amaana maqasaa rakisimaria fasiqausa sia inneeqara uriqararausee qimasee fuki faaki qiaqa, innee fidaqa quandafi ireeda kai faiqí anaasee nifiqee andeeqaramau kai fuaqa.

1 Koorinti 11:1

Qinee asauku mundirana Yisuna aanna raidaqa innee miqikai iqa qini daanna raaqa.

Yoohanee 10:8

Ooqai qini doorini indaaru anusa qummuari maru fasiqausa kai animariqau. Sipsipauqa sia misa ufa iriqau.

Mataioo 16:24

Qinee aunirira saqarisaa kuquanaura. Faiqí anaasee moo fannoo qini iriranamau finafa miqi kai iannoo. Narí marira ainaina mai uturuqu quqaseenoo qiqa duqusaara qiqa ufasaara, qiqa daanna ramasee kaqi kuqariranaki keeqaani.

Heeburu 12:2

Oosana arooqooqari fifi inaqa maasa saqarikirafa Yisufa kai maridanoo minasaa kai nifu mundusee fua. Yisufa maa maqanasaa maridanoo aunirira saqarisaa arirara qufanoo sia rufiasee minnisanau. Sia uqanna minnisanau. Kasooqaqee kuqiranakiqari findifi innaarunai ququsaki Anutuna aaqa marianinnanara iriseenoo mi asasiranra iriseenoo aunirira saqarisaa kuqiranara asauriranara siamma irinau fifau ainainee qimasee kaqi finau. Doo minara maqee Anutufa mariqoo mina aaqa asaukuqannai ooqumarifi maridanoo.

Heeburu 6:20

Yisufa miqoo maasasaa roo qimasee maasa doorinni indaaru ooru fufa maridanoo. Mifa miqoo aanaiqikirafa firaa uriqararafa naaru naaru marifa Meerakiseedeekana aanna rarafa maridanoo maasa kaqi dadaaqidanoo.

Eefeesusa 5:1

Innee Eefeesusa maqusanaasara Anutuna amuqusira aiku asauku marianara mina ammeemmeeriaqa asauku mundirafa maasara rinoo amuqusinoo narí marirana maasa qimaaqa maqasee kuqiranaki quqasoofanoo tatufira aandau suqara fara foora Anutuna aikiambu inau, innee faqa miqi kai iqa asauku mundirafa maasara rirana ameemmeerida nariara nariara ruaqa. Inni nariara nariara rirafa maqee maqee inniqa marirana rakisinnimaqaani.

Yoohanee 3:29

Aqoondi fannoo amundara fasiqa aaqa maridanoo mina ufa iriseenoo asasidanoo. Narí aqoondi anaasee maree marinara asasidanoo. Qinee Yoohaneesa Yisunara iriseeqa asasidaqa. Mifa amundara fasiqara foora marifaqa qinee mina aqoondiara foora maridaqa mina ufa iriseeqa qini asasirafa firaafa maridanoo.

Yoohanee 13:15

Qinee uqannifiqaunnana qafeeqa qinee unandee kai iaqanani.

1 Peetooroo 4:1

Asauku mundirafa afaaqasaa aupurarana narí apatasaa maranau. Innee miqiannee qimasee afeekaikamandee deedaqammasee mariaqa. Yisuna ufasaara nipatasaa nidafirana mareemariasa miqooqari sia mandoosanna maree mariannai ubeekeefaranoo nikooqaina amiqira aanai ubeekeefaranoo.

Yoohanee 10:3

Sipsipa nikoofa moo fannoo anirainanoo kooqisaa rakisirafa kooqi atuasaifanoo sipsipa akoofa narí sipsipa nuqu ramasee naarainaqa mina ufa iriseeqa raudamaki narí faqa nifiqainaqa andanda narara fifaranoo.

Yoohanee 10:5

Sipsipa sia moo fasiqa afaqee fifaranoo mina ufa irisee moo fannoo fee qimasee sandeefaranoo.

Yoohanee 10:27

Qini sipsipauqa qini ufa iridaqa qinee misara faqa iridaqa, misa minara aiqama qini faqa fidaqa.