Titusa 1:11 - Anutuna Ufa

¹¹ Misa ufa taikaani fee qidaqa. Misa faiqí narí anaaqa faqa narí faiqi namufaqa mareeqeeqa munnimmara kai iriseeqa nisauruaqaana oosana oosana mandainainaki quqeemariasa maridaqa.

Titusa 1:11 Referans Kwoze

2 Timooti 3:6

Misakiqari akaqa fasiqauqa nariqa unna amaana ufa qianeera furufari maria anaaseesa mandoosana maree maru anaaseesa maaqaki oonureeqa unna amaana ufa qimannimiseenoo misa afapita qumareenoo misa firaafaikinoo marifaqa mi irirana siai anaaseesa nári oosana oosana mandainaina nidudusaa aruqaafanoo innee doo mi mau kai fuaqee qifaqa mi mau kai fidaqa.

1 Timooti 6:5

Faiqí akaqausa aaqee mariasa nári nifaurunnoo unna qidaqa. Misa Anutuna ufamau fidaqa firaa munnimma aina maa maqanasaa marararee qimariasa. Miqi qimariasa anoona ufa siaisa, irirafa taikarausa mi ufana qidaqa.

Roomma 3:19

Mooseena sandufakina mina ameemaanai mariasara qidanoo qimarifaqa maasa minara iridaqa. Faiqí anaasee aiqama maa maqannaasa náriara andeeqarausee qimaria ufana oosana oosanauqa aruseeqa aiqamausa mareeqee Anutuna narira ufa ameemaanai quqaaqeera Mooseena sandufa ani maridanoo.

Titusa 3:10

Anutuna ufa qimariasakiqari moo fannoo mandoosanara sandanainai qimarinnana qaara kari kai aaquqira ufa qimamia. Kafaa fee qinana doo mina ameesa uqamaqaa.

Idi Ufa 63:11

Qinee Isaraee maqannaasa karaambaiqa rakiranaki uriqararana qimimarinara. Anutunara asasianaura. Aiqama Anutuna auqusaa kuqaa qima afeekaiki mariasa mina amooqifaranoo. Unna ufa qimariasa noo Anutufa ititannimaqasainaqa sia ufa qifaranoo.

Titusa 1:9

Yisuna ufa irimariasasaa rakisirausa misa amiqimasee Anutuna ufa anindiri qimannimiafannana irisee qumaree marinausa mariaqa. Misa Anutuna anoona ufannai pooduqainaqa akaqausa aaqara ufa qinausa iriseeqa quandafi andeeqasee nári manda oosanara qimannimiaqa.

Titusa 1:7

Yisuna ufa irimariasasaa rakisirausa Anutuna ainainiranasaa rakisirausa marianara sia moo aaqarafa misaki mariaqeera qidaqa. Misa sia aanooqirausa mariaqa. Sia qusasaa rakimarinausa mariaqa. Sia nammari namasee furufari mariasa mariaqa, sia dauni rakirana uqeerarausa mariaqa, sia ainaina munnimmara kaaqa nimuqusirausa mariaqa.

Idi Ufa 107:42

Andeeqara oosana maree marusa mina qafamasee asasufaqa manda oosana maree marusa mina qafamaseeqa noo qumunamasee mariqau.

2 Koorinti 11:10

Qinee asauku mundirana anoona ufa oorisaa maridaqa qima afeekaikira ufa qimannimidaqa sia uqanna inni narana ainaina maraanauranoo aiqama Kirisa maqa maaqaki mariasa narana ainaina sia uqanna maraanauranoo, sia moo fannoo qini ufa aruannoo.

Ruka 20:40

Misa kafaa miqooqari Yisuna irammiriranara rufiasee kaqi kasooiqau.

Yoohanee 10:12

Feefauruara ainainimarifa sia miqiannoo kaasau faini anirainanoo rufiasee sandaannoo. Sandamafinanoo kaasau faini anireenoo sipsipa qumarainaqa daraanifaranoo.

Mataioo 23:13

Yisufa kaifaa misa qimanniminoo qinau. Innee Farisai amaana ufa qimariasa faqa innee Mooseena sandufa akoofasauqa faqa inni narirafa firaafa marinara qinee oonumafi iriqa qimudao̱o qidaqa. Innee faiqí amaana ufa qimannimisaidaqa maqandanai inneeqa kaqi ummuari mariasa. Faiqí anaasee akaqausa innaaruna ququsaki keeqarariafaqa innee rafaaqafunnimaqaida innee faqa sia keeqeefaranoo.

1 Timooti 5:4

Adeedaana aanaaseeuqa marifanoo nári ninaiqimara faqa faiqi namufaqa marifana anee qimanniminaqa misa quandafi nári ninausa nitaatoosamara amiqimmandee rakisinnimaqaaqa. Anee miqidana maana faqa qimannimia, misa Anutuna ufamau fidaqa indaaruqaa ainaina mifa mariannoo. Misasaa dadaaqamannisaidaqa nári ninaukoo kadaapi akiaqara nimimariafanoo. Anutufa faqa mi oosannara aqaara raidanoo.

1 Timooti 5:13

Kumaaraa adeedaana anaasee moomoo suanisaa maaqakiaqa fifau nimariafanoo ainainira aukuana ainnaaqaree marisa mariafanoo. Misa miqiqa nidaqa manda uriqarara irirana marasee unnufa munuqi miniqi qiqa nidaqa sia qiaqaa ufa qiqa nidaqa.