Titusa 3:12 - Anutuna Ufa

¹² Qinee Pauroosa Arateemasana fee Tikikusana fee anee mariannaqoo niqiqaana ani saikasaa oonu rakisifana anee Nikoopoorisa maqusai kaqi kaqi fua. Suara uqi mari aukuana qinee Nikoopoorisa maqusa oonu marianauree qidaqa. Anee amanaikinana miqoo oonuree qini paquria.

Titusa 3:12 Referans Kwoze

2 Timooti 4:9

Oo Timooti anee kaqi kaqi mindari aniree qiqafaa.

2 Timooti 4:21

Suara aukuana aniannoo anee naaree amanamasee qafeenana ania. Eeuburusafa faqa Pudeenasafa faqa Rinusafa faqa Karaudiafa faqa maaqoo maria qikaqaafasaasa faqa aiqamausa Timooti ani amandaidaqa.

2 Timooti 4:12

Tikikusafa qini faqa marina qinee doo aqiqaunanoo Eefeesusa maqusai finoo.

1 Koorinti 16:6

Inni maqusai oonureeqa kaqi kaaqoo kisaaqasaa inni faqa marianauree, aukuana aiqaramafinaqa qambaanasaqa suara aukuana qaaramoo quqoona inni faqa marianauree. Doo miqooqari moosaa fuanaura yaifee fuanauree maqee sia iridaqa.

Eefeesusa 6:21

Qinee Tikikusana aqiqaananoo qini daufakiana inni qimannimiannoo. Mifa maasa qimuqusi mari qikaqaafasaafa maridanoo, karaambaiqa saikaki amiqi amiqira ainainimarifa maridanoo. Mifa qini fasaasa ufa inni qimanniminaqa innee qini mariranara iriaqeera.

Kooroosee 4:7

Qini Pauroosa Tikikusafa qini daufakiana inni qimannimiannoo Tikikusanara qini dididanoo mifa karaambaiqaindi maridanoo mina ainainira faiqi maridanoo amiqimaseenoo maasa dadaaqidanoo.