Yoohanee 1:41 - Anutuna Ufa

⁴¹ Andurufa narafasaana Simoona moo auqu Peetooroona kaqi kaqi paqurimaseenoo qimaminoo qinau. Maasa Anutuna asauku mundira fasiqa kambiqaannoo fee qimaqoofa doo maasa paquriqa qimaseenoo mina afiqammaree Yisufinnai finau.

Yoohanee 1:41 Referans Kwoze

Yoohanee 4:25

Yisufa mi ufana mi anaaseena qimamufanoo mi anaaseefa quandafinoo Yisuna maaqi qimasee qimaminau. Anutuna asauku mundirafa mifa qumureenoo aiqama ainainara maasa qimaqiminaqa irianaura, qinee iridaqa.

Yoohanee 1:45

Firipifa Natanaeeranara randasee paqurimaseenoo qimaminau. Mooseefa Anutuna sandufasaa faqa tamummaqara fasiqausa faqa kambiqaaninna fasiqanara ooqai akara rumaqoona maasa paquriqa. Mifa Yisufa Yooseefaana amaaku Nasareetee maqusaindaraafa maridanoo.

Idi Ufa 89:20

Qinee qeeqa ainainira faiqi Dafidina naaquqara fadameenannai akiiqa amoondunnai adiaunnanannai uriqararanaikamma amaqeeqa.

Ruka 2:38

Simeeoonafa Mariana qimamimarufanoo Anaa nammarifa anireenoo Yisunara Anutunai dufi dufi qimasee doo miqooqari mi faiqi anaqina Anutufa asumu marirana nimianinafa ani maridanoo fee qimasee aiqama Yeerusaree maqannaasaki akaqausa Anutuna asumu marirana afeesimariasa qimanniminoo ninau.

Idi Ufa 45:7

Ani andeeqaranara aidinoo mandainainara fidiaqaa inoo imarifa mariananoo. Minara kai ani Anutufa ani utaaqamaseenoo asasirana ani akiiqa amoondunna akaqa uriqararausa adia nimaqaina faqa uraaqa ramasee adia amaqeenoo.

Idi Ufa 2:2

Misa karaambaiqauqa faqa misa rakisi nimaqee mariasa faqa Yaaweefa rakisi nimaqee marinakiqari quqasee kaqinni firara tipundaaridaqa. Yaaweefa utaaqamaqai rakisirana rakisi nimaqaranakiqari faqa quqasee kaqinni firaree qimasee tipundaaridaqa.

Mataioo 1:23

Maanaaqa moo fannoo mari inanoo amuaquqaikiannoo. Amuaquqaikinoo faiqi maqaannoo. Mina auqu Imanueera nee qifaranoo. Mi auquna oosana maasa ufakiqari maaqimminoo maridanoo. Anutufa doo maqee maasa faqa maridanoo.