Yoohanee 10:3 - Anutuna Ufa

³ Sipsipa nikoofa moo fannoo anirainanoo kooqisaa rakisirafa kooqi atuasaifanoo sipsipa akoofa narí sipsipa nuqu ramasee naarainaqa mina ufa iriseeqa raudamaki narí faqa nifiqainaqa andanda narara fifaranoo.

Yoohanee 10:3 Referans Kwoze

2 Timooti 2:19

Misa miqira ufa fannoo sia amana Anutuna ufa aruannoo, faakanara foora arufinoo sia kasiannoo. Mi faakannasaa maa ufana akara rinoo maridanoo Karaambaiqa narí faiqí aanaaseera iridanoo. Ya faiqi anaasee fee nariara karaambaiqaindi fee qinafa mifa mandoosana ameesuquseenoo andeeqara oosana maraannoo. Anutuna ufa faakanara foora marina oosana miqi mminoo maridanoo.

Yoohanee 10:4

Sipsipauqa nári rakisimarina ufa iriqa raudee qumuraifanoo mifa indaaru fifaqa misa mina aanaaqianna fidaqa.

Yoohanee 10:16

Sia maaqooqaraasa kai qini ququsaki mariaqeera. Qini ququsa fannoo moomoo maqusanaasaki faqa maridanoo. Minakinaasauqa faqa nifiqa quqaanaura. Misa faqa qini ufa irisee eedoo qifaranoo. Miqoo moodaanaki marifaranoo moodaa rakisirafa misasaa mariannoo.

Yoohanee 10:14

Qinee sipsipasaa amiqira rakisirausa maridaqa. Qini qikoofa qiniara iridanoo. Qinee miqi kai iqa qeeqa qikoonara faqa iridaqa.

Uqafiqoo Ufafa 3:20

Iriaqa qinee Yisusa faiqí nimuqusa kooqi afaisaa kikiqammambiqa kooqi atuaannee qimasee kukusidaqa. Faiqí moo fannoo qinee kukusiannana irinoo narí kooqi atuqainaqa qinee mina amuqusa ooki keeqafiqa mina faqa naanaura mifa qini faqa naannoo.

Uqafiqoo Ufafa 7:17

Sipsipa aanaaqi rakisira qaari qambaanai marifa mifa misa rakisirafa marinoo misa nifiqee munusainaqa kaqi marira nammari maqakiqari radiqisee ururee mariqoo neefaranoo. Anutufa misa naukunu rukasaina misa ikiraqarafa taikaannoo.

Roomma 8:30

Anutufa narí maraqoosa naaramasoofaqa aniroofanoo mareeqeenoo narí mariranaki quqanau. Anutufa sia fifau naarama quqanau, naaramasee narí afusaa andeeqaranaki quqanau, minaki quqaseenoo innaarunai kaaqa areenarana faqa naida niminau.

Yoohanee 6:45

Ooqai tamummaqara fasiqa maaqi qimasee akara riqau. Anutufa aiqamausa naamuaqira ufa qimannimiannoo. Qinee mi ufana iridaqa maaqi qimasee inni qimannimidaqa. Aiqamausa qini qikoona ufa iriseeqa mina aamua qira ufa irimariasa qinee ianannai anidaqa.

Yoohanee 6:37

Qini qikoofa eedoo qira irirana niminausa misa qinee unnannai nári naundura ubeekama qimaqeefaranoo. Miqi mariasa qinee ianannai animariasa sia niqiqaanaqa fifaranoo.

Rafudoo Akarafa 33:17

Yaaweefa Mooseena mi ufana iriseenoo qimaminau. Doo anee qianandee kaimmianaura. Qinee amiqimmasee aniara irimarunnanara faqa aniara asasi marunnanara faqa miqianaura.

Uqafiqoo Ufafa 20:15

Aiqamausa asumu maraaninausa papiqaki nuqu marisa misa kaqi marifaranoo mi papiqanaki nuqu sia marinausa misa aiqama mareeqee kaqi kasi marufanoo ida farumaki aiqama aqinau.

Kooroosee 4:3

Innee innaaru qidaqa mai qini Pauroosa saimbaqa maaqoo rumbaqa qini faqa mariasara faqa innaaru qimannisaaqa. Ooqai asauku mundirafa kukeeqanoo marufanoo maqee kari akooroo inoo marifanoo Anutufa maasa dadaaqinaqa mina ufa aiqamai kooroomannimaqaannee qimaseeqa minara faqa innaaruqiaqa. Doo qinee maqee Roomma maqannaa rumbaranaki fifau maridaqa. Asauku mundiranara maqusa maqusa qimannimiafannanara Roomma maqannaasa sia maasa amaana ufafau qifoo qimaseeqa qini rumbaranaki quqaqaafaqa maridaqa. Innee minara iriseeqa qiniara faqa innaaruqimaqisaaqa.

Firipi 4:3

Oo qini Firipi maqannaa qifaaqasaa qiqoondi moodaanaki qini qifaaqasaa ainaini marianafa ani faqa qimamidaqa anee mi anaaseeqanda andeeqasaifaqa moodaanaki mariaqeera. Miqanda ooqai Yisuna fasaasa ufa maqusa maqusa nidaqa qini dadaaqidaqa qimannimi maruqanda maridaqarammia anee miqanda andeeqannisaa. Miqanda faqa Kareemeendana faqa aiqamausa qini faqa moodaanaki ainainimariasa faqa misauqa aiqamausa nuqu Anutuna naaru mariranaki fimariana bukaki misauqa nuqu maridanoo.

Idi Ufa 80:1

Oo Yaawee, anee Isaraee maqannaa sipsipasaa rakisirafara foora mariannanara maasa ufa iria. Anee maasa sipsipara foora rakisi marianafa mariannanara maasa ufa iria. Anee angiroouqa niqoosa faqaasa mariaqoo seerubimma mariaqoo miqoo anee Yaaweefa ooqu marifi marianafa mariannanara anee maasa ufa iria.

1 Peetooroo 1:12

Anutufa sia mi tamummaqara fasiqausa maru kamuqoorau qimanniminau. Maa maqee maria kamuqoora inniara qimannimufaqa irisee akara rumaqoofa maridanoo. Mi tamummaqara fasiqausa minara iridaqa ainainiqau. Misa maa maqee innee irimaria anoona ufanara minara qimasee akara riqau. Mi anoonufana tamummaqara fasiqauqa ooqai akara rumaqoofa doo maa maqee maria aukuana amiqira fasaasa ufa Yisunara qimannimimariasa doo qimannimisaafaqa irimariafanoo. Anutuna naaquqara maraquna fannoo dadaaqifaqa inni maqusa maqusa mariasa daraanimambifaqa qimannimiafaqa irimariafanoo. Tamummaqara fasiqauqa ooqai akara rumaqoo anoona ufausa mina maqee irimariafanoo innaarunaindaraa qangiroouqa mi ufana misa iriafanoo iriaqaa kai imarifaqa firaaqoo Anutufa Yisuna maa maqanasaa arusee afiqoonara randaidaqa. Maasa faqa maa maqanasaa marunausa faqa sia mi ainainnana amana maridaqa.

1 Koorinti 16:9

Maqee Eefeesusa maqusai maaqoo firaa saika anoona saika maridanoo, moomoosa qini ufa ititee mariasa mariafaqa saikidaqa.

Aaquqira Ufa 27:23

Anee aneenna sipsipasaa faqa burimakausaa faqa amiqimmasee rakisia.

Yoohanee 10:9

Qinee Anutuna ququsa kooqi maridaqa yafasiqa aanaaseefee kooqisaarafoo qinisaa keeqee marinafa Anutufa mi fasiqanaaseesa kuqiranakinaana marasee innaaruna asumu mariranaki quqaannoo. Mi fasiqanaaseesa Anutuna ququsaki sipsipara foora keeqee raudeeida narana neemarifaranoo.

1 Yoohanee 4:6

Maasa Anutunaindi maridaqa Anutunara irimari fasiqafa maasa ufa iridanoo. Yau yausee sia Anutunaindi mariasa misa sia maasa ufa iridaqa. Doo maasa miqimandee anoona maraquna faqa unna qira maraquna faqa rainasee iridaqa.

3 Yoohanee 1:14

Kaqikaaqoo anee ianannai qinee firaree qidaqa. Oonureeqa amiqimmandee narí qimami narí qimami qianauranoo.