Titusa 2:3 - Anutuna Ufa

^3-5 Anaasee firaasa faqa miqi kai masee maaqi qimasee qimannimianaqa, misa marirana anukara anaasee kammambiqa mariaqa, misa moosara nifai sanduri mariana sia miqiaqa, sia manda nammarinnai nidudusaa aruaqa. Misa fuka aanaaseeuqa amiqira oosana uqannifiqasee naakapamasaifaqa misa nári nifaaqiara ruaqeera nári faiqi namuara faqa ruaqeera. Misa nári naundura nimanara iridaqa mariaqeera. Misa anukara anaasee mariaqeera misa amiqimmandee nári nifaaqi faiqi namu qumiasana ainainasaa rakisirausa mariaqeera. Misa afaaridaqa amiqi marinausa mariaqa. Misa nári nifaaqmaaka ufara eedoo qimarinausa mariaqeera Titusa anee qimannimia. Misa miqiqa marifanoo akaqausa ani nindafeeqa sia Anutuna ufara mandainainee qiaqeera.

Titusa 2:3 Referans Kwoze

1 Timooti 3:11

Dadaaqi maria fasiqausa ninaaqmaaka faqa marirana nirana andeeqasee maridaqa sia munuqi miniqi qimariasa marifaranoo. Mi anaaseesa noori runusee maridaqa anoona ufa kai qimariasa mariaqa.

Titusa 1:7

Yisuna ufa irimariasasaa rakisirausa Anutuna ainainiranasaa rakisirausa marianara sia moo aaqarafa misaki mariaqeera qidaqa. Misa sia aanooqirausa mariaqa. Sia qusasaa rakimarinausa mariaqa. Sia nammari namasee furufari mariasa mariaqa, sia dauni rakirana uqeerarausa mariaqa, sia ainaina munnimmara kaaqa nimuqusirausa mariaqa.

1 Timooti 3:8

Doo qinee Pauroosa amaana maqasaa rakisirausara qimasee doo maqee misa oore̱eqara dadaaqirausara qianaura. Amaanufasaa rakisirausa dadaaqimariasara misa marirana nirana andeeqasee noori runusee mariasa mariaqa. Misa faqa sia nammari namasee furufariaqa. Misa faqa sia kaaqa ainainara rimarinausa mariaqa.

Roomma 16:2

Mifa andeeqara anaasee marinoo oonurainaqa innee Anutuna faiqi namu naanna ramasee karaambaiqa ufa irimari anaasee fee qimasee amiqimandee qumaree rakisidaqa mi anaaseefa moo ainaina ummaara moo bisinisa Roomma maqusai auqainaqa innee kaqi dadaaqiaqa. Mi anaaseefa moomoo fasiqa anaasee dadaaqirafa qini faqa dadaaqira qiqoondi maridanoo.

Eefeesusa 5:3

Innee Anutuna maqasaa aiku asauku marianara inniki faiqí anaasee narí ummuari narí ummuari maria ufana faqa ikairi irirana faqa ainainara faqa aanaaseera faqa kaaqa fanandi mariana faqa sia mi oosanna maraaqa minara ufa qimariafa faqa doo taikaaqa.

Uqafiqoo Ufafa 2:20

Qinee inni moodaa ainainara kai inni niqidaqa. Innee mi manda anaaseena Yeeseebeera nammarinara saina kaqi marianifee qimariana. Mifa unna qimasee nariara Anutuna ufa maree marunausee qidanoo. Mi anaaseefa naakapaidanoo qini ufa irimariasa rarisameeqeenoo faiqí faqa anaasee faqa narí ummuari narí ummuariranaki quqaidanoo. Moo unna anutunara innaaru qimasaida narana neemarianaki faqa quqaidanoo.

Heeburu 5:12

Innee faqa maqee faiqí uqannifiqaaqaana. Innee Anutuna akarakinaa ufa oosana ainaina faqa sia amiqimasee iri mariafanoo. Innee moosa qimannimiaqaaqoo sia amanaiki mariafaqa moosa inni qimannimidaqa. Innee ooqai narana uqanna naaqaana mariafanoo innee naamma naidara maqi kaimmimariafanoo sia innooqarausara foora mariafanoo.

1 Timooti 5:23

Timooti anee aranandaki maqee maqee aurimariananoo qinee minara irisee ani qimamidaqa, anee nammari uqanna kai maqee maqee neemariananoo anee sia mina kai naa, maasa maqee maqee neemarunnana uainna nammarina reendeenimarina mina kaqikaaqoo namasainanoo aurirafa taikaani.