Yoohanee 1:4 - Anutuna Ufa

⁴ Aiqama kambiqoo ainaina mina Yisunasaaqaraa marirana maraseenoo doo maridanoo. Mi marirafa maa maqanasaaqaraa fasiqa anaasee naundurai qoomara foora aurau rimarifa maridanoo.

Yoohanee 1:4 Referans Kwoze

Yoohanee 8:12

Moo kari Yisufa Yeerusaree amaana maqaki faiqí anaasee maaqi qimasee qimanniminau. Qinee maqasaaqaraasa qooma maridaqa. Yafasiqa aanaaseesa qini faqa finausa misa kaqi marira qooma mareefaranoo sia uqanna asukunaki fifaranoo.

Yoohanee 12:46

Qinee kaaqa qarausa maa maqa maaqanaki animaridaqa. Qiniki mariasa sia asukunaki mariaqeera animaridaqa.

Yoohanee 5:26

Kaqi marira oosana qini qikoonaki kai marifanoo faiqí anaasee nimidanoo. Miqikai inoo naramaaku qini faqa kai kaqi marira nimira oosana doo qini qimiqaisa maridaqa.

Yoohanee 9:5

Qinee maa maqa maaqanaki maridaqa misa qooma maridaqa, kaaqa qamannimaqaanaura.

Yoohanee 11:25

Yisufa qimaminau, kuqiranakiqari mara findifirafa qiniki maridanoo. Kaqi marirana marirafa qiniki maridanoo. Yafasiqa anaasee fee qini saqarikinoo kuqinoo kaqi mariannoo kuqiranakiqari findifirafa qiniki marinara kaqi mariannoo.

1 Yoohanee 5:11

Anutufa narí amaakuara qu ufafa maaqimminoo maridanoo Anutufa naaru naaru kuqaa marirana maasa qiminau, mi marirafa maasaindi mina amaakuki marifa maridanoo.

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

Yoohanee 12:35

Miqi qimasoofanoo Yisufa mina iriseenoo qinau. Kaaqa qarafa inniki qusasaa mariannoo. Kaaqa qarafa mariqoo mi kaaqa qaranasaa kai mariaqa. Miqimmasee marifanoo asukuna fannoo sia rafaaqafuannoo. Asukunaki nimarifa sia aana qafaidanoo kaqimbidanoo.

Eefeesusa 5:14

Aiqama ainaina asukunakinaana mareeqe kaaqa qara qoo aiqamausa nifusaa quqasaifanoo mi ainainausa faqa kaaqa qaranaikiannoo. Minara maasa idi moo maaqi qinoo maridanoo. Anee faiqee marianafa findi fua. Kuqiranakiqari findi finanoo asauku mundirafa suaniara foora anisaa qaani.

Kooroosee 3:4

Inni marirafa Yisunasaa mundinoo marifanoo minaindi fannoo Anutunasaa mundinoo maridanoo. Asauku mundirafa innee maa maqanasaa anoona marirafa faqa marianara mifa narí kooroomasainaqa innee mina namufaqa ooru raifanoo narí afeeka kaaqa qara areenarana naida nimiannoo.

Ruka 2:32

Mifa ani maqannaa Isaraee maqannaasa ani areenarana nimianinafa maridanoo, qoomara foora qeenoo aanaamuru ani aana uqannifiqaaninafa marifaqa qeeqa qifunnai qafeeqa.

1 Yoohanee 1:2

Yisufa mi kaqi marira anoonafa kooroomafufaqa maasa mina qafeeqaramma inni qimannimidaqa. Mifa naaru naaru marirana anoona narí akoona Anutuna faqa marufa maasaki maa maqanasaa kooroomafunara minara inni qimannimidaqa. Maasa mina qafaafanna ainainara iriafanna ainainnara inni faqa qimannimidaqa. Maasa faqa mina akoona Anutufa faqa amaaku asauku mundirana faqa moodaanaki innisaimbaqa mariraree qimasee inni qimannimidaqa.

Yoohanee 5:21

Qini qikoofa kuqira fasiqauqa findifumannisaidanoo. Qinee faqa miqikai iqa qeeqa didiranannoo kai kaqi marirana akaqausa nimianaura.

Uqafiqoo Ufafa 22:16

Qinee Yisufa maa ufausa amaana maqaki keeqee mariasa qimannimiaqee qimasee qeeqa qangiroo aqiqeeqa. Qinee Dafidina oosanakiqari minati maridaqa. Qinee kananaana duqudeeqiara maqi kaaqa qeemarunausa maridaqa. (Yisuna saqariki mariasa aiqama mina aqoonausara foora mariafanoo misara Yoohaneefa moodaanaki sipsipa aanaaqi Yisuna anaaqa fee qidanoo maa papiqanaki qidanoo.)

Idi Ufa 84:11

Yaaweefa qareenara karaambaiqa maasa itita qimaqee marifa maridanoo. Mifa narí amiqira dadaaqirana faqa maasa duqu uqeerarana faqa mi qandannai amiqimma qimaqaidanoo. Andeeqara aatata fimariasa moo ainainara iraifanoo sia amiqira ainaina nimiranara qaoo qiannoo.

1 Koorinti 15:45

Tamummaqara fasiqauqa akara minara maaqimminoo maridanoo. Indaaruqaa fasiqa Adamafa kasimaruna auquqoofa marinau. Qinee Pauroosa minara maaqi qidaqa. Adamana aanaaqiannaa fasiqa Yisufa maqee marirana faqa naaru marirana faqa nimimari maraqunafa maridanoo.

Uqafiqoo Ufafa 22:1

Mi qangiroofa fuka Yeerusaree maqusa uqaqifiqaseenoo nammari miqoo maruna uqaqifiqanau. Mi nammarifa Anutuna faqa sipsipa aanaaqi Yisuna faqa maru qaarinakiqari qumuree fuka maqusa qambaana ooqu fimarinau. Mi nammarina auqu kaqi marira nammari fee qiqau. Amiqira nammari sia dumuna maqa maru nammarifa mi nammarifa mookoofa amanee kai randaida qumidanoo.

Idi Ufa 49:6

Mi aaqara fasiqausa nári ainainasaa kai mundidaqa, nári moomoo munnimma ainaina faqaasa marianara nári nimoo namoo qidaqa.

Yoohanee 3:19

Anutuna narira oosana maaqimminoo maridanoo. Anutuna kaaqa qara qoomara foora Yisufa maa maqanasaa doo ani maridanoo. Faiqí nári oosana mandainaina maree marifanoo minara irinoo kaaqa qara qoomara Yisunara akooqaifanoo asukunara ridanoo.

1 Yoohanee 1:1

Qinee kaqi marira ufa anoonara Yisunara akara rumasee qimannimidaqa. Mi kaqi marira ufana Yisufa ooqai maa maqa maaqafa sia marunakina marufa maridanoo qinee mi ufanara qimannimidaqa. Maasa mi ufana anoona qifunnai qafeeqa daaqoonnai iriqiafana. Maasa qifu qafamasee qisaukunnai akooqoo kaqi marirana anoona marufaqa auqamasee qafeeqa qimannimidaqa.