Titusa 3:15 - Anutuna Ufa

¹⁵ Aiqamausa qini faqa maria fasiqausa ani Titusana amandaidaqa. Yisunasaa mundimariasa anee marianannai mariasa maasara rimariasa anee misa faqa nimandaa. Anutuna kaqi nimirafa innisaa faqa mariani.

Titusa 3:15 Referans Kwoze

Heeburu 13:25

Anutuna afaarirafa inni faqa mariani.

1 Timooti 1:5

Sia fifau mi unnana qimariasara qaoo qiannee qidaqa faiqí anaasee miqooqaraasa Yisunasaa rusirana sia unna qiaqa kuqaa kai qiaqa, kuqaa anoona uqannasaa mundusee fiqa nári nifaaqa qumaarararana siaisa aufadamasee nidaqa nári naunduraki ikairi siaisa nidaqa mi qaaramoo ainainakiqari faiqí aanaaseera nimuqusirana rirafa kambiqaidanoo.

Kooroosee 4:18

Faiqí moo fannoo ufa qunnana akararumasaifaqa qeeqa Pauroosa kaqi qeeqa duqu kai akara ridaqa maa akarana rafaaqafidaqa. Qinee inni nimandaidaqa. Qinee Roomma maqanna karabusaki kaqi marunnanara innee maqee maqee innaaru qimaqisaaqa. Anutufa narí marirana inni niminaqa innee amiqi amiqiaqeera nimiannoo mina maraaqa.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

3 Yoohanee 1:1

Oo Kaiusafa anindiri Yisuna anoona ufa qimarianaki marunnanara qinee faiqí firaasa aniara qimuqusimarifaqa maa akarana ani amaqaidaqa.

Firemoona 1:5

Anee karaambaiqa Yisuna saqarikiranara faqa Anutuna ufa iri mariasara aidimariannanara faqa maqee maqee iridaqa aniara dufi dufi qidaqa.

2 Timooti 4:22

Karaambaiqa maraquna fannoo ani faqa mariani Anutuna afaarirafa inni aiqamausa faqa mariani.

1 Timooti 1:2

Oo Timooti maasa qikoofa Anutufa faqa maasa karaambaiqa asauku mundirafa Yisufa faqa ani dadaaqiaqa, misa nariqa nifauarana ani amiaqa. Misa ani aundura asooarana faqa amiaqa.

1 Koorinti 16:23

Karaambaiqa Yisufa narí afaarira oosana inni faqa nimiani.

Mataioo 5:47

Innee inni nidirausara kai nidinaqa amana amana kai mariafanoo. Innee sia aanaamuru urinaaqaraida. Misa faqa narí aidi narí aidirana amana amana kai mariafaqa minara qinee inni qimannimiqa. Inni namuqaara faqa nimuqusaki nidiani sia aqoondiara kai nidiani.