Titusa 1:4 - Anutuna Ufa

⁴ Titusa qinee ani qimamiafannana anee aneenna irirana Yisunaki quqoonafa mariannanara qinee aniara qini qimaaku fee qidaqa anindiri Yisuna iriranamau fimarunnanaki keeqee marunnanara maa akarana ani rumamaqaidaqa. Yisufa asauku mundirafa maasa asumu maree marifa maridanoo. Mifa faqa mina akoofa Anutufa faqa narí afaarirana faqa narí asooarana faqa ani aaku amaqaani.

Titusa 1:4 Referans Kwoze

2 Timooti 1:2

Oo Timooti anee qini qifaaqasaa qimaakuara foora marianafa qinee maa akarana ani rumamaqaidaqa. Maasa aiqamausa faqa aiqama ainaina faqa nikoofa Anutufa faqa maasa karaambaiqa asauku mundirafa Yisufa faqa narí afaarirana faqa amuqusifanoo nifauarana faqa aundurai asooarana faqa ani amiani.

Yudeesa 1:3

Oo qini qifaaqasaa qiqoondiuqa. Anutufa maasa innaaruna asumu marirana moodaa qimiqaifaqa minaki quqaqisainara akara ruani qimaseeqa minniseeqa moo ufa akara ruanaura. Anutufa moodaa kari nimu ufana maasa qimuna mi ufana rakira ufara foora afeekaikamasee uqeera aindusuaqa minara inni afeekaikamandee akara rumannimaqaidaqa.

2 Peetooroo 1:11

Innee mi amiqira ainainausa afeekaikamasee inni Yisuna saqarikirana ootupamasaifanoo maasa karaambaiqa asauku mundirafa asumu maree marifa Yisufa mina qafamaseenoo narí naaru marira ququsaki firaa qoo kooqi atu aquseenoo inni naarameeqee minaki quqaannoo.

2 Peetooroo 1:1

Qini Simoona moo duqu Peetooroosa qinee asauku mundirana Yisuna ainainira faiqi Yisufa maa maqanasaa diqiqamaqoo fasiqausa marunausa maa akarana inni rumannimaqaida. Maasa Anutufa maasa asumu maree marifa asauku mundirafa Yisufa narí andeeqaranannai amiqira oondara fooqaana narí saqarikirana maasa qiminau, inni faqa mi amiqira ainainna niminau.

2 Koorinti 2:13

Miqoo maridaqa maasa qikaqaafasaa Titusafa inni maqusaindari ani ifoo qimaseeqa randaidaqa sia paquriafannanara qimuqusa mandaikufaqa miqooqaraasa nimandamasee Maseedoonia maqa maaqaki minara randarara fiqiafana.

2 Peetooroo 3:18

Maasa Karaambaiqa maasa asumu maree marifa asauku mundirafa Yisufa mina amiqira marirana irirana minaki kai fidaqa maqee maqee innooqaaqa. Maqee faqa naaru naaru faqa mina amooqira ufa mariani. Kuqaa.

2 Koorinti 8:23

Titusafa qini faqa moodaanaki inniara dadaaqimarifa maridanoo. Maasa qikaqaafasaa Titusana faqa innee iannai fimariaqanda maridaqa Yisuna ufara suqimariasa miqanda utaaqamaqaaqanda maridaqa, asauku mundirana areenarana maree mariaqanda maridaqa.

Roomma 1:12

Qinee minara maaqi qidaqa qinee faqa innee faqa narí dadaaqi narí dadaaqirara innee Yisuna saqarikirana faqa qinee faqa Yisuna saqarikirana faqa narí dadaaqi narí dadaaqiaqa.

1 Yoohanee 5:14

Maasa Anutuna iriranasaa maaqoo moo ainainara innaaru qiananoo kuqaa maasa qimiannoo maasa iridaqa, miqiannanara maasa Anutuna afusaa sia rufiaidaqa paasoosamasee innaaru qidaqa.

2 Peetooroo 2:20

Miqi mariasa akaqausa asauku mundirana, Yisufa asumu maree marifa maasa karaambaiqa, misa akaqausa minara irimarianannai minannai maa maqanasaa kuridira mandainaina rafaaqafiranakinaana idukunnisaidanoo andeeqara aanai ubeekeeqa kafaa quandaki kafaa manda ainainaki aqufinausa mi fasiqa anaaseesa indaaru mandainainaki ida afaisaa mariaasa maqee doo firaaqoo uqanna ida qambaanaki mandainainaki aqufuafanoo.

Titusa 1:3

Mifa ooqai naaru marirana kasooqaqee qimiraree qunara doo maqee maa fasannai andeeqara aukuannee qimaqoofa mina anoona Yisufa maa fasannai doo kooroo inoo maridanoo. Anutufa maasa mandainainakinaana qumaree marifa firaaqoo qimaqimina mi ufana qimannimidaqa.

Eefeesusa 1:2

Maasa qikoofa Anutufa faqa maasa karaambaiqa asauku mundirafa Yisufa faqa narí afaarirana faqa narí asooarana faqa inni nimiani.

Karatia 2:3

Qini qiqoondi Titusafa aanaamuru Kirisa maqusaindari qini faqa Yeerusaree maqusai ooru marufaqa Yuda maqannaasa Yisuna ufa irimarusa minara maasa sia Yuda maqannaa naanna ramasee Titusana fainanduquaneera qiqau, kaqi mana mana imariqau.

2 Koorinti 12:18

Qinee Titusana iraafananoo eedoo qimasee innee unnai finau, moo fasiqa Yisuna ufa irimarufa qini qikaqaafasaa mina faqa aqiqaafananoo Titusana faqa finau. Innee minara Titusafa maasa qikaru qimaseenoo fee maasa ainaina mareefoo qida fee. Sia fee qinee Pauroosa faqa Titusafa faqa moodaa irirana maraseeqara moodaamau fimarunnanara irida fee.

2 Koorinti 8:16

Qinee Pauroosa Titusana oosana qafamasee Anutunara dufi dufi qidaqa, maasa daanna raidanoo firaaqoo inni Koorinti maqusanaasa dadaaqiraree qidanoo.

2 Koorinti 8:6

Maseedoonia maqannaasa oosana miqinoo marinara innee Koorinti maqannaasa faqa miqiaqeera Titusana fuki faaki qiafanoo inni qimannimidanoo. Ooqai Titusafa inni faqa maridanoo Yudeea maqannaa nimianinna munnimmanara oosana arasee qimanniminau. Doo maqee Titusafa mi nimuqusira saikana kaifaa uqeerarara fuki faaki qidaqa.

2 Koorinti 7:6

Maasa miqi mariafananoo Titusafa inni maqusaindari mai aniree maasa paqurinau. Mifa anunannai qifaaqa rumboosa amiqimarufa Anutufa maasa qifaaqa amiqinau.

2 Koorinti 4:13

Tamummaqara fasiqa minara maaqi qimasee akara rinau. Qinee qeeqa irirana Anutuna ufasaa rusisaafannanara qimannimiqiafana. Qinee Pauroosa mi mau fidaqa qinee minara maaqi qidaqa. Maasa faqa irirana rusirafa marinara qimannimidaqa.

Roomma 1:7

Anutufa inni Roomma maqannaasa faqa naarameeqeenoo qini qiku qisauku kiaqeera qimaqoosa mariafaqa. Qinee Pauroosa minara iriseeqa inni akara rumannimaqaunafa maridanoo. Anutufa maasa qikoofa faqa narí asauku mundirana Yisuna maasa karaambaiqa faqa narí amiqi amiqira oosana faqa narí aundura asooarana faqa inni nimiani.

Ruka 2:11

Maqee eendaki, inni innaarunai mareefandinnana asumu maraaninafa Anutuna asauku mundirafa karaambaiqa fannoo Dafidina maqusaki kambiqeenoo.

Karatia 3:26

Innee aiqama Yisuna saqarikiranannai asauku mundiranaki keeqafi marianara Anutuna amaaku kamambi marianara innee inneeqa nammari maroonannai innee asauku mundirana andeeqara marirana qamunnara foora akumaree minaki fuaqa.

Karatia 3:28

Doo minakiqari sia Yuda maqannaasa faqa aanaamuru faqa naaduma moo kiqa maridaqa sia karabusa ainaini mariasa faqa idukirausa faqa moo kiqa mariafanoo sia faiqí faqa anaasee faqa mookiqa mariafanoo amana amana kai mariafanoo. Innee aiqama asauku mundirana Yisuna faqa moodaanaki maridaqa aiqamausa amana amana kai moodaa mariafanoo.

1 Timooti 1:12

Qinee mi saikanaki nimariafananoo maasa karaambaiqa asauku mundirafa qini ainainirana amana kai qimunara dufi dufi qidaqa. Mifa qiniara mi ainainirana amanaikammi ifoo qimaseenoo mara quqaqaisa maridaqa minara faqa maasa karaambaiqa asauku mundirana Yisunara dufi dufi qidaqa.

2 Timooti 1:1

Anutuna ufasaa asauku mundirana Yisufa narí ufara diqiqoosa maqasaa fasiqa Pauroosa maridaqa. Yisufa naaru naaru marirana qima afeekaikammandee qimiraree qimaqoona mifa nariki asauku mundirana Yisunaki maridanoo maasa minaki oonu maridaqa mi naaru marirana maraanaura.

2 Timooti 4:10

Deemasafa maa maqa maaqanakinaa ainainara kaaqa ridanoo qini minniqiseenoo doo Teesaroonika maqusai finoo Kareeseenasafa doo Karatia maqa maaqai finoo, Titusafa Daramatia maqa maaqai finoo.

Titusa 2:13

Maasa miqiqa fifi iqa Yisuna innaarunaindari koorooira faasaanara asasammasee maaqoo afeesida mariaqee qidanoo. Mi faasaanna maasa Anutufa, maasa mandainaina numoo arusee innaaruna asumu marirana nimianinafa, Yisufa, Anutuna asauku mundirafa, firaa kaaqa qaranakiqari, quriqararanakiqari koorooiannoo.