Yoohanee 10:36 - Anutuna Ufa

³⁶ Anutufa qini maraseenoo maa maqa maaqanaki diqiqamaqoonaki maridaqa. Qinee qeeqaraa Anutuna amaaku fee qunnanara naqimasee fee minannai Anutuna mandaikamma amaqaanauree sia amanaikiannoo.

Yoohanee 10:36 Referans Kwoze

Yoohanee 3:17

Anutufa sia maa maqanasaaqaraa fasiqa anaasee narí ufa firaanaki mara aquanifeerau narí amaaku maa maqanasaa quqannisanau. Mifa faiqí anaasee nariranakinaana qumbaqeeqee naaru asumu mariranaki quqannisaanifeera Yisuna quqanau.

Yoohanee 20:31

Maa ainainnausara akara rumaseeqa inneeqa Yisunara kuqaa asauku mundira fee qimasee Anutuna amaaku fee qimasee mi iriranannai mina auqunnai innee naaru naaru marirana maraaqeera akara rumannimaqeeqa.

Yoohanee 6:27

Innee sia dauni putaa ira naranara ainainiaqa. Naaru marirana nimira naranara minara ainainiaqa. Qinee maa naranna qinee faiqí nimaaku inni nimianaura. Qini qikoofa Anutufa qiniara aidimarifanoo narí aiqama ainaina qini daaku qimaqasaina inni amana mi naaru marira naranna nimianaura.

Roomma 9:5

Misa ooqeenaasa faiqí nuqufaqaasa Abarahaamana faqa Isakeena faqa Yakooboona faqa misauqa faiqi namu niku nisauku mariasa, misa asauku mundirafa mi maqannaasaki qumu kambiqafufaqa moodaa maqannaa marusa maridaqa. Anutufa aiqamausara rakisidanoo, naaru naaru mina amooqiaqa. Kuqaa.

Yoohanee 20:28

Toomasifa mina qafamaseenoo qinau. Qini karaambaiqa qini Anutufa.

Yoohanee 19:7

Yuda maqannaasa Piratoona ufa iriseeqa maaqi qimasee qimamiqau. Maasa sandufa maaqinna fasiqafa kuquannoo fee qidaqa. Mifa nariara Anutuna amaaku fee qimarifa marifaqa mina akiaqara arusaifanoo kuquannoo.

Yoohanee 17:21

Anee faqa qinee faqa moodaanaki marunandee misa faqa maaqanda faqa moodaanaki mariaqeera innaaru qidaqa.

Yoohanee 17:18

Anee qini maqasaa diqiqoonnana qinee faqa miqikai iqa quandaki misa maaqanna maaqanna niqiqaidaqa.

Yoohanee 17:8

Anee qimunna ufana qimannimunaqa irisee doo mareea. Qinee anikiqari qumuafannanara faqa misa kuqaa fee qidaqa. Anee qini diqiqoonnanara faqa anoonee qidaqa.

Yoohanee 6:69

Doo maqee maasa aniara kuqaa anoonee qidaqa aniara Anutufinaindari naaquqarafa mariifoo qidaqa.

Yoohanee 6:57

Qini qikoofa Anutufa kaqi marira oosana faqaafa qini diqiqoofaqa maaqoo maridaqa minasaaqaraa marirana maraidaqa. Miqi kai inoo qini namasainafa qinisaaqaraa marirana maraannoo.

Yoohanee 6:38

Qinee qeeqa qikoona iriranamau innaarunaindari sia qinee qeeqa qumiqa, qipaqeena ufara mina ainainirara qumiqa minara qinee sia moona aqiqaananoo fuannoo.

Yoohanee 5:30

Yisufa kaqi qimannimidanoo qinau. Sia qeeqaraa moo ainainianaura. Anutufa dadaaqinaqa faiqí anaasee ufa irisee andeeqannisaanaura. Sia qeeqa iriranamau afeekaikamandee fidaqa. Qini qikoofa qini diqiqamaqaimau kai fidaqa.

Yoohanee 3:34

Anutufa innaarunaindari aqiqamasaifa Anutuna ookinaa ufa kai qimannimidanoo Anutufa narí maraquna muduka amiqaifanoo miqidanoo.

Ruka 1:35

Qangiroo fannoo iriseenoo qimaminoo qinau, Anutuna naaquqara andeeqara maraquna fannoo ani aakufinanoo Anutuna afeeka anisaa mariannoo, minara misa mi naaquqara faiqi anaaqinara Anutuna amaaku fee qifaranoo.

Mataioo 27:43

Mifa nariara Anutuna amaaku fee qimarifa Anutunasaa afaaqa quqarafa marifanoo Anutufa minara iridanoo fee sia fee iridanoo fee. Iridanoofau qumureenoo mina dadaaqinoofau asumu mariranaki quqani.

Idi Ufa 2:2

Misa karaambaiqauqa faqa misa rakisi nimaqee mariasa faqa Yaaweefa rakisi nimaqee marinakiqari quqasee kaqinni firara tipundaaridaqa. Yaaweefa utaaqamaqai rakisirana rakisi nimaqaranakiqari faqa quqasee kaqinni firaree qimasee tipundaaridaqa.

Roomma 8:3

Mooseena sandufa nimaarusira ufa sia amana maasa uqeereeqeenoo maasa faiqí faiqi maasa marirafa kudoosaapaunanoo minara sia maasa uqeeraqiseenoo. Mooseena sandufa kadiqo̱ofanoo miqoo Anutufa moo oosanannai anoonaikinau. Mifa narí amaaku aqiqoonannai maasa faiqí faiqi naundurakinaa mandainaina arinau. Yisufa faiqí faiqi naundurakinaa manda ainaina maraquanifeera narí faiqí faiqi fooqaanaikamasee aqiqoofanoo quminau.

Yoohanee 8:42

Yisufa misa ufa iriseenoo maaqi qimasee qimanniminau. Anutufa inni nikoofa marinaqau kuqaa innee qiniara rini. Qinee Anutufinaindari maaqoo qumumaridaqa. Qinee sia qeeqafau qumiqau mifa diqiqoofaqa qumiqiafana.

Mataioo 27:54

Maara maaqanu fasiqausa Yisunasaa rakisidaqa ooqumari fufaqa rakisiusa asukuna qoofaqa maqa kasufaqa qafamasoofaqa nimuqusufaqa kaaqa rufiaqau. Rufieemarufaqa qiqau. Oo kuqaa uqanna maafa Anutuna amaaku uqanna mariifa kuqinoo.

Yoohanee 10:35

Sandufa andeeqanoo maridanoo naaru naaru sia aaqee mariafanoo, innisaimbaqa minara iridaqa. Anutufa narí ufa misasaa quqaseenoo misara Anutu fee qinau.