Yoohanee 1:17 - Anutuna Ufa

¹⁷ Anutufa Mooseenannai narí sandufa narí amusufa maasa qiminau. Asauku mundirana Yisunannai narí kaqi asasamandee nimirufa faqa kuqaa anoona ufa qirana faqa maasa qiminau.

Yoohanee 1:17 Referans Kwoze

Roomma 6:14

Maqee innee sia Mooseena sandufa nimaarusira ufa ameemaanai mariafanoo innee Anutuna afaarirana ameemaanai mariafanoo minara mandainaina fannoo sia inni rafaaqa fuannoo.

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

Yoohanee 1:14

Mi ufafa Anutuna anoona ufa Yisufa faiqí faiqi kamambinoo maasaki qumu marinau. Qumumarufaqa mina afeeka eeraarirana maasa mina faiqi namu kuqaa qafaqau. Mifa narí akoona amaaku moodaa marunara narí akoonasaaqaraa afeeka eeraarirana faqa kaqi afaarirana faqa kuqaa anoona ufa qirana faqa maraseenoo qumbiqanoo maruna qafaqau.

Heeburu 9:22

Miqidanoo Mooseena sandufamau aandau fidikannai kai aiqama ainaina anukee marinau. Faiqí mandainaina faqa fidika teeqiranannai mi manda ainainna anukee marinau.

Yoohanee 8:32

Innee kuqaa anoona ufa kai irifaranoo. Anoona ufa fannoo inniqa mandainainakiqari inni idukuannoo.

Yoohanee 7:19

Mooseefa sandufa akara rumaqoona inni nimufaqa innee mina qumaree mi mau fimarunausee qimasaidaqa fifau qidaqa inniki moo fannoo sia mi mau fimariafanoo. Innee moo mau fidaqa qini kuqa darirara qimariafanoo.

Oosana 22:18

Aiqama maqannaasa qiniara ani aiku asauku amiqi amiqimma nimaaqaafanandee masee maasa faqa amiqi amiqimma qimaqaannee qifaranoo. Anee qini aakapara ufa qaindusuannanara miqiqa.

Karatia 3:17

Qinee Pauroosa minara maaqi qidaqa Anutufa Abarahaamana narufa amiseenoo doo qinee mi mau kai fuanaureeqimasee qimafeekaikinau. Miqooqari (430 aukuana) aukuana moomoo uqanna aiqara mafufanoo Mooseena sandufa fannoo kasooqaqee innaaqiana kambiqafinoo sia amana Abarahaamana qimamu ufana rafaaqafuannoo kaqi mariannoo.

Yoohanee 5:45

Innee qiniaree quandafinoo Anutufinnai maasa darira ufa qiannoofee fee qidee sia qianaura. Mooseefa mifa kai inniara nimaarusirufa qiannoo. Innee maasa minasaa kai mundimariasee qimariafanoo.

Oosana 3:15

Qinee qianaqa maa anaaseefa faqa anee faqa nariara nariara fidiaqaa ifaranoo. Inniqara faiqinamu naaruara namuqaa marifaranoo. Mi anaaseena asumu kiqari moodaa fannoo ani akiiqa radamuannoo. Anee mina asumu kinaana aiku ataa ukaqa aminnaranoo.

2 Koorinti 1:20

Mifa kai Anutuna moomoo ufa maasara qima afeekaikamasee mapukirafa maridanoo. Minara faiqí anaasee Anutunara amooqida innaaru qidaqa asauku mundirana Yisunannai maasa Yisuna ufa irimariasa aiqamausa eedoo qimasee inni dadaaqidaqa.

Yoohanee 9:29

Anutufa Mooseenannai maasa qimaqimufaqa maasa iridaqa. Mi fasiqafa Yisunara maasa sia mina oosanara iridaqa.

Idi Ufa 98:3

Yaaweefa Isaraee maqannaasara sia taikaaninna amuqusirana faqa mapukusee marira oosanara faqa nimianauree qimasee qimaqoona sia qauninau kaqi afu mundusee fimarinau. Aiqama maqa maaqa ati ati marusa rakiranaki maasa Anutuna afeeka doo qafaqau.

Idi Ufa 85:10

Miqimmafinanoo Anutufa maasara aidirafa faqa maqasaa qaraa fasiiqa mapukusee marira oosana faqa moodaanaki kifaranoo. Yaaweena andeeqara oosana faqa maqasaaqaraasa asooarafa faqa narí difaa difaa narí difaa difaa ifaranoo.

Yoohanee 18:37

Piratoofa mina iriseenoo kafaa Yisuna irammirinoo qinau, Kuqaa fee anee karaambaiqa moo maridanee. Yisufa mina irisee maaqi qinau. Anee qianandee kuqaa qinee Karaambaiqa maridaqa. Kuqaa anoona ufa kai qimannimirara qinee maa maqanasaa kambiqafi maridaqa. Kuqaa anoona ufara randeemaria fasiqa anaaseesa misa qini ufa iridaqa.