Yoohanee 10:16 - Anutuna Ufa

¹⁶ Sia maaqooqaraasa kai qini ququsaki mariaqeera. Qini ququsa fannoo moomoo maqusanaasaki faqa maridanoo. Minakinaasauqa faqa nifiqa quqaanaura. Misa faqa qini ufa irisee eedoo qifaranoo. Miqoo moodaanaki marifaranoo moodaa rakisirafa misasaa mariannoo.

Yoohanee 10:16 Referans Kwoze

1 Peetooroo 2:25

Innee sipsipa aandaura foora furufariqa auiaqa nuafanoo doo maqee Anutufa inni nimanasaa rakisimari finnai inni aandaura foora rakisimari finnai quqasaifaqa mina afaqee fimariafanoo.

Yoohanee 6:37

Qini qikoofa eedoo qira irirana niminausa misa qinee unnannai nári naundura ubeekama qimaqeefaranoo. Miqi mariasa qinee ianannai animariasa sia niqiqaanaqa fifaranoo.

Yoohanee 10:27

Qini sipsipauqa qini ufa iridaqa qinee misara faqa iridaqa, misa minara aiqama qini faqa fidaqa.

Yoohanee 10:11

Qinee sipsipasaa amiqimasee rakisimarunausa maridaqa. Sipsipasaa amiqimasee rakisimarifa narí sipsipasaara kuquannoo.

Uqafiqoo Ufafa 3:20

Iriaqa qinee Yisusa faiqí nimuqusa kooqi afaisaa kikiqammambiqa kooqi atuaannee qimasee kukusidaqa. Faiqí moo fannoo qinee kukusiannana irinoo narí kooqi atuqainaqa qinee mina amuqusa ooki keeqafiqa mina faqa naanaura mifa qini faqa naannoo.

1 Peetooroo 2:10

Ooqai sia Anutuna maqannaasa marusa maqee minaindi mariafanoo. Ooqai innee Anutufa maasa qifauaranara qifauaranara qimudaoo qiranara innee sia irimariafanoo maqee innee mina maraafanoo inni faqa kukeeqafinoo qumee maridanoo.

2 Teesaroonika 2:13

Innee Teesaroonika maqusanaasa sia miqimariasa karaambaiqa inniara aidimarisa maasa doo inniara maqee maqee Anutufinnai dufi dufi qidaqammu. Anutufa narí maraquna afeekannai faqa innee anoona ufasaa mandaaqaranannai faqa inni Teesaroonika maqusanaasa innaarunai asumu marirana faqa Anutuna narí faiqí anaasee kammafi mariaqeera faqa oosana arooqooqari rusandeesamumasee inni maraanauree qimaqoofa maqee mareenoo.

Mataioo 17:5

Peetooroofa kaqi qimarufanoo kaaqa qarana asuru fannoo aiqama rafaaqa finau. Ufa moo, asurukiqari Yisunara qimanniminau. Maafa qini qimaaku qini kaaqa minara qimuqusidanoo. Qini didirafa minasaa maridanoo, mina ufa iriaqa.

Idi Ufa 86:9

Oo Yaawee, aiqama maqannaasa anee auqu quqoonna maqannaasa, aiqamausa aniree ani afusaa niqoori saunu arafi ani amooqifaranoo. Misa ani auqu qareenarana amooqifaranoo.

Oosana 49:10

Yudafa karaambaiqa duru feefa uaqeeiannoo. Minasaa ani aruakinausa uriqaraqa maridaqa rakisi nimaqeefaranoo. Mifa uriqarara auqu marasee rakisi nimaqanoo fifiinoo Siroo maqusaki oonuraannoo. Miqoo maridanoo aiqama maqannaasa mina ameemaanai marifanoo rakisinnimaqaannoo mina aiku oosana maridaqa mina ufa mau kai fifaranoo.

Heeburu 13:20

Naaru naaru moodaanaki kirana Yisufa asauku mundirafa kuqiranannai mina fidikannai doo mapukuseenoo maridanoo. Anutufa mina kuqiranakinaana uqeereeqeenoo faiqí anaasee rakisirana firaanaikamaqaifanoo maridanoo. Narí kuqiranannai faiqí aanaaseesaa rakisirafa maridanoo.

Yoohanee 10:2

Sipsipa kooqiki keeqee marifa mifa sipsipasaa rakisimarifa maridanoo.

1 Peetooroo 5:4

Innee miqimasee faiqí anaasee rakisifanoo aandaura foora rakisirafa firaafa Yisufa innaarunaindari akooroomafinoo kaaqa areenara qafee inni nikiqasaa quqasee nimiannoo sia areenarafa taikaaninafa naaru naaru kaqi marianinafa.

Yoohanee 10:3

Sipsipa nikoofa moo fannoo anirainanoo kooqisaa rakisirafa kooqi atuasaifanoo sipsipa akoofa narí sipsipa nuqu ramasee naarainaqa mina ufa iriseeqa raudamaki narí faqa nifiqainaqa andanda narara fifaranoo.

Yoohanee 10:4

Sipsipauqa nári rakisimarina ufa iriqa raudee qumuraifanoo mifa indaaru fifaqa misa mina aanaaqianna fidaqa.

Yoohanee 10:5

Sipsipa sia moo fasiqa afaqee fifaranoo mina ufa irisee moo fannoo fee qimasee sandeefaranoo.

Yoohanee 17:20

Sia qinee qeeqa faiqi namu maa mariasara kaifau innaaru qidau, maaqanna maaqanna aiqamai misa ufa irisee qiniara irifandinausa misara faqa innaaru qidaqa.

Roomma 11:25

Oo qini qikaqaafasaauqa moo kukeeqara ufa inniara iriaqeera qimannimianaura, innee maa ufana iriseeqa inneeqa noori uqeerarana mara maqaruseeqa miqooqari reendeenamandee marifaranoo. Mi anoona ufafa maaqimminoo maridanoo. Isaraee maqannaasa naaqooki ooni ititarafa sia naaruara miqinoo mariannoo. Anutufa qinoo aanaamuru marinausakiqari qinee qeeqa qiafanausa misa kai Yisufinnai irirana ubeekaifaqa Yuda maqannaa naaqooki ooni ititarana tatusaanaqa misa faqa anifaranoo.

Ruka 15:8

Moo anaasee fannoo qisaukuqara taikasee siruaa munnimma firaana maqee inanoo moodaafa maaqaki furufaramafinanoo mi anaaseefa naqi fee iannoo, mi anaaseefa qooma qumbisee damuna maraseenoo maaqaki aiqamai damunidanoo aiqama atinai amiqimasee randanoo ni ni inanoo paqurimaseenoo maraannoo.