Titusa 2:15 - Anutuna Ufa

¹⁵ Titusa anee mi ainainna maqee qinee qunna ainainna faiqí anaasee naakapaa. Anutufa ani qimaminara sia rufiaa. Afeekaikamasee qimannimia. Aneenna afeekaikamambinana fuki faaki qidana amiqira oosana andeeqara oosana maraaqeera qimannimia akaqausa mandoosana mareefoora qaoo qia. Aniara manda faiqi fee kaqikaa faiqi fee qifoora, Anutuna ufasaa afeekaikamafinana andeeqasee qimanniminaqa sia miqiaqa.

Titusa 2:15 Referans Kwoze

2 Timooti 4:2

Anee Yisuna amiqira fasaasa ufara faiqí anaasee qimannimia, narí qanaa fee kaqiqoo fee sandanainai qimasee qimannimia, anee misa iriaqaa iaqee qimasee qimanniminaqa misa iriaqa anee mandoosana maree mariasara qaoo qia, anee faiqí aanaaseera nifeeqaraidana poodua. Anee ubiqafi sanaasamasee faiqí anaasee qimannimia.

Titusa 1:13

Qinee Pauroosa minara maaqi qidaqa. Mi fasiqafa narí maqannaasara doo kuqaa miqi mariasee qinau. Titusa anee faqa minara irisee kooroomasee rakeemasee nimambaina qimasee aranaiqi qimannimia. Miqi qimasainaqa Kareetee maqannaasa sia kaqirunna fuaqa Anutunasaa saqarikirafa afeekaikamafi maridaqa anoona ufasaaqari quandaki unna ufa qimariasa naakapaifaqa sia misa naakaparana iriaqeera.

1 Timooti 5:20

Yisuna ufara suqimaria maqanaki keeqee marifa manda oosana marainaqa aiqamausa nifusaa minara qaoo qidaqa ufa qiaqa. Miqimasaifaqa aiqamausa rufiasee sia miqifaranoo.

Mataioo 7:29

Maa fasiqafa sia maasa uqannifiqee mari fasiqausara foora maridanoo. Maafa nariara Anutufara foora maridee qidanoo qimannimidanoo.

Mareekoo 1:22

Mina ufa irimarusa firaaqoo naaquqanau. Sia Mooseena sandufa akoofasauqara foora qimanniminau, narí Anutufara foora qimannisoofanoo naaquqanau.

Ruka 4:36

Aiqamausa mina qafeeqa tautumasee narí qimami narí qimami qiqa qiqau, maa fasiqana ufa nana ufa fee maridanoo narí Anutufara foora afeekufannai kaasau afaanna qimannimifaqa eedoo kai qimasee raudee sandaafanoo naaquqaidanoo.

Mareekoo 1:27

Faiqí anaasee mina qafamasoofanoo naaquqoofaqa narí qimami narí qimamiqa qiqau. Maa fasiqafa Yisufa nanee maridanoo, nana fuka naakaparufa qinoo fee. Maa fasiqafa narí Anutufara foora narí afeeka ufannai kaasau afaannauqa qimannimifaqa eedoo kai qimasee rafudamaki fiqa.

1 Koorinti 16:11

Timootifa Yisuna ufa irimariasa qini qikaqaafasaauqa saimbaqa mootinai aiquqaki mai aniraree qimasee inni maqusai naaree anireenoo mai qinee minara rakisi marunnannai Eefeesusa maqusai anianifeera qidaqa. Innee Timootinara kumaaraa fee qimaseeqa sia minara nikoo nikaa iaqa amiqimmandee dadaaqifanoo asooaranakiqari findifinoo mai aniani.

1 Peetooroo 4:11

Amaana ufa qimannimimari fasiqafa Anutuna ufa kai qimannimiani. Faiqí dadaaqimariasa Anutufa nimimari afeekanannai afeekaikamasee niqoonausa dadaaqiaqa. Miqinanoo aiqama ainainiranaki asauku mundirana Yisunannai Anutuna amooqira ainaina kambiqafuannoo aiqama areenarafa faqa afeeka faqa naaru naaru marianinafa minaindi Yisunaindi kai maridanoo. Kuqaa.