Yoohanee 1:38 - Anutuna Ufa

³⁸ Afaqee fimarufanoo Yisufa quandafi nindafeenoo qinau. Inneeqara nanaree qini qifaqee anidee qufaqa miqanda qiqau. Ufasaa rakisira anee yai fee maridanee.

Yoohanee 1:38 Referans Kwoze

Yoohanee 18:7

Yisufa kafaa irammirinoo qinau, innee yanaree randaidee qufaqa misa qiqau Yisuna Nasareetee maqannaanara randaidaqa.

Yoohanee 3:2

Mi fasiqafa moo eenda asukunaki kukeeqakufanoo Yisufa maruqoo anireenoo qimaminoo qinau. Oo ufasaa rakisirafa anee Anutufinaindari anianafa ufasaa rakisirafa marianaqa maasa minara iridaqa. Sia fifau fasiqa narikai qinanoo faiqí teeroo ainaina aaqee taikaannoo, anee ianandee qiananoo taikaannoo. Anutufinaindari anianafa mariannanara mi afeeka ainaina auqimarianaqa maasa iridaqa. Anee nanufa fee maasa qimaqiminnaree.

Yoohanee 1:49

Natanaeerafa iriseenoo tautumakufanoo qinau. Ufasaa rakisirafa anee Anutuna amaaku marianafa. Anee Isaraee maqannaa karaambaiqa marianafa mariananoo.

Aaquqira Ufa 8:34

Qini ufa irimariasa asasifaranoo. Qini kooqiki aiqama kari mariasa faqa eeqá maaqai fimarunna aanna afainni maridaqa qiniara rakisi mariasa asasifaranoo.

Idi Ufa 27:4

Qinee moodaa ainaina kai Yaaweenasaa qaraana marararee qidaqa, qinee minara kai randaanaura. Qinee maa maqanasaa marunna kamuqoo Yaaweena uiqaana maqaki marianauree qidaqa. Minaki maridaqa Yaaweena qareenarana qafamasee asasianauree qidaqa. Mina uiqaana maqaki mina iriranara mariranara randaanauree qidaqa.

Yoohanee 18:4

Yisufa aiqama ainaina nariki kambiqaaninnanara irimarufa marufaqa misa oonuroofanoo Yisufa misa noorinni anireenoo iranau. Innee yafasiqanaree randaidee, qufaqa misa qiqau.

Yoohanee 6:25

Misa Kariree nammari fitaqee muqu afainai oonureeqa Yisuna paqurimasee maaqi qiqau. Oo ufasaa rakisirafa anee yairee fee mai anireenee.

Yoohanee 3:26

Miqidaqa Yoohanee funnai oonuree qimamiqa qiqau. Oo ufasaa rakisirafa. Ooqai anee Yooradanna nammari dinni afainni qimannimuna fasiqafa Yisufa doo Yeerusareendari qumureenoo faiqí anaasee nammari auqamannimaqee marifaqa minni faiqí anaasee moomoo fidaqa.

Yoohanee 12:21

Kirisa maqannaasa aniree Firipina irammiriqa qiqau. Oo maa fasiqa, Yisuna qafararee qidaqa amanee maasa qifiqee finaqa qafaanauree. Firipifa Beetasaida maqusaindaraafa Kariree maqa maaqakinaafa marufa.

Ruka 19:5

Yisufa saqari atukaki oonureenoo murufi afu maqaseenoo Sakiusana qafamasee qimaminoo qinau, Sakiusa dauni dauni qumurainaqa maqee ani maaqaki oonuree ani faqa marianaura.

Ruka 22:61

Ufa qufanoo Yisufa narí maruqooqari maaqakiqari quandafi Peetooroona qafoofanoo Yisuna narí Peetooroonara anee maqee eendaki qaaramoo kari qiniara sia iridee qinanoo kookooraana ufa qiannoo qimaqoona kookooraana ufa qufanoo Peetooroofa iriseenoo firaaqoo asauruseenoo rauda makufannoo aundurai sukaqoofanoo firaaqoo ikiraqa maree finau.

Ruka 15:20

Miqi qimaseenoo mi fasiqafa findifinoo aanai aqufufanoo narí akoofinnai finau, aanai meeaqoo ani marufanoo mina akoofa maqusasaaqari mara meeqa qafamaseenoo amuqusufanoo sandeenoo oonu mara narí amaaku aripimma qumareenoo amooqanau.

Ruka 14:25

Yisufa moosaa fimarufaqa faiqí anaasee moomoosa mina faqa fidaqa maasa faqa Yisuna faiqi namukiraree qufanoo Yisufa quandafi qimanniminau.

Ruka 10:39

Maratana anasaafa Yisuna anoona amarafa Mariafa mifa faqa maridanoo Yisufa Anutuna ufa qimannimimarufanoo Mariafa Yisuna aaqa ooqufaaqeeidanoo mina ufa irimarinau.

Ruka 8:38

Yisufa firarufanoo faafasaaqa aundurai mariu fasiqafa Yisuna aranaiqi irammirinoo qinau, amanee qinee ani faqa fuanauree qimasee fuki faaki qufanoo Yisufa mina aqiqeenoo qinau, aneenna maaqai oonuree Anutufa ani andeeqainara misa qimannimia miqi qufanoo mi fasiqafa narí maqusai oonureenoo Yisufa mina andeeqoonara aiqamai qimanniminoo ninau.

Aaquqira Ufa 13:20

Anee irirana faqaasa faqa finana irirana mareennaranoo. Anee furufarirausa aqoondikinana kuridinnaranoo.

Aaquqira Ufa 3:18

Amiqira irirana faqaasa asasidaqa, amiqira irirafa misa marirana nimiannoo.

Yoohanee 1:37

Yoohaneena ufa irimaruqanda mi ufana irisee Yisuna doo afaqee fiqau.

Yoohanee 1:39

Yisufa iriseenoo qimanniminau doo aniree qafaaqa qufaqa miqanda mina faqa oonu mina maaqa qafamasee eenaanianna oonu qafamaseeqa mina faqa kaqi kaaqoo mariqau.

Yoohanee 4:31

Mi anaaseefa maqusai oorufufaqa Yisuna faiqi namu Yisuna qimamiqau ufasaa rakisira doo narana naa qufanoo mifa nariqa qimanniminau. Qini narana moo maridanoo innee minara sia irimariafanoo.