Titusa 2:8 - Anutuna Ufa

⁸ Anee mapukirufa kai qimanniminaqa sia quandafi aniara fifau faafau ufa qiifoo qifaranoo. Anee mapukira ufa qimanniminaqa aniara nikooqee mariasa ani namuqaa faqa kaukaataqira ufa qianneera mina oosanara randeeqa nisaurifaranoo.

Titusa 2:8 Referans Kwoze

1 Peetooroo 2:12

Innee aamina maqannaaki nidaqa maridaqa inneeqa nirana marirana amiqimasee nifaqa misa inniara mandoosana mareemariasee qimasee inni nindafeeqa oo amiqimasee mariasa qimasee misa faqa quandafi Anutuna amooqiqa Yisufa innaarunaindari qumurainaqa amooqifaranoo.

1 Peetooroo 2:15

Furufari mariasa inni Yisuna ufa irimariasa minara manda dapi ufa inni nimifaqa sia aanooqirana nariranannai rafaaqafuaqa. Anutufa inniara inneeqa amiqira nira mariranannai mi furufarirana qiqanuasa ufa rafaaqafuaqeera qidanoo.

1 Peetooroo 3:16

Sia raiqasee qimannimia, ireeda nimandakusee qimannimia. Inni nisakadiki anukarafa kai mariani. Faiqí akaqausa inniara asauku mundirana afaqee mariasee qimasee mandufa nimiseeqa inni amiqi marirana nindafamasee nisaurifaranoo.

1 Timooti 6:3

Faiqí moo fannoo maa qinee qunna ufana moo mau kaqirunna fidanoo karaambaiqa asauku mundirana Yisuna anoona ufara qaoo qidanoo Anutuna mapukira ufa siaifa maridanoo kaqirunna ubeekaidanoo, miqi qimari fasiqafa sia moo ainaina qafaidanoo kaqi narí afaaqa kai amooqidanoo miqidanoo.

2 Teesaroonika 3:14

Innee maa akarana asaana rimarifaqa akaqausa mi ufana rukiee mariasa marifaqa innee rufiasee nianai marifaqa misa nisaurirana maraaqa.

1 Timooti 5:14

Oo Timooti qinee Pauroosa kumaaraa adeedaana aanaaseera maaqi qidaqa, misa andeeqasee mariaqeera. Misa kaifaa moo fasiqa marasee faiqi minasaa maqasee nariqa faiqisaa rakisida andeeqasee mariaqa. Misa miqi marifanoo maasa namuqaa Yisuna ufara nikooqee marisa maasaki randasee sia mandoosana paqurimasee mandufa uqeeraaqa.

Ruka 13:17

Miqi qufaqa Yisuna aqi marusa mi ufana iriseeqa nisauri marufaqa faiqí anaasee kaiqeesa Yisufa oosana oosana amiqira ainaina auqoonara asasimariqau.

Mareekoo 12:34

Yisufa mi fasiqana ufa iriseenoo oo irirana faqaa fasiqa fee qimasee qimaminoo qinau. Anee Anutuna ququsa adeedirana atisaa mariananoo. Miqooqari Yisunara naaquqoofaqa sia moo ufa iraqau.

Mareekoo 12:32

Mi fasiqafa Mooseena sandufa akoofasa fannoo Yisuna mi ufana iriseenoo qinau. Oo ufasaa rakisirafa amiqimandee andeeqasee qiananoo anee qianandee kuqaa karaambaiqa mifa kai Anutufa maridanoo, sia moo Anutufa maridanoo mifa kai maridanoo.

Mareekoo 12:28

Mooseena sandufa uqannifiqee marifa moo fannoo Yisufa Sadikai amaana ufa qimariasa faqa ufaqi marufanoo Mooseena sandufa akoofasa fannoo faasai irinau. Yisufa Sadikai amaana ufa qimarusa narí ufannai misa ufa amiqimasee rafaaqafusoonara qafamaseenoo oo amiqira fee qimaseenoo narí faqa moo ufa Yisuna qimamianauree qimaseenoo qimaminau. Oo Yisu Mooseena sandufa moomoo kinaana nana sanda ufee uriqaranoo maridanoo fee qufanoo Yisufa qinau,

Titusa 3:14

Maasa niqoondi Kareetee maqannaauqa sia nisauku raqandaamasee mariaqeera naamuaqiaqa. Misa maqee maqee maqasaa anoona ainainirana kasi kasida niqoonausa faqa dadaaqi marinanaki maridaqa nári anoona ainaina auqee marianaki faqa maridaqa akaqausa niqoonausa naida nimiaqeera qimannimia. Miqimasainaqa misa saika sia fifau irairaaiani anoona kai kambiqaani.